Marc 13:6 - NYANMIƐN NDƐ'N 1998

⁶ Afin sran kpanngban be wa fa n dunman'n be ´se kɛ min yɛlɛ be. Be wa laka sran sunman.

Nyanmien nde Ufle

⁶ Afin swran kpanngban bé wa fa n dunman'n béh séh ke min yele bé. Bé wa laka swran sunman.

Marc 13:6 Iomraidhean Croise

Zeremi 14:14

Yɛ Anannganman'n tɛli min su kɛ: «I sɔ sran liɛ'm be tɔn be wun suɛn ngbɛn, nán min yɛ n sunmannin be-ɔ. M'an fa-man ndɛ m'an sie-man be nyrun, m'an kan-man ndɛ m'an kle-man be. Bé ti nun ninnge nga be wun i'n, ɔ ti ato. Sa nga be kɛn i kɛ ɔ wa ju'n, finfin ndɛ yɛ be kan-an. Be kpɛ bé ti nun yɛ be kan-an.»

Matthieu 24:11

Sran kpanngban bɔ be tɔn bé wun suɛn kɛ be ti Nyanmiɛn nuan ijɔfuɛ'n, be wa jao laka sran kpanngban.

Matthieu 24:5

Afin sran sunman be wa fa n dunman'n be ´se kɛ be yɛ be ti Krist nin-ɔn. Be wa laka sran kpanngban.

Marc 13:22

Afin be bɔ be tɔn bé wun suɛn kɛ be ti Krist'n, ɔ nin be bɔ be tɔn bé wun suɛn kɛ be ti Nyanmiɛn nuan ijɔfuɛ'n, be wa jao, be ´yi atrɛ, yɛ be ´yo abonuan sa mun lele kɛ be nga Nyanmiɛn fali be'n sɛ be laka be-ɔ ɔ yo ye'n, be waan wuun be ´laka be.

Marc 13:5

Kpɛkuun yɛ Jésus boli be like sɔ'm be kleklelɛ bo-ɔ, ɔ seli be kɛ: «An `sasa amun wun kpa, nán man sran fi laka amun.

Marc 13:7

Kɛ an ti alɛ i wun ndɛ'n, nin i nganniɛn'n, nán man amun klun titi amun, afin san sa sɔ'm be ´yo. Sanngɛ ɔ su yo-mɛn i awieliɛ.

Jean 5:43

N Si yɛ man m bali-ɔ, yɛ an sɔ-man min nun. Sanngɛ sɛ sran wie kpɛ i bɔbɔ i ti nun ba'n, amun ´sɔ i nun!

Jean 8:24

I sɔ'n ti yɛ n seli amun kɛ amún sa tɛ'n ´ka amun wun nan amun ´wu nin-ɔn, afin sɛ an lafi-man sran wafa nga n ti su'n, amún sa tɛ'n ´ka amun wun amun ´wu.»

Jean 8:28

I sɔ'n ti ɔ seli be kɛ: «Cɛn nga an man m bɔ n kacili Sran'n n su'n, i cɛn sɔ'n nun yɛ amun ´si n wafa nga n ti nin-ɔn. I cɛn sɔ'n nun yɛ amun ´si kɛ m bɔbɔ n kpɛ-man n klun n yo-man like fi san ndɛ nga n Si kan kle min'n yɛ n kan-an.

1 Jean 4:1

N sran kpa mun, be nga be se kɛ be ijɔ Nyanmiɛn Wawɛ'n nuan'n, nán an lafi be ngba su. An `sa be nian, sɛ be ijɔ Nyanmiɛn nuan sakpa o, annzɛ sɛ like wie yɛ be ijɔ i nuan o. Afin be nga be tɔn bé wun suɛn kɛ be ti Nyanmiɛn nuan ijɔfuɛ'n, be kpanngban kpa b'a ba mɛn'n nun.