Marc 10:52 - NYANMIƐN NDƐ'N 1998

⁵² Jésus seli i kɛ: «Kɔ, Nyanmiɛn su bɔ a lafi'n ti, w'a yo juejue. Kpɛkuun ɔ'a wun ase nan ɔ'a su Jésus su .»

Nyanmien nde Ufle

⁵² Jésus sé i ke: Ko, Nyanmien su bo a lafi'n ti, w'a yô dyuédyué Kpekuun wa wun asé nan wa su Jésus su.

Marc 10:52 Iomraidhean Croise

Jue Mun 146:8

Anannganman tike anyansifuɛ'm bé nyin. Be nga awlaboɛ'n ɔ'a kun be'n, ɔ wla be nun fanngan. Ɔ klo be b'ɔ bu be sran kpa'n .

Jue Mun 33:9

Afin ndɛ kwlaa ng'ɔ kan'n, san i su sa'n ɔ ´yo. Kɛ ɔ ko fin i nuan ko se kɛ man like sa yo'n, kpɛkuun like sɔ'n ɔ ka lɛ yo.

Ezai 35:5

I blɛ sɔ nun'n, anyansifuɛ'm be ´wun ase, sutrefuɛ'm be ´ti sa.

Matthieu 11:5

An ´se i kɛ, anyansifuɛ'm be wun ase, cɛcɛwafuɛ'm be nanti, kokowefuɛ'm be kokowe'n wie, sutrefuɛ'm be ti sa, be nga be wuli'n be cɛn, yɛ be bo jasin fɛ'n kle yalɛfuɛ mun .

Matthieu 12:22

Yɛ be fali sran kun bɔ asiɛ usu ɔ'a saci i b'ɔ ti anyansifuɛ nin bobofuɛ'n blɛli Jésus, ɔ yoli i juejue, ɔ man bobofuɛ'n ijɔli, yɛ ɔ wunnin ase.

Matthieu 15:28

Yɛ Jésus seli i kɛ: «Eee, bla nga, a lɛ anwlɛn o, like nga a kunndɛ'n be wa yo man wɔ.» Nan i wa'n ɔ'a yo juejue i osu kunngba'n nun.

Matthieu 21:14

Anyansifuɛ nin cɛcɛwafuɛ'm be bɛli i wun Nyanmiɛn i sua'n nun lɛ, nan ɔ'a yo be juejue.

Matthieu 8:3

Jésus tinngɛli i sa'n kɛnnin i, ɔ seli i kɛ: «M'an ti, man ɔ kokowe'n wie weiin.» Be ja osu kunngba nun lɛ kokowe'n wieli sran sɔ'n i wun.

Matthieu 9:22

Jésus kpɛli i nyin, kɛ ɔ wunnin i'n, ɔ seli kɛ: «N wa bla, gua ɔ́ wla ase. Kɛ a lafi su kɛ n kwla yo wɔ juejue'n ti, w'a yo juejue.» Nan bla sɔ'n ɔ'a yo juejue i osu kunngba'n nun.

Marc 1:31

Ɔ wunngeli i wun lɛ, ɔ utili i sa'n nun, yɛ ɔ mɛnnin i su. Ayrɛ'n tuli i wun yɛ ɔ kunndɛ like mannin be-ɔ.

Marc 5:34

Nan Jésus a se i kɛ: «N wa, Nyanmiɛn su bɔ a lafi'n ti, w'a nyan ɔ́ ti. Gua ɔ́ wla ase, kɔ, man ɔ tukpacɛ'n wie.»

Marc 8:25

Jésus fɛ i sa'n fuɛli i nyin'n su ekun, kɛ anyansifuɛ'n tikeli i nyin ekun'n, kpɛkuun i nyinma'n ɔ'a yo kpa, ɔ'a wun ase weiin kpa.

JÉSUS-CHRIST I DYASIN FE'N BO LUC KLELI'N 7:50

Yɛ ɔ seli bla'n kɛ: «N wa bla, gua ɔ́ wla ase. Kɛ a lafi su kɛ n kwla yo wɔ juejue'n ti, w'a yo juejue.›

JÉSUS-CHRIST I DYASIN FE'N BO LUC KLELI'N 9:48

«Sran ng'ɔ sɔ bakan nga nun n dunman nun'n, wuun m bɔbɔ min yɛ ɔ'a sɔ min nun-ɔn, yɛ sran ng'ɔ sɔ min nun'n, wuun sran b'ɔ sunmannin min'n i nun yɛ ɔ'a sɔ-ɔ. Afin sran ng'ɔ ti amun kwlaa amun nun kaan'n, i sɔfuɛ'n yɛ ɔ ti dan-an.»

Jean 9:32

E nian ti-mɛn i le kɛ sran kun a tike sran bɔ be wu i nin anyansi'n i nyinma le.

Jean 9:39

Yɛ Jésus seli kɛ: «M bali mɛn'n nun sran'm be nun kpalɛ nan be nga be wun-man ase'n be `wun ase, yɛ be nga be wun ase'n, be `kaci anyansifuɛ.»

Sa nga bé yôli'n 26:18

N ´sunman wɔ kɛ a tike bé nyin nan be jao aosin'n nun be bla weiin nun, nan be jao Satan sa nun be bla Nyanmiɛn sin nan ɔ yaci bé wun sa'n cɛ be, yɛ like nga be nga be lafi n su'n bɔ i ti yɛ be kaci n liɛ'n be nyɛn i'n, be ´nyan be liɛ.› »