Ɛstɛr 10:2 - NYANMIƐN NDƐ'N 1998

² Sa dandan nin yakpa sa nga famiɛn'n yoli'n, ɔ nin sa su dan ng'ɔ mannin Mardose'n, be klɛli be Medi nin Pɛrs famiɛn'm be fluwa'm be nun.

Ɛstɛr 10:2 Iomraidhean Croise

Ɛstɛr 8:15

Kɛ Mardose ´fin famiɛn'n i awlo lɔ ´fite'n, famiɛn tralɛ o i wun. I bue ti ɔkwlɛ srosrowa yɛ i bue ti ufue. Tralɛ dan ng'ɔ o su'n ti ɔkwlɛ kankankan, lɛn tralɛ-ɔ. Sika ɔkwlɛ kle dan kun wlɛ i ti. Siz klɔ wunmuan'n kejeli sa yikiyikiyiki sran'm be ´kpan'n, wuun be ´si able afin be klun ti jɔwa.

Ɛstɛr 9:4

Afin Mardose yɛ ɔ nyannin nyrun famiɛn'n i mantanfuɛ'm be nun-ɔn. Be tili i dunman'n akpasua'n kwlaa su. I dunman'n fu ɔli i nyrun titi.

Ɛstɛr 2:23

Kɛ be usa-usali'n, be wunnin kɛ ndɛ sɔ'n ti nanwlɛ, nan b'a bo sran nnyɔn sɔ'm be kɔmin. Famiɛn'n man be klɛli sa sɔ'n mɛn'n i sielɛ fluwa'n nun.

Ɛstɛr 6:1

Kɔnguɛ sɔ nun'n, famiɛn'n lafi-ɔ, ɔ yo-man ye. Kpɛkuun i waan be fa wla kpɛnlɛ fluwa'n bɔ yɛlɛ mɛn'n i sielɛ fluwa nga be klɛ sa dandan nga be ju i famiɛn diwlɛ'n nun'n be nun'n be blɛ i. Be fa bali nan b'a kanngan nun b'a kle i.

Daniɛl 2:48

I sin famiɛn'n mannin Daniɛl i sa su dan, yɛ ɔ mɛnnin i ninnge kpakpa kaka kpa. Ɔ fali Babilɔni akpasua'n mɛnnin i kɛ ɔ sie i. Ɔ sieli i ekun kɛ ɔ `yo ngwlɛlɛfuɛ nga be o Babilɔni lɔ'n be kwlaa be su kpɛn.

Jue Mun 18:35

I yɛ ɔ kle min alɛ kunlɛ-ɔ. Ɔ man ta'n i kekleke kpafuɛ'n, kɛ n cuɛn i sa'n, ɔ taka.

1 Famiɛn Mun 22:39

Akab i wun ndɛ'n i onga'n, ɔ nin like ng'ɔ yoli'n kwlaa, ɔ nin sua ng'ɔ fali sui je kplannin'n, ɔ nin i klɔklɔ ng'ɔ kplannin be'n, i kwlaa ti klɛwa Izraɛl famiɛn'm bé wun ndɛ fluwa'n nun.

1 Famiɛn Mun 14:19

Zeroboam i wun ndɛ'n i onga'n nin i alɛ ng'ɔ kunnin'n, nin wafa ng'ɔ fa trannin bia'n su'n, i kwlakwla sɔ'n ti klɛwa Izraɛl famiɛn'm bé wun ndɛ fluwa'n nun.

1 Famiɛn Mun 11:41

Salomɔn i wun ndɛ'n i onga'n, ɔ nin sa ng'ɔ yoli'n, ɔ nin i ngwlɛlɛ'n i wun ndɛ'n, i kwlakwla sɔ'n wo fluwa ng'ɔ kan Salomɔn i wun ndɛ'n i nun.

Ɛstɛr 8:2

Yɛ famiɛn'n yili i sama ti nga ng'ɔ fa wlali Aman sa'n nan ɔ'a fa wla Mardose sa. Ɛstɛr kusu fali Aman awlo'n mannin Mardose kɛ ɔ nian su.