Jacques 1:3 - NYANMIƐN NDƐ'N 1998

³ afin an si kɛ kɛ an lafi Nyanmiɛn su, bɔ be sa amun nian'n, yɛ man an kaci sran bɔ be tra be anwlɛn-ɔn.

Nyanmien nde Ufle

³ afin an si ke, ke an lafi Nyanmien su, bo bé sa amun nian'n, ye man an katyi swran b'o tre i awleon.

Jacques 1:3 Iomraidhean Croise

Hébreu 10:36

An `tra amun anwlɛn nan amu'an yo Nyanmiɛn klun sa nan amu'an nyan like nga i waan ɔ ´fa man amun'n.

Kolɔsfuɛ Mun 1:11

E srɛ i kɛ ɔ man amun fanngan i kwlalɛ dan b'ɔ lɛ-man wunsu'n ti, e srɛ i kɛ sa'n kwlaa nun amun klun jɔ nan an kwla tra amun anwlɛn blu sa'm be su.

1 Piɛr 1:7

i sɔ'n nun yɛ be ´wun kɛ an lafi Nyanmiɛn su kpa-a. Sika ɔkwlɛ bɔ cɛn wie ɔ ´saci'n, be klo i nian. Amun kusu kɛ an lafi Nyanmiɛn su'n, an ti kpa tra sika ɔkwlɛ, sanngɛ san be ´sa amun nian. Yɛ kɛ be wun kɛ an lafi i su kpa'n, cɛn nga Jésus-Krist wa yi i wun nglo'n, be ´manman amun, be ´yi amun ayɛ, yɛ be ´yo amun mo.

Rɔmfuɛ Mun 8:28

E si kɛ sa kwlaa nga b'ɔ ju'n, e bɔ e klo Nyanmiɛn b'ɔ flɛli e yɛlɛ kɛ ɔ bu ye akunndan sieli laa'n, e kpa yolɛ ti yɛ ɔ man sa sɔ'm be yo-ɔ.

2 Korɛntfuɛ Mun 4:17

Nyrɛnnɛn kaan nga e wun i yɛ'n ɔ man e ´nyan tranwlɛ kpa nyanmiɛn su lɔ, e su jao-man nun le.

Rɔmfuɛ Mun 15:4

Ndɛ nga be klɛli be laa'n, be klɛli i kwlaa sɔ'n kɛ be ´fa kle e ngwlɛlɛ nan Nyanmiɛn fɛ i ndɛ sɔ'n wla e fanngan, nan e tra ye anwlɛn e fa é wla'n guɛ i su.

2 Piɛr 1:6

Kɛ an wun sa'm be wlɛ'n, an `nian amun wun su. Kɛ an nian amún wun su'n, an `tra amun anwlɛn. Kɛ an tra amun anwlɛn'n, an `fa amún wun mantan Nyanmiɛn.

Rɔmfuɛ Mun 8:25

Sɛ é nyin o like bɔ be waan be ´fa man ye bɔ e nian wun-mɛn i'n i sin'n, e tra e anwlɛn e tran minndɛ.

Hébreu 12:1

I sɔ'n ti, kɛ sran kpanngban kpa bɔ be kan Nyanmiɛn sulafilɛ ndɛ'n be sin yia e kukuku'n, man e kusu e gua like kwlaa ng'ɔ tanndan e wun'n be ase, man e wla sa tɛ'n kwlaa ase, afin ɔ cɛ-man nan ɔ'a tanndan é ja nun. Man e mian é nyin sin lika nga be kle ye'n nun.

2 Tɛsalonikfuɛ Mun 3:5

Man e Min'n man an wun klolɛ nga Nyanmiɛn fa klo amun'n, yɛ ɔ man an tra amun anwlɛn kɛ Krist liɛ'n sa.

2 Tɛsalonikfuɛ Mun 1:4

Yɛ e fa amun di é nuan Nyanmiɛn i asɔnun'm be nun, afin yalɛ nga be kle amun'n nin nyrɛnnɛn nga an wun i'n, i kwlaa sɔ'n nun'n, an tra amun anwlɛn an lafi Krist su.

Rɔmfuɛ Mun 2:7

Be nga be tra be anwlɛn be yo sa kpa'n, bɔ be kunndɛ kɛ be nyan nyrun nan be bu be sran'n, bɔ be kunndɛ nguan'n, ɔ ´man be anannganman nguan.

JÉSUS-CHRIST I DYASIN FE'N BO LUC KLELI'N 21:19

Sɛ an tra amun anwlɛn'n, amun ´nyan amún ti.»

Hébreu 6:12

E klo-man kɛ an yo nvɛɛfuɛ, sanngɛ be nga be lafi Nyanmiɛn su'n, bɔ be tra be anwlɛn b'ɔ man be nyan like nga i waan ɔ ´fa man be'n, an nian be liɛ'n su yo.