Marc 10:30 - NYANMIƐN NDƐ'N 1998

³⁰ ɔ ´nyɛn i wunsu sɔ kpɛ ya, sua o, niaan o, niɛn o, ba o, asiɛ o, ɔ nin yalɛ klelɛ kɛ e o yɛ'n, yɛ ɔ ´nyan Anannganman nguan blɛ ng'ɔ ba lɔ'n.

Nyanmien nde Ufle

³⁰ oh nyenh i wunsu so kpe ya, sua ô, niaan ô, nien ô, ba ô, asie ô, ye yale kléle ke é ô ye'n, ye oh nyanh anannganman nguan ble ng'o ba lo'n.

Marc 10:30 Iomraidhean Croise

2 Be Nyoliɛ 25:9

Amazia usali Nyanmiɛn nuan ijɔfuɛ'n kɛ: «?Yɛ jɛtɛ ufue tɔnun nsan nga n fa mannin Izraɛl sonja mun i nun ndɛ liɛ'n ti sɛ?» Ɔ tɛli i su kɛ: «Anannganman kwla yo man a ´nyan uflɛ b'ɔ ´tra ng'ɔ o lɛ'n.»

Jue Mun 84:11

Nanwlɛ, sɛ be tran ɔ sua'n i awlo'n nun cɛn ba kunngba cɛ bɔbɔ'n, ɔ ti kpa tra kɛ b'a di cɛn akpi lika uflɛ'n. Sran nga be bu-man wɔ like fi'n, bɔ be bu-man ɔ nuan ndɛ'n i like fi'n, kɛ e nin be e ko tran'n, ɔ flunman kɛ n tran ɔ sua'n i anuan'n nun lɛ.

Nyanndra Mun 16:16

Sɛ be kpɛ akunndan'n i wun atin nan be nyɛn i'n, ɔ ti kpa tra sika ɔkwlɛ. Sɛ be kpɛ ngwlɛlɛ'n i wun atin nan be nyɛn i'n, ɔ ti kpa tra jɛtɛ ufue.

Malasi 3:10

Amun ninnge nga amun nyɛn i'n, i ng'ɔ ti i blusu sakpa'n, amun `fa be ko guɛ i mín sua'n nun lɔ, nan nán aliɛ tu lɔ mlɔnmlɔn. Amun `sa min sɔ be nian, sɛ m'an tike-man nyanmiɛn su lɔ anuan'n m'an man-man amun nan m'an man-man amun ninnge kpakpa lele ɔ'a bobo-man amún su cɛ'n, wuun nán min-ɔn.

Matthieu 12:32

Sran kwlaa ng'ɔ kan m bɔ n kacili Sran'n min wun ndɛ'n, ɔ ´yaci cɛ i. Sanngɛ sran ng'ɔ kan Nyanmiɛn Wawɛ'n i wun ndɛ'n, ɔ su yaci cɛ-mɛn i blɛ nga nun annzɛ blɛ ng'ɔ ´ba lɔ'n nun.»

Matthieu 13:8

Wie'm be kusu be tɔli asiɛ kpa su, be wlɔli, tre kun wlɔli ya, kun wlɔli ablesiɛn, yɛ kun kusu wlɔli ablasan.

Matthieu 6:33

An `dun mmua fa amún wun man Nyanmiɛn man ɔ sie amun, yɛ an `yo i klun sa'n, i sin ɔ wa fa ninnge sɔ'n kwlaa uka su man amun.

JÉSUS-CHRIST I DYASIN FE'N BO LUC KLELI'N 18:30

ɔ ´nyan be wunsu kpɛ ya kɛ e ´se yɛ'n, yɛ blɛ ng'ɔ ´ba lɔ'n, ɔ ´nyan anannganman nguan.»

Jean 10:23

Jésus wlan-wlan ala'n bɔ be flɛ i Salomɔn'n, i bo Nyanmiɛn i sua'n nun lɛ.

Sa nga bé yôli'n 14:22

be wlali asɔnunfuɛ'm be fanngan, be tuli be fɔ kɛ be lafi Nyanmiɛn su kpa, yɛ be seli be ekun kɛ: «San e ´wun nyrɛnnɛn dan kpa nan y'a kwla ju Nyanmiɛn mɛn'n nun.»

Sa nga bé yôli'n 16:25

Kɔnguɛ afiɛn Pɔl nin Silas be nin Nyanmiɛn be kokoli yalɛ, be toli Nyanmiɛn manmanlɛ jue, bisuafuɛ'n kun'm be tili.

Sa nga bé yôli'n 5:41

Kɛ be ´jao jɔlɛ difuɛ'm be nyrun lɛ'n, be klun ti jɔwa yɛlɛ kɛ be si kɛ bé nyin bɔ be guɛli i ase Jésus dunman nun'n ɔ ti kpa, afin Nyanmiɛn yɛ ɔ sieli i sɔ-ɔ.

Rɔmfuɛ Mun 5:3

Nɛ́n i sɔ ngunmin ti yɛ é wun blibli ye-ɔ, sanngɛ sa ng'ɔ tɔ e su'n kusu ɔ man e klun jɔ ekun, afin e si kɛ nyrɛnnɛn wunlɛ'n man e kaci sran bɔ e tra e anwlɛn,

Rɔmfuɛ Mun 6:23

Afin sa tɛ'n i akatua'n yɛlɛ wie, sanngɛ like nga Nyanmiɛn fa cɛ ye'n yɛlɛ anannganman nguan'n bɔ e nyɛn i e Min Krist-Jésus bɔ e nin i y'a kaci sran wunmuan'n ti'n.

2 Korɛntfuɛ Mun 6:10

Be bo é wla, sanngɛ e klun jɔ titi, be bu e yalɛfuɛ, sanngɛ e yo man sran kpanngban be nyan bé wun, yɛ be bu e kɛ e lɛ-man like fi, sanngɛ ninnge'n kwlaa ti sin yia ye.

Filipfuɛ Mun 3:8

Nanwlɛ, kɛ m bu min Min Krist-Jésus i silɛ bɔ n si i'n like kpa sakpa'n ti, ɔ man m bu-man like'n wie fi like. I ti m'an yaci like'n kwlaa kɛ ɔ ´yo nan Krist a yo n like kpa nan min nin i y'a kaci sran wunmuan'n ti, yɛ m bu like'n kwlaa kɛ wla sa. Sran kpa bɔ n ti'n, ɔ fin-man m bɔbɔ min nzuɛn'n nun mmla'n i sufalɛ'n ti, sanngɛ ɔ fin Krist su bɔ n lafi'n. Sran kpa yolɛ sɔ'n fin Nyanmiɛn i su bɔ be lafi'n ti.

2 Tɛsalonikfuɛ Mun 2:16

Man e Min Jésus-Krist bɔbɔ nin e Si Nyanmiɛn b'ɔ klo ye'n, bɔ ye b'ɔ yo ye'n ti ɔ gua ye anwlɛn su nzue tititi'n, b'ɔ man e like kpa bɔ e fa é wla gua su'n,

1 Timote 4:8

Afin bé wun kpinngbinlɛ'n ɔ ti kpa, sanngɛ bé wun bɔ be fa mantan Nyanmiɛn'n ɔ ti kpa sa'n kwlaa nun trɛ i, ɔ man sɛ be yo sɔ'n, be si kɛ be ´nyan nguan kɛ e o yɛ'n nin blɛ ng'ɔ ba lɔ'n nun.

1 Timote 6:6

Nanwlɛ, sɛ sran kun su Nyanmiɛn nan i nyin yi like ng'ɔ lɛ, i sɔ'n ti anyanbeun like dan.

Jacques 1:12

Sran nga sa tɔ i su b'ɔ trɛ i anwlɛn'n, i liɛ su ti ye. Afin kɛ Nyanmiɛn wun kɛ ɔ trɛ i anwlɛn sa sɔ nun'n, nguan b'ɔ ti like kpa, bɔ i waan ɔ ´fa man be nga be klo i'n, ɔ ´fa mɛn i.

Jacques 5:11

Be nga be jrannin kekle'n, e se kɛ be liɛ su ti ye. An tili Zɔb i anwlɛn b'ɔ trali'n yɛ an wunnin i agualiɛ nga e Min'n man ɔ guɛli i'n, afin sran yo e Min'n i annvɔ, yɛ ɔ si i aunnvuɛ .

1 Jean 2:25

An `nian, like nga Krist waan ɔ ´fa man ye'n yɛlɛ anannganman nguan'n.

1 Jean 3:1

An `nian klolɛ nga e Si Nyanmiɛn fa klo ye-ɔ! Klolɛ dan sɔ'n ti yɛ be flɛ e i mma mun nin-ɔn. Yɛ e ti i mma mun sakpa. An `nian, sa nga ti yɛ mɛn'n nunfuɛ'm be si-man ye'n yɛlɛ kɛ be si-man Nyanmiɛn .

Sa nglô yile 2:9

N si sa ng'ɔ tɔ amun su'n nin yalɛ bɔ an di'n. Sanngɛ an ti anyanbeunfuɛ! N si amún wun ndɛ nga be nga be wan be ti Zuif'n be kan'n. Be ti-man Zuif, sanngɛ be ti Satan i minniɛn.

Sa nglô yile 3:18

I sɔ'n ti, n ´kan kle amun kɛ sika ɔkwlɛ bɔ b'a klo i'n wo ń sa nun, an `to nan an yo anyanbeunfuɛ. Yɛ an `to tralɛ ufue fa wla amun wun nan b'a wun-man kɛ amún wun ti kplɛn nan amún nyin a gua-man ase. An `to ayre fa kpɛ amún nyin su nan an wun ase.