Marc 11:25 - NYANMIƐN NDƐ'N 1998

²⁵ Kɛ an jao bɔ amun ´koko yalɛ kle Nyanmiɛn'n, sɛ sran wie wun ndɛ wo amun klun'n, an `yaci cɛ i nan amun Si b'ɔ o nyanmiɛn su lɔ'n ɔ'a yaci sa nga an yoli i'n ɔ'a cɛ amun. [

Nyanmien nde Ufle

²⁵ Ke an dyaô bo amunh kôkôh yale klé Nyanmien'n, se swran wié wun nde ô amun klun'n, anh yatyi tyee, nan amun Si b'o ô nyanmien su lo'n wa yatyi sa nga an yôlii'n wa tye amun.

Marc 11:25 Iomraidhean Croise

Zakari 3:1

Anannganman'n fali Nyanmiɛn nyrun jranfuɛ'm bé su kpɛn Zozie kleli min. Ɔ nin Anannganman i anz'm be jinjin lɛ. Satan kusu jin i sa fama su, ɔ kunndɛ kɛ ɔ ´sɛnmɛn i.

Matthieu 5:23

I sɔ'n ti, sɛ a ´fa like wie ko man Nyanmiɛn'n, bɔ w'a ju i sɔwlɛ lɛ nan sɛ ɔ́ wla kpɛn su kɛ ɔ wun ndɛ o ɔ niaan wie klun'n,

Matthieu 6:12

Yaci sa nga e yo wɔ'n cɛ e kɛ e yaci be bɔ be yo é tɛ'n be liɛ'n cɛ be'n sa.

Matthieu 6:5

«Kɛ amun nin Nyanmiɛn amun ´koko yalɛ'n, nán an yo kɛ dunman klofuɛ'm bɔ be klo nglo jranlɛ Nyanmiɛn ndɛ suanlɛ nin i srɛlɛ sua'm be nun nin klɔ'n nun anngɔnda'm be su kɛ sran'm be wun be kɛ be nin Nyanmiɛn su ijɔ'n be liɛ'n sa. Nanwlɛ, mo nga Nyanmiɛn ko yo be'n, yɛ sran'm be yoli be lɛ-ɔ.

JÉSUS-CHRIST I DYASIN FE'N BO LUC KLELI'N 18:11

Farizifuɛ'n jrannin nglo ɔ kannin kɛ i bɔbɔ ti'n kleli Nyanmiɛn, ɔ seli kɛ: ‹Nyanmiɛn, kwla o, afin n liɛ'n, n ti-man kɛ sran nga'm be sa: be de sran like wue kekle su, be di-man nanwlɛ, be kunndɛ bla bé yi bo nin bian bé wun bo, yɛ n ti-man kɛ gua bo sika defuɛ ng'ɔ jin yɛ'n sa.

JÉSUS-CHRIST I DYASIN FE'N BO LUC KLELI'N 18:13

Gua bo sika defuɛ'n jrannin mmua lɔ, ɔ'a kwla mɛn-mɛn i ti'n su bɔbɔ, sanngɛ ɔ fɛ i sa'n finnin i wue nun, yɛ ɔ seli kɛ: ‹Ee Nyanmiɛn, yaci, n ti sa tɛ yofuɛ, si min aunnvuɛ.›

JÉSUS-CHRIST I DYASIN FE'N BO LUC KLELI'N 6:37

«Nán an kan sran wun ndɛ, yɛ Nyanmiɛn su kan-man amún wun ndɛ, nán an bu sran fɔ, yɛ Nyanmiɛn su bu-man amun fɔ, an `yaci sa nga be yo amun'n cɛ , yɛ Nyanmiɛn kusu ɔ ´yaci amun liɛ'n cɛ amun-ɔn.

Efɛzfuɛ Mun 4:32

An `yo amún wun ye, an `si amún wun aunnvuɛ, sa nga amun wiengu yo amun'n, an `yaci cɛ i kɛ Nyanmiɛn kusu yaci sa nga an yoli i'n cɛli amun Krist ti'n sa.

Kolɔsfuɛ Mun 3:13

Sa nga amun wiengu yo bɔ an wun i'n, man ɔ sɔn amun nun, sɛ sran kun yo i wiengu sa'n, man ɔ yaci cɛ i. Krist yacili sa nga an yoli i'n cɛli amun, ɔ man amun kusu, sa nga be yo amun'n, an `yaci cɛ.

Jacques 2:13

Afin kɛ Nyanmiɛn ´di be nga be si-man sran aunnvuɛ'n be jɔlɛ'n, ɔ su si-man be aunnvuɛ. Sɛ aunnvuɛ silɛ'n nin fɔ bulɛ'n be ti sran'n, wuun aunnvuɛ silɛ'n kwla fɔ bulɛ'n.

Sa nglô yile 11:4

Sran nnyɔn sɔ mun yɛlɛ olivie nnyɔn'n nin kannin nnyɔn'n bɔ be jin mɛn'n i Min'n i nyrun lɛ'n .