Marc 1:13 - NYANMIƐN NDƐ'N 1998

¹³ Ɔ dili le ablanan aawlɛ flɛnnɛn nun lɔ, Satan ko lɛkɛlɛkɛli i. Ɔ nin blo nnɛn mun yɛ be o lɔ-ɔ, yɛ anz'm be su i.

Nyanmien nde Ufle

¹³ O dii lé ablanan blô lo, Satan (*f6*) kô lekeleke. O nin blô nnen mun ye bé ô loo, ye ange'm bé sui.

Marc 1:13 Iomraidhean Croise

Ezipt Lɔ Tulɛ'n 24:18

Moiz wluli sin wɛnsrɛn'n nun, nan ɔ'a fu oka'n su lɔ. Moiz dili oka'n su lɔ kɔnguɛ ablanan nin wia su ablanan.

Ezipt Lɔ Tulɛ'n 34:28

Moiz nin Anannganman be kali lɛ lele cɛn ba ablanan nin kɔnguɛ ablanan, i nuan sa ɔ'a kan-man like fi, yɛ ɔ'a nɔn-man nzue kusu. Anannganman klɛli aenguɛ nga ɔ nin Izraɛlfuɛ mun trali'n i nun ndɛ mun. Be ti mmla blu. Ɔ klɛli be yɛbuɛ paplaapla'm bé su.

Matthieu 26:53

?A bu i kɛ n kwla flɛ-man n Si kɛ ɔ blɛ min anz bɔ be tra akpi fa blu-nin-nnyɔn icra'n?

Matthieu 4:1

Yɛ Nyanmiɛn Wawɛ'n fa Jésus ɔli aawlɛ flɛnnɛn nun lɔ kɛ mmusu'm bé si Satan ko lɛkɛ i.

JÉSUS-CHRIST I DYASIN FE'N BO LUC KLELI'N 4:1

Kɛ Jésus fin Zurdɛn'n nun lɔ ɔ ´ba bɔ Nyanmiɛn Wawɛ'n sieli i'n, Wawɛ sɔ'n fɛ ɔli aawlɛ flɛnnɛn nun lɔ,

Mmla'n 9:11

Kɛ cɛn ba klonglo ablanan sɔ'm be sinnin'n yɛ Anannganman fali yɛbuɛ paplaapla mun mannin min-ɔn. Yɛbuɛ sɔ'm be su yɛ aenguɛ nga Anannganman nin amun trali'n i nun ndɛ be o-ɔ.

Mmla'n 9:18

Kpɛkuun n tɔli nan m'an utu mín nyin ase Anannganman nyrun kɔnguɛ nin wia nun cɛn ba ablanan ekun, m'an di-man like, m'an nɔn-man nzue, afin amun klɔklɔli Anannganman, ɔ man ɔ fali ya amun sa tɛ bɔ amun yoli'n ti.

Mmla'n 9:25

Kɛ Anannganman kannin amun nunnunlɛ ndɛ bɔ n tili'n, n tɔli i nyrun lɛ n utuli mín nyin ase. N kali lɛ kɔnguɛ nin wia nun cɛn ba ablanan.

1 Timote 3:16

Nanwlɛ, e kwlaa e si kɛ kɛ ɔ yoli bɔ e yoli Nyanmiɛn liɛ'n, ɔ ti abonuan dan, sran wun-mɛn i wlɛ. Ɔ yoli i wun sran'n, ɔ yili i wun nglo, Nyanmiɛn Wawɛ'n kle kɛ ɔ ti sran kpa, anz'm be wunnin i. Be kɛnnin i ndɛ nvle'm be nun. Be lafili i su mɛn wunmuan'n nun. Be mɛnnin i su ɔli nyanmiɛn su lɔ, ɔ nyannin nyrun dan.

Hébreu 4:15

Afin Nyanmiɛn nyrun jranfuɛ nga e lɛ i'n, ɔ ti-man sran b'ɔ si-man kɛ e kwla-man like fi yo-ɔ, afin like nga be fa lakali ye'n, be fɛ i kwlaa'n lɛkɛli i wie, sanngɛ ɔ'a yo-man sa tɛ le.