Marc 10:39 - NYANMIƐN NDƐ'N 1998

³⁹ Be seli kɛ: «Ɛɛn, e kwlɛ i yo.» Yɛ ɔ seli be kɛ: «Ɔ ti nanwlɛ kɛ klowa nga m wa nɔn nun'n, amun ´nɔn nun wie, yɛ batɛm nga be wa yo min'n, be ´yo amun wie,

Nyanmien nde Ufle

³⁹ Bé sé ke: Een, é kwle i yô. Ye o sé bé ke: O ti nanwle ke klôwa nga m ma non nun'n, amunh nonh nun wié, ye baptême nga bé wa yô min'n, béh yôh amun wié,

Marc 10:39 Iomraidhean Croise

Matthieu 10:25

Sɛ sran b'ɔ suan like'n ɔ yo kɛ sran b'ɔ kle i like'n sa'n, i sɔ'n ti kpa, yɛ sɛ sran b'ɔ su sran'n ɔ yo kɛ i min'n sa'n, i sɔ'n ti kpa. Sɛ be flɛ i awlo kpɛn'n kɛ Beɛlzebil'n, be wa flɛ awlofuɛ'm be kusu sɔ kpɛ blu .»

Matthieu 3:6

Kɛ be di sa nga be yoli'n i nanwlɛ'n, ɔ yo be batɛm nzue ba bɔ be flɛ i kɛ Zurdɛn'n i nun.

Marc 14:31

Sanngɛ Piɛr jrannin ndɛ sɔ'n su kekle kpa kɛ: «Kannzɛ min nin wɔ e ´wu'n, san e ´wu, n su se-man kɛ n si-man wɔ le.» Nan be kwlaa b'a kan ndɛ kunngba sɔ'n.

Marc 14:36

Ɔ seli kɛ: «Baba, a kwla sa'n kwlaa yo, yo man nyrɛnnɛn wie nga to fuan min, sanngɛ nán yo nga n klo kɛ ɔ yo su'n, sanngɛ yo nga a klo kɛ a ´yo i su'n.»

Jean 13:37

Piɛr usɛli i kɛ: «?Nannan, nguɛ ti yɛ n kwla su-man ɔ su kɛ e ´se yɛ nin-ɔn? Wɔ ti'n, sɛ be waan be ´kun min'n, n ´fa min wun man.»

Jean 15:20

An `bu ndɛ nga n kan kleli amun'n i akunndan. N seli amun kɛ: ‹Sran b'ɔ su sran'n ti-man kpa trɛ-mɛn i min'n›. Sɛ be kleli n yalɛ'n, be ´kle amun yalɛ wie, sɛ be fa min ndɛ'n su'n, be ´fa amun liɛ'n su wie.

Jean 17:14

N kannin ɔ ndɛ'n kleli be, ɔ man mɛn nunfuɛ'm be kpɔ be, afin be ti-man mɛn nunfuɛ kɛ n kusu n ti-man mɛn nunfuɛ'n sa.

Sa nga bé yôli'n 12:2

Ɔ man be fa tokofi kunnin Zan niaan bian Zak.

Kolɔsfuɛ Mun 1:24

Nyrɛnnɛn nga amún ti n ´wun i yɛ'n, n klun jɔ su. Kɛ n fɛ ń kplo nun'n, nyrɛnnɛn nga Krist wunnin i Asɔnun b'ɔ ti i wunnɛn'n ti'n, n su guɛguɛ i bo.

Sa nglô yile 1:9

Min Zan bɔ n ti amun niaan'n, kɛ e nin Jésus e kacili sran wunmuan'n ti, ɔ man min nin amun e wun nyrɛnnɛn, ɔ sie ye, yɛ e tra ye anwlɛn. Nyanmiɛn ndɛ nin Jésus ndɛ bɔ n kan'n ti, be fa min ɔli lika bɔ be flɛ i Patmɔs'n, bɔ nzue sin yiɛ i'n nun.