Marc 13:8 - NYANMIƐN NDƐ'N 1998

⁸ Nvle kun wa jao nvle kun wun, yɛ famiɛn kun wa jao i wiengu famiɛn kun wun. Lika wie'm be nun asiɛ'n ɔ wa keje, yɛ awe wa kpɛn. I kwlaa sɔ'n ti nyrɛnnɛn'n i bue nuan kaan sa.

Nyanmien nde Ufle

⁸ Nvlé kun wa dyaô nvlé kun wun, ye famien kun wa dyaô i wiéngu famien kun wun. Lika wié'm bé nun asie'n o wa kédyé, ye awé wa kpen. I kwlaa so'n ti nyrennen'n i bué nuan kaan sa.

Marc 13:8 Iomraidhean Croise

2 Be Nyoliɛ 15:6

Nvle kun saci nvle uflɛ, klɔ kun saci klɔ uflɛ, yɛlɛ kɛ Nyanmiɛn fali nyrɛnnɛn fanunfanun yili bé su.

Jue Mun 48:6

Kɛ be wunnin Anannganman i klɔ'n cɛ'n, be boli bli, srɛ'n kunnin be dan nan b'a wanndi.

Ezai 19:2

Anannganman waan: «N wa yo man Eziptfuɛ'm be ngunmin ngunmin be ´kun, sran kun nin niaan be ´tu, sran kun nin i janvuɛ be ´kan ndɛ, klɔ kun nunfuɛ'm be nin klɔ uflɛ nunfuɛ'm be ´kun, famiɛn kun wa jaso i wiengu famiɛn kun wun.

Ezai 29:6

Anannganman b'ɔ sie mɛn wunmuan'n ɔ wa nian amun osu. Kɛ ɔ ´ba'n, nyanmiɛn'n ɔ ´kpla, asiɛ'n ɔ ´keje, nganniɛn dan kpa kun ´tɛ, seke'n ´tu, aunngban dan kun ɔ ´fita, yɛ sin dan kun ɔ ´jue vlauun-vlauun.

Ezai 37:3

Be ko seli i kɛ: «Ezekias waan e se wɔ kɛ: ‹Ndɛ cɛn'n ti awlaboɛ cɛn nin fɔ tulɛ cɛn, ɔ nin nyannzuɛn cɛn. Ɔ ti kɛ ba bɔ b'a sie wulɛ bɔ sanngɛ fanngan nga be ko fa ko wu be'n nun-man lɛ'n sa.

Zeremi 13:21

?Be nga a fali ɔ wun mannin be man be sieli wɔ'n, kɛ be ´ba wɔ bolɛ'n, a ´se sɛ? ?Kɛ a ´wun kɛ be nga be nin wɔ mantan mun be su ba'n, ɔ klun'n su kisan-man wɔ fiaan kɛ bla bɔ i ba wulɛ ɔ'a to i'n sa?

Zeremi 22:23

Wɔ bɔ Liban lɔ yɛ a tran'n, bɔ ɔ́ sua'n ti Sɛdri waka ngunmin'n, kɛ aklunya'n ɔ wa fu wɔ nun'n, sunlɛ'n wa yo dan. Ɔ wun ´blibli wɔ kɛ bla bɔ awuliɛ ɔ'a to i'n sa.»

Zeremi 25:32

Anannganman b'ɔ sie mɛn wunmuan'n wan yoo: «Nyrɛnnɛn'n tɔ nvle kun su, kpɛkuun ɔ sa nvle uflɛ. Aunngban dan kpa kun fin asiɛ'n i tiwa lɔ ɔ su wa tu ba.»

Zeremi 4:31

N ti fɛfɛlɛ kɛ bla yɛ ɔ su wu ba sa. Fɛfɛlɛ'n tɛ kɛ bla sɔ'n i talua ba yɛ ɔ su wu i sa-a. Kannzu Siɔn yɛ ɔ fɛfɛ sɔ-ɔ, yɛ ɔ sun aunnvuɛ sunlɛ ɔ tinngɛ i sa'n nglo sɔ-ɔ. Ɔ se kɛ: «M'an wu o! M'an fɛ, min kunfuɛ'm b'a kle min yalɛ lele n si-man wie se kun.»

Zeremi 49:24

Damasfuɛ mun be tra be anwlɛn-ɔn ɔ tra-man kun. B'a kaci bé ja sin be o wanndilɛ. Bé wun'n usu-man be ngowa. Be anwlɛn'n si kpukpukpu kɛ wunnzɛfuɛ bɔ i ku nun su yo i ya'n sa.

Zeremi 50:43

Kɛ Babilɔni famiɛn'n tili i sɔ ndɛ liɛ'n, i sa sin bubuli i. Srɛ'n ɔ'a kun i kpo. I klun'n kɛnndɛn i kɛ wunnzɛfuɛ wie bɔ i ba wulɛ ɔ'a ju sa.

Zeremi 6:24

Kɛ e tili jasin sɔ'n, e sa sin bubuli ye, ye akunndan'n sanngannin, e klun kanndannin ye, yɛ srɛ kunnin ye kɛ bla b'ɔ su wa wu ba'n sa.

Ndɛ Nga Nyanmiɛn I Nuan Ijɔfuɛ Aze Kannin'n 2:22

N ´yi famiɛn'm be ase. N ´yo man be kwlalɛ'n ´wie. N ´utu kakaklolo mun nin be nun sran mun. N ´yo man nnɛn kpanngɔ'm be ´wu. Be nga be fu bé su'n, be ´kun be wiengu .

Zakari 14:13

I sɔ blɛ'n nun'n, Anannganman'n ´fa utre dan kpa yi be afiɛn. Be ´sɔsɔ be wiengu sa, be ´bo be wiengu acɔliɛ.

Matthieu 24:8

I kwlaa sɔ'n ti nyrɛnnɛn'n i bue nuan kaan sa.

Marc 13:7

Kɛ an ti alɛ i wun ndɛ'n, nin i nganniɛn'n, nán man amun klun titi amun, afin san sa sɔ'm be ´yo. Sanngɛ ɔ su yo-mɛn i awieliɛ.

Marc 13:9

An `sasa amun wun, afin be wa fa amun ´man jɔlɛ difuɛ mun, yɛ be ´bo amun Nyanmiɛn ndɛ suanlɛ nin i srɛlɛ sua'm be nun. Kɛ ɔ ´yo nan amu'an kan min ndɛ a kle kpɛnngbɛn mun nin famiɛn mun'n, min ti be ´fa amun kɔ bé ja su.

Sa nga bé yôli'n 11:28

Be nun kun bɔ be flɛ i kɛ Agabis'n, ɔ jaoli nan Nyanmiɛn Wawɛ'n man ɔ'a se kɛ awe dan kpa ɔ wa kpɛn mɛn wunmuan'n nun. Klod blɛ su yɛ awe sɔ'n kpɛnnin-ɔn.

1 Tɛsalonikfuɛ Mun 5:3

Kɛ sran'm be se kɛ: «Y'a nyan é ti, y'a di alaje'n,» kpɛkuun nyrɛnnɛn dan kpa ´tɔ be su kɛ wunnzɛfuɛ i ba wulɛ aklunya'n tɔ i su'n sa, ɔ su to fuan-man be le.

Sa nglô yile 6:4

Yɛ nnɛn kpanngɔ kun ekun fiteli-ɔ. Ɔ ti ɔkwlɛ. Be mannin sran ng'ɔ ti su'n i atin kɛ ɔ kpɛ alɛ nan sran'm be kun bé wun. Be mɛnnin i tokofi dan kun.