Marc 10:23 - NYANMIƐN NDƐ'N 1998

²³ Kɛ Jésus niɛnnin i sɔnnzɔnfuɛ'm bɔ be sin yiɛ i lɛ'n, ɔ seli be kɛ: «Kɛ anyanbeunfuɛ kun fɛ i wun man Nyanmiɛn kɛ ɔ sie i'n, ɔ ti kekle!»

Nyanmien nde Ufle

²³ Ke Jésus nieen i sonnzonfue'm bo bé sin yie le'n, o sé bé ke: Ke anyanbéunfue kun fe i wun man Nyanmien ke o siéé'n, o ti kéklé!

Marc 10:23 Iomraidhean Croise

Zɔb I Nyrɛnnɛn Wunlɛ 31:24

?N fali mín wla'n n guɛli i sika ɔkwlɛ'n su? ?N seli sika ɔkwlɛ'n i kɛ: «Min sasafuɛ'n yɛlɛ wɔ?»

Matthieu 18:3

«Nanwlɛ, sɛ amu'an kaci-man amu'an yo-man kɛ ba kanngan'm be sa'n, Nyanmiɛn su sie-man amun mlɔnmlɔn.

Marc 10:15

Nanwlɛ, sran ng'ɔ yo-mɛn i wun kɛ bakan sa, b'ɔ fɛ-mɛn i wun man-man Nyanmiɛn kɛ ɔ sie i'n, ɔ su yo-man mɛn nga Nyanmiɛn sie'n i nunfuɛ mlɔnmlɔn.»

Marc 10:22

Ndɛ sɔ'n ti ɔ mlɛnnin i nyrun, ɔ yoli i ya, ɔ jao ɔli, yɛlɛ kɛ ɔ ti anyanbeunfuɛ dan.

Marc 3:5

Be ketelɛ bɔ b'a kete'n yoli i ya lele ɔ boli i wla, yɛ ɔ nian-niannin be ya su, kpɛkuun ɔ seli bian'n kɛ: «Tinngɛ ɔ́ sa'n nun.» Ɔ tinngɛli i sa'n nun nan i sa sɔ'n ɔ'a yo kpa kɛ laa'n sa.

Marc 5:32

Ɔ kpɛli i nyin ɔ kunndɛli sran ng'ɔ yoli sa sɔ'n.

JÉSUS-CHRIST I DYASIN FE'N BO LUC KLELI'N 18:24

Kɛ Jésus wunnin kɛ i wla'n ɔ'a bo'n, ɔ seli kɛ: «An `nian, be nga be ti anyanbeunfuɛ'n, kɛ be `fa bé wun man Nyanmiɛn nan ɔ sie be'n, ɔ ti kekle!

Jean 3:5

Yɛ Jésus seli i kɛ: «Nanwlɛ, sɛ sran i awuliɛ'n fin-man nzue nin Nyanmiɛn Wawɛ'n, ɔ su kwla yo-man mɛn nga Nyanmiɛn sie'n i nunfuɛ .»

1 Korɛntfuɛ Mun 1:26

Aniaan mun, an `nian amun wafa nga an ti bɔ Nyanmiɛn fa flɛli amun'n, be bɔ sran'm be bu be ngwlɛlɛfuɛ'n, nin sran dan'n, ɔ nin wlengbi'n b'a sɔn-man amun nun.

Jacques 2:5

N niaan kpa mun, an `sie amun su! ?Nyanmiɛn a fa-man mɛn nga nun yalɛfuɛ mun kɛ be yo anyanbeunfuɛ i su bɔ be lafi'n ti nan famiɛn nga i waan be nga be klo i'n be ´di'n be di wie?

Jacques 4:4

An ti kɛ bla b'ɔ kunndɛ bian i wun bo sa. ?An si-man kɛ sran ng'ɔ klo mɛn'n i dilɛ'n, wuun ɔ kpɔ Nyanmiɛn? Ɔ man sran nga i waan ɔ ´fa mɛn'n tɛkɛ i ti su'n, ɔ kaci Nyanmiɛn i kpɔfuɛ.

2 Piɛr 1:11

I sɔ'n nun yɛ e Min Jésus-Krist b'ɔ ti e Defuɛ'n, ɔ ´sɔ amun nun kpa, yɛ ɔ ´fa amun wlɛ i sran ng'ɔ sie be titi'n be nun-ɔn.