Marc 10:43 - NYANMIƐN NDƐ'N 1998

⁴³ Amun liɛ'n su yo-man sɔ, sanngɛ amun nun sran ng'ɔ klo kɛ ɔ ´yo dan'n, man ɔ su i wiengu mun,

Nyanmien nde Ufle

⁴³ Amun lie'n su yô'a so, sannge amun nun swran ng'o klô ke oh yôh dan'n, mon o su wiéngu mun,

Marc 10:43 Iomraidhean Croise

Marc 10:42

Jésus flɛli be kwlaa, nan ɔ'a se be kɛ: «An si kɛ be nga be sie be kɛ be sie nvle wie mun'n, be mianmian be sran mun, yɛ sran dandan'm be tin be sran'm be su.

Marc 10:44

yɛ amun nun sran ng'ɔ klo kɛ ɔ ´yo amún su kpɛn'n, man ɔ yo i wiengu'm be kwlaa be kanga.

Marc 9:35

Kɛ ɔ trannin ase'n, ɔ flɛli i sɔnnzɔnfuɛ blu-nin-nnyɔn mun nan ɔ'a se be kɛ: «Sran nga i waan ɔ ´yo sran'm be kwlaa be nun dan'n, man ɔ dun mmua yo be kwlaa be nun kaan yɛ ɔ `su be.»

JÉSUS-CHRIST I DYASIN FE'N BO LUC KLELI'N 14:11

Afin sran kwlaa ng'ɔ yo i wun dandan'n, Nyanmiɛn ´guɛ i nyin ase, sanngɛ sran ng'ɔ tu-mɛn i wun'n, Nyanmiɛn man ɔ ´nyan nyrun.»

JÉSUS-CHRIST I DYASIN FE'N BO LUC KLELI'N 18:14

Nanwlɛ, kɛ gua bo sika defuɛ sɔ'n ´kɔ i awlo'n, Nyanmiɛn nin i be afiɛn a sɛ, sanngɛ ɔ nin kun'n be afiɛn a sɛ-man. Afin sran kwlaa ng'ɔ yo i wun dandan'n, Nyanmiɛn ´guɛ i nyin ase, sanngɛ sran ng'ɔ tu-mɛn i wun'n, Nyanmiɛn man ɔ ´nyan nyrun.»

JÉSUS-CHRIST I DYASIN FE'N BO LUC KLELI'N 22:26

Amun liɛ'n su yo-man sɔ, sanngɛ amun nun'n sran ng'ɔ ti dan'n, man ɔ yo i wun kɛ amun nun bakan sa, yɛ sran ng'ɔ sie sran'n, man ɔ yo i wun kɛ junman difuɛ sa.

JÉSUS-CHRIST I DYASIN FE'N BO LUC KLELI'N 9:48

«Sran ng'ɔ sɔ bakan nga nun n dunman nun'n, wuun m bɔbɔ min yɛ ɔ'a sɔ min nun-ɔn, yɛ sran ng'ɔ sɔ min nun'n, wuun sran b'ɔ sunmannin min'n i nun yɛ ɔ'a sɔ-ɔ. Afin sran ng'ɔ ti amun kwlaa amun nun kaan'n, i sɔfuɛ'n yɛ ɔ ti dan-an.»

Jean 18:36

Jésus tɛli i su kɛ: «Nán mɛn nga nunfuɛ mun yɛ be sieli min famiɛn-ɔn. Sɛ be yɛ be sieli min'n, wuun be ´jran n sin kun mín ti alɛ, yɛ kusu wuun be su fa-man min man-man Zuif mun. Sanngɛ ɔ ti-man sɔ, nán mɛn nga nunfuɛ mun yɛ be sieli min-ɔn.»

Rɔmfuɛ Mun 12:2

Nán an yo kɛ sran mun bɔ be o lɛ ndɛ'n be sa, sanngɛ man Nyanmiɛn kaci amun akunndan'n nan an kaci mlɔnmlɔn. Kɛ ɔ ko yo sɔ'n, amun ´wun Nyanmiɛn i klun sa'n i wlɛ, yɛ amun ´si sa ng'ɔ ti kpa, b'ɔ jɔ i klun, b'ɔ man amun ´yo kpa'n.

Galasifuɛ Mun 5:13

Aniaan mun, Nyanmiɛn flɛli amun kɛ an nyan amún ti, sanngɛ amún ti bɔ amun nyɛn i sɔ'n ti'n, nán an yo klɔ sran nyoliɛ'n, sanngɛ an `bu amun wun kɛ an ti amun wiengu kanga, an `uka amún wun klolɛ bɔ an klo amun wun'n ti.