Marc 10:18 - NYANMIƐN NDƐ'N 1998

¹⁸ Jésus seli i kɛ: «?Nguɛ ti yɛ a flɛ min kɛ n ti kpa nin-ɔn? Sran fi ti-man kpa san Nyanmiɛn kunngba cɛ.

Nyanmien nde Ufle

¹⁸ Jésus sé i ke: ?Nzu ti ye a fle min ke n ti kpa nion? Swran fi ti'a kpa san Nyanmien kunngba tye.

Marc 10:18 Iomraidhean Croise

Jue Mun 119:68

A ti kpa, a ti klun-ufuefuɛ. Kle min ɔ klun sa'n i bo weiin nan n `si i.

Jue Mun 145:9

Anannganman ti kpa man sran'm be kwlakwla. Ɔ klo ninnge b'ɔ yili be'n be ngba.

Jue Mun 86:5

Afin min Min, ɔ klun ti kpa, a yaci sran wun sa cɛ i. Be nga be kpan flɛ wɔ'n, a yi wɔ aklunye'n i nglo kle be.

Matthieu 19:17

Ɔ seli i kɛ: «?Nguɛ ti yɛ a usa min like ng'ɔ ti kpa'n i wun ndɛ-ɔ? Nyanmiɛn kunngba cɛ yɛ ɔ ti kpa-a. Sɛ a klo kɛ a ´nyan nguan'n, fa mmla'n su.»

Marc 10:17

Kɛ Jésus fali atin'n su b'ɔ ´kɔ'n, sran kun wanndi wa kotoli i bo, ɔ usali Jésus kɛ: «?Nja, ɔ bɔ a ti like klefuɛ kpa'n, nguɛ yɛ n `yo nan man nyan anannganman nguan nin-ɔn?»

Marc 10:19

A si mmla'n b'ɔ se kɛ: Nán kun sran, nán kunndɛ bla annzɛ bian ɔ́ yi annzɛ ɔ́ wun bo, nán wua, nán tɔn sran suɛn, nán di ndrunmun, bu ɔ́ si nin ɔ nin be sran .»

JÉSUS-CHRIST I DYASIN FE'N BO LUC KLELI'N 18:19

Yɛ Jésus usɛli i kɛ: «?Nguɛ ti yɛ a se n kɛ n ti sran kpa nin-ɔn? Sran fi ti-man kpa san Nyanmiɛn kunngba cɛ.

Rɔmfuɛ Mun 3:12

Be kwlaa b'a yaci Nyanmiɛn atin'n, be kwlaa b'a saci. Be nun wie fi yo-man sa kpa bɔ kun. Ɔ lɛ-man be nun bɔ kun .

Jacques 1:17

Like kpa kwlaa nga be fa man sran'n, ɔ nin like kpa kwlaa nga be nyɛn i'n, be fin e Si b'ɔ o nglo lɔ b'ɔ yili anglo'n, nin nzraama, ɔ nin wia'n bɔ be kpaja'n. I liɛ'n ɔ kaci-man mlɔnmlɔn, yɛ ɔ kpɛ-mɛn i wun kɛ lolɛ b'ɔ kpɛ i wun'n sa.

1 Jean 4:16

E si kɛ Nyanmiɛn klo ye, ɔ man e lafi i su. Nyanmiɛn yɛ ɔ ti sran klofuɛ nin-ɔn, ɔ man sran ng'ɔ klo sran'n, wuun ɔ nin Nyanmiɛn b'a kaci sran wunmuan, yɛ ɔ nin i be tran.

1 Jean 4:8

Sran ng'ɔ klo-man sran'n, wuun ɔ si-man Nyanmiɛn, afin Nyanmiɛn'n yɛ ɔ ti sran klofuɛ nin-ɔn.

1 Samiɛl 2:2

Klɔ sran i nzuɛn'n nin Anannganman i liɛ'n ti-man kun. Nyanmiɛn uflɛ nun-mɛn i sin. Like uflɛ nun-man lɛ b'ɔ kwla sasa ye-ɔ.