Marc 13:11 - NYANMIƐN NDƐ'N 1998

¹¹ Kɛ be ´fa amun ko man sran mun'n, nán an dun mmua bu ndɛ nga amun ´kan'n i akunndan, sanngɛ an `kan ndɛ nga Nyanmiɛn fa man amun dɔ sɔ'n su'n, afin nán amun yɛ amun ´ijɔ-ɔ, Nyanmiɛn Wawɛ'n yɛ ɔ ´ijɔ-ɔ.

Nyanmien nde Ufle

¹¹ Ke béh fah amun kô man swran mun'n, nanh an dun mmua bu nde nga amunh kanh'n i akunndan, sannge anh kan nde nga Nyanmien fa man amun do so'n su'n, afin nanh amun ye amunh idyooh, Nyanmien Wawe'n ye oh idyooh.

Marc 13:11 Iomraidhean Croise

2 Samiɛl 23:2

«Anannganman i Wawɛ'n su mín bo kɛ n `kan ndɛ. Ɔ fɛ i ndɛ'n wla mín nuan.

Ezai 50:4

Anannganman Nyanmiɛn'n ɔ yo man n si ijɔ kɛ be nga be suan like'n be fa ijɔ'n sa, i waan ɔ ´yo nan m'an si ndɛ ng'ɔ fata kɛ n kan nan m'an fa uka be nga b'a fɛ mun'n ti. Nglɛmun kwlaa, ɔ tinnge min, yɛ ɔ kle min wafa nga n ´fa ń su n ´sie ndɛ nga be kan'n i bo'n kɛ be nga be suan like'n be fa yo'n sa'n.

Matthieu 10:17

An `sasa amún wun sran'm be lika, afin be wa fa amun kɔ jɔlɛ difuɛ'm bé ja su, be ´bo amun nin ngble be Nyanmiɛn ndɛ suanlɛ nin i srɛlɛ sua'm be nun.

Marc 13:12

Sran'm be wa fa be niaan bian mun man sran mun kɛ be kun be, yɛ yasua'm be kusu be wa yo be mma'm be sɔ-ɔ, ba'm be wa jao bé si nin be nin'm bé wun, be ´fa be man sran mun kɛ be `kun be.

Marc 13:9

An `sasa amun wun, afin be wa fa amun ´man jɔlɛ difuɛ mun, yɛ be ´bo amun Nyanmiɛn ndɛ suanlɛ nin i srɛlɛ sua'm be nun. Kɛ ɔ ´yo nan amu'an kan min ndɛ a kle kpɛnngbɛn mun nin famiɛn mun'n, min ti be ´fa amun kɔ bé ja su.

JÉSUS-CHRIST I DYASIN FE'N BO LUC KLELI'N 21:12

Sanngɛ be ´dun mmua tra amun kle amun yalɛ, be ´fa amun kɔ Nyanmiɛn ndɛ suanlɛ nin i srɛlɛ sua'm be nun, be ´wla amun bisua, be ´fa amun kɔ famiɛn mun nin kpɛnngbɛn'm bé ja su min ti.

Jean 3:27

Zan seli be kɛ: «Like nga Nyanmiɛn a man-man sran kun'n, ɔ nyɛn-mɛn i.

Sa nga bé yôli'n 2:4

Nyanmiɛn Wawɛ'n wluli be nun yɛ ɔ fa be kacili i liɛ mlɔnmlɔn, kpɛkuun be su kan aniɛn uflɛ wie bɔ Wawɛ'n fa wla bé nuan kɛ be kan'n.

Sa nga bé yôli'n 3:13

Abraam, nin Izaak, nin Zakɔb be Nyanmiɛn b'ɔ ti e nannan'm be Nyanmiɛn kusu'n, ɔ yoli man i Sran Jésus nyannin nyrun, i yɛ an fɛ i mannin sran mun nin-ɔn, i yɛ kɛ Pilat waan ɔ ´yaci i nun, amu'an kplin-man su, bɔ an yili i blo nin-ɔn .

Sa nga bé yôli'n 4:31

Kɛ be kan ndɛ sɔ'n kle Nyanmiɛn wieli'n, lika nga be yiali nun'n kejeli, yɛ Nyanmiɛn Wawɛ'n yili i wun nglo be kwlaa be nun, nan b'a kan Nyanmiɛn ndɛ'n yakpa su.

Sa nga bé yôli'n 6:10

sanngɛ be kwla kpalo-mɛn i ndɛ'n, afin Nyanmiɛn Wawɛ'n yɛ ɔ mɛn i ngwlɛlɛ b'ɔ fa ijɔ nin-ɔn.

Sa nga bé yôli'n 6:15

Jɔlɛ difuɛ bɔ be ti lɛ'n be kwlaa be niɛn i siin, i nyrun'n kacili be nyrun kɛ anz'm be liɛ'n sa.

Sa nga bé yôli'n 7:55

Sanngɛ Etiɛni bɔ Nyanmiɛn Wawɛ sie i'n, ɔ niannin nyanmiɛn su lɔ siin, yɛ ɔ wunnin kɛ Nyanmiɛn yi i wun nglo nyannyannyan yɛ Jésus jin Nyanmiɛn'n i fama su.

1 Korɛntfuɛ Mun 2:13

Kɛ e ´kan ninnge sɔ'm be ndɛ'n, nán like nga ngwlɛlɛfuɛ'm be kle ye'n i sɔ ndɛ yɛ e kan-an, sanngɛ nga Nyanmiɛn Wawɛ'n kle ye'n e fa tu Nyanmiɛn ninnge'm bé bo.

Efɛzfuɛ Mun 3:5

Lalafuɛ nun'n, sa sɔ'n Nyanmiɛn yi-mɛn i nglo kle-man sran mun kɛ ndɛ ɔ man i Wawɛ'n yi i nglo kle i sran'm bɔ Jésus sunmannin be'n nin i nuan ijɔfuɛ mun'n sa.

Jacques 1:5

Sɛ ngwlɛlɛ'n w'a ti-man amun nun wie kpa'n, man ɔ kan kle Nyanmiɛn bɔ i sa ti-man tankaan'n, b'ɔ fa like man sran'm be kwlaa ɔ ijɔ-mɛn i sin'n. Ɔ man sran sɔ'n ɔ ´wun sa wlɛ.

1 Piɛr 1:12

Nyanmiɛn kan kleli be kɛ i ndɛ ng'ɔ fa wla bé nuan kɛ be kan'n ɔ ti-man be bɔbɔ be liɛ, sanngɛ amun liɛ-ɔ. Be nga be kan jasin fɛ'n Nyanmiɛn Wawɛ b'ɔ sunmɛnnin i'n i fanngan nun'n, ndɛ sɔ'n yɛ be kan kleli amun nin-ɔn. Anz'm be bɔbɔ be klo kɛ be ´wun sa sɔ'm be wlɛ.