Marc 10:14 - NYANMIƐN NDƐ'N 1998

¹⁴ Kɛ Jésus wunnin i sɔ'n, ɔ'a yo-mɛn i fɛ, nan ɔ'a se be kɛ: «An `yaci ba kanngan'm be nun man be bla n sin, nán an fuan be, afin be bɔ be yo bé wun kɛ ba kanngan nga mun sa'n, be yɛ Nyanmiɛn sie be-ɔ.

Nyanmien nde Ufle

¹⁴ Ke Jésus wuun i so'n, wa yômen i fe, nan wa sé bé ke: Anh yatyi ba kanngan'm bé nun man bé bla n sin, nanh an fuan bé, afin bé bo bé yô bé wun ke ba kanngan nga mun sa'n, bé ye Nyanmien sié béo.

Marc 10:14 Iomraidhean Croise

Bo Bolɛ 17:7

Aenguɛ nga e nin wɔ e ´trɛ i yɛ'n, ɔ osu'n kwlakwla o nun. Aenguɛ sɔ'n ɔ lɛ-man awieliɛ. N ´yo a nin ɔ osu'n amun Nyanmiɛn .

Jue Mun 78:4

E su fa fia-man e mma'm bé wun. E ´kan e kle be nga be ´ba bé sin'n mun ekun, kɛ ɔ ´yo nan b'a si sa ti b'ɔ fata kɛ be manman Anannganman'n, yɛ kɛ ɔ ´yo nan b'a si kɛ ɔ kwla, nan b'a ti abonuan sa ng'ɔ yoli be'n ti.

Ezai 65:23

Be su fɛ-man ngbɛn, be su wu-man ba nan ba sɔ'm b'a wu be nyin bo lɛ. Afin be ´flɛ be nin be osu'n nunfuɛ'm be kɛ be bɔ Anannganman yo be ye'n.

Kalɛ 14:31

Amun mma kanngan mun bɔ amun waan be wa kaci alɛ nnɛn'n, n ´fa be n ´kɔ mɛn sɔ'n nun lɔ. Kpɛkuun be wa wun mɛn nga amun nyin tuli su'n.

Matthieu 18:10

«An `nian amún wun kpa, nán amun yo ba kanngan nga be o yɛ'n be nun kun finfin, afin n ´kan kle amun kɛ, be anz'm bɔ be o nyanmiɛn su lɔ'n bé nyin ta min Si b'ɔ o nyanmiɛn su lɔ'n i nyrun cɛn kwlaa. [

Matthieu 18:4

I sɔ'n ti, sran kwlaa ng'ɔ yo wɛtɛɛ kɛ ba kaan nga sa'n, ɔ wa yo be kwlaa nga Nyanmiɛn sie be'n be nun dan.

Matthieu 19:14

Yɛ Jésus seli be kɛ: «An `yaci ba kanngan'm be nun man be bla min sin, nán an fuan be, afin be bɔ be yo bé wun kɛ ba kanngan nga'm be sa'n, be yɛ Nyanmiɛn sie be-ɔ.»

Matthieu 5:10

Be nga be kle be yalɛ Nyanmiɛn klun sa yolɛ'n ti'n, be liɛ su ti ye, afin Nyanmiɛn yɛ ɔ sie be sakpa-a!

Matthieu 5:3

«Be nga be si kɛ be di Nyanmiɛn ninnge'm be yalɛ'n, be liɛ su ti ye, afin Nyanmiɛn yɛ ɔ sie be sakpa-a!

Marc 3:5

Be ketelɛ bɔ b'a kete'n yoli i ya lele ɔ boli i wla, yɛ ɔ nian-niannin be ya su, kpɛkuun ɔ seli bian'n kɛ: «Tinngɛ ɔ́ sa'n nun.» Ɔ tinngɛli i sa'n nun nan i sa sɔ'n ɔ'a yo kpa kɛ laa'n sa.

Marc 8:33

Yɛ Jésus kpɛli i wun niɛnnin i sɔnnzɔnfuɛ mun, ɔ ijɔli Piɛr, ɔ seli i kɛ: «Satan, jao n nyrun lɛ, afin wɔ akunndan'n ti-man Nyanmiɛn liɛ, sran liɛ-ɔ.»

Jean 3:3

Jésus seli i kɛ: «Nanwlɛ, sran nga b'a wu-mɛn i ekun'n, ɔ su kwla yo-man mɛn nga Nyanmiɛn sie'n i nunfuɛ mlɔnmlɔn.»

Jean 3:5

Yɛ Jésus seli i kɛ: «Nanwlɛ, sɛ sran i awuliɛ'n fin-man nzue nin Nyanmiɛn Wawɛ'n, ɔ su kwla yo-man mɛn nga Nyanmiɛn sie'n i nunfuɛ .»

Sa nga bé yôli'n 2:39

Afin like ng'ɔ seli kɛ ɔ ´yo'n, i waan ɔ ´yo man amun, nin amun mma mun, nin be kwlaa bɔ be o mmua bɔ e Min Nyanmiɛn'n ɔ wa flɛ be'n .»

Sa nga bé yôli'n 3:25

An ti Nyanmiɛn nuan ijɔfuɛ'm be anunman, yɛ aenguɛ nga Nyanmiɛn nin amun nannan mun'n be trali'n, bɔ i ti ɔ seli Abraam kɛ i osufuɛ'm be ti ɔ wa yo asiɛ'n sufuɛ'm be kwlaa be ye'n, an wo nun wie .

Rɔmfuɛ Mun 11:16

Kpaun bɔ be ´tɔn'n, sɛ be dun mmua kpɛ Nyanmiɛn liɛ'n, wuun i wunmuan'n kwlaa ti i liɛ, yɛ sɛ waka'n i bo'n ti Nyanmiɛn liɛ'n, wuun i sama'n ti i liɛ .

Rɔmfuɛ Mun 11:28

Kɛ e niɛn i bue kun'n, e wun kɛ jasin fɛ'n bɔ Zuif'm b'a fa-man su'n ti Nyanmiɛn nin be buli. I sɔ'n yoli amun muae sa. Sanngɛ kɛ e niɛn i bue kun ekun bɔ e wun wafa nga Nyanmiɛn fa sran'n, e wun kɛ be nannan'm be ti'n, be ti Nyanmiɛn i anwlɛn su sran.

1 Korɛntfuɛ Mun 14:20

Aniaan mun, nán an bu akunndan kɛ bakan sa, an `bu kpɛnngbɛn akunndan, sanngɛ an `yo kɛ ba nɔnman b'ɔ si-man gblɛ kpɛ'n sa.

1 Korɛntfuɛ Mun 7:14

Afin Nyanmiɛn ɔ sɔ bian b'ɔ lafi-man Krist su'n nun i yi'n ti, yɛ ɔ sɔ bla b'ɔ lafi-man Krist su'n nun i wun'n b'ɔ ti e niaan'n ti. Ɔ man Nyanmiɛn ɔ sɔ be mma'm be nun. Sɛ ɔ ti-man sɔ'n, be mma'm be ´yo kɛ guasu ba sa.

Efɛzfuɛ Mun 4:26

Sɛ an fa ya'n, nán an yo sa tɛ. Nán an fa ya sɔ'n lele man wia'n tɔ su .

Mmla'n 4:37

Ɔ kloli amun nannan mun, yɛ ɔ buli be osu nunfuɛ'm be akunndan sieli, i wunmiɛn b'ɔ lɛ i'n ti ɔ yili amun Ezipt lɔ fiteli.

2 Timote 1:5

N wla o ɔ Nyanmiɛn su bɔ a lafi kpa'n su, ɔ nannan Lois nin ɔ nin Enis be yɛ be dun mmua lafili i su sɔ-ɔ. Yɛ n si kɛ a lafi i su sɔ wie kusu.

2 Timote 3:15

Kɛ ɔ fin ɔ ba kaan nun'n, a si Nyanmiɛn Ndɛ nga be klɛli'n yɛ man a si ngwlɛlɛ b'ɔ man sɛ be lafi Krist su-ɔ be nyan bé ti nin-ɔn.

Zozie 8:35

Zozie kanngannin mmla nga Moiz mannin be'n i ngba kleli nzrafuɛ'm be kwlakwla. Ɔ'a yaci-man ba kun sa lɛ. Kɛ ɔ ´kanngan'n kle be'n, bla mun, ba kanngan mun, ɔ nin aofuɛ nga be o Izraɛlfuɛ'm be afiɛn'n be o be nun wie.

1 Piɛr 2:2

Kɛ ba nɔnman kunndɛ nyɔnflɛn'n, amun kusu an `kunndɛ Nyanmiɛn ndɛ b'ɔ ti kɛ nɔnnɔn bɔ b'a gua-man nun like'n sa. Sɛ amun nɔn'n, amun ´yo sran yɛ amun ´nyan amún ti.

Sa nglô yile 14:5

B'a bua-man ato le, fiɛn kaan sa nun-man bé wun.

1 Samiɛl 1:11

Ɔ fua kleli Anannganman kɛ: «Ee! Anannganman b'ɔ sie mɛn wunmuan'n, nian afɛ dan b'ɔ o n su-ɔ. E Min, nán ɔ́ wla fi min su. Sɛ ɔ́ wla kpɛn mín su nan a man min ba yasua kun'n, n ´fa man wɔ, ɔ ´yo ɔ liɛ mlɔnmlɔn. Be su yi-mɛn i ti'n le .»

1 Samiɛl 1:22

Le kun sɔ'n Ani ɔ'a ɔ-man wie, ɔ seli i wun kɛ: «Sɛ n kpɛ ba'n i nyɔnflɛn'n yɛ n ´fɛ n ´ko kle Anannganman-an. I liɛ'n ɔ ´ka lɔ kpɛkun.»