Marc 1:5 - NYANMIƐN NDƐ'N 1998

⁵ Zide mɛn wunmuan'n nin Zerizalɛmfuɛ'm be kwlaa be ɔli Zan wun lɔ. Kɛ be kannin sa tɛ nga be yoli'n, ɔ yoli be batɛm Zurdɛn nzue ba'n nun.

Nyanmien nde Ufle

⁵ Judée men wunmuan'n nin Jérusalemfue'n kwlaa bé oo Jean wun lo. Ke bé kaan sa te nga bé yôli'n, o yô bé baptême Jourdain nzué ba'n nun.

Marc 1:5 Iomraidhean Croise

Jue Mun 32:5

Yɛ n seli min wun kɛ: «Man n sin n di min sa tɛ'n i nanwlɛ n kle Anannganman ke!» Yɛ n kannin min fɔnlɛ bɔ n fɔnnin'n n kleli wɔ-ɔ, m'an fia-man su. Kpɛkuun ɔ kusu, min wun sa sɔ'n b'ɔ ti kɛ trɔ sa b'ɔ jin min ti su'n, a sike jinnin.

Nyanndra Mun 28:13

Sran ng'ɔ fia sa tɛtɛ ng'ɔ yo be'n be su'n, ɔ yo-man kpa. Sanngɛ sran ng'ɔ kɛn i sɔ sa liɛ mun'n, b'ɔ yaci be yolɛ'n, Nyanmiɛn'n yaci í wun sa'n cɛ i .

Matthieu 4:25

Sran kpanngban kpa be fin Galile nin Klɔ Blu asa'n su, nin Zerizalɛm, nin Zide akpasua'n su, ɔ nin Zurdɛn'n i sin lɔ'n be su i su.

Marc 1:4

I sɔ'n su yɛ Zan batɛm yofuɛ'n ɔli aawlɛ flɛnnɛn nun lɔ b'ɔ kan kleli sran'm be kɛ be kaci be nzuɛn nin-ɔn. Yɛ ɔ kan kleli be ekun kɛ be yo be batɛm nzue'n nun nan Nyanmiɛn yaci sa nga be yoli i'n cɛ be nin-ɔn.

Marc 1:6

Nyɔnngɔnmɛn ndrɛ tralɛ o Zan wun, yɛ kplo kun ci i afiɛn. Lalo nin awɛma nzue yɛ ɔ di-ɔ .

Jean 1:28

Be yoli i sɔ sa'n Betani b'ɔ o nzue ba bɔ be flɛ i Zurdɛn'n i sin lɔ, lɔ yɛ Zan yoli sran'm be batɛm nin-ɔn.

Jean 3:23

Zan kusu yo sran'm be batɛm lika bɔ be flɛ i Enɔn b'ɔ mantan Salim lɔ'n nun, afin nzue'n sɔnnin lɛ. Sran'm be bɛ i wun lɛ kɛ ɔ yo be batɛm.

Jean 5:35

Zan ti kɛ kannin b'ɔ jue b'ɔ kpaja'n sa, yɛ i kannin sɔ'n i bo tranlɛ yoli amun fɛ kan.

Sa nga bé yôli'n 19:18

Be nga be fali Nyanmiɛn ndɛ'n su'n, be kpanngban be wa dili sa nga be yoli'n i nanwlɛ nzra'n nun.

Sa nga bé yôli'n 2:38

Yɛ Piɛr seli be kɛ: «An `kaci amun nzuɛn'n man be yo amun kwlakwlakwla amun batɛm Jésus-Krist dunman nun nan Nyanmiɛn `yaci sa nga an yoli i'n cɛ amun yɛ ɔ `fɛ i Wawɛ'n man amun.

Jacques 5:16

I sɔ'n ti, kɛ ɔ ´yo nan amu'an yo juejue'n, an `kan sa nga an yoli'n kle amun wiengu, an `srɛ Nyanmiɛn man amun wun kɛ ɔ man amun jaso. Sɛ sran kpa kun srɛ like Nyanmiɛn sa nun b'ɔ jran su kpa'n, i srɛlɛ sɔ'n yo sa ye dan.

Zozie 7:19

Zozie seli Akan kɛ: «N wa, manman Anannganman b'ɔ ti Izraɛl Nyanmiɛn'n. Nian nanwlɛ di, kan sa nga a yoli'n, nán fia wie fi su.»