Daniɛl 8:3 - NYANMIƐN NDƐ'N 1998

³ M ´man mín nyin'n su n ´nian-an, bua nene kun yɛ ɔ jin nzue ba i nuan yɛ. I wɛ'm be ti nnyɔn. I wɛ sɔ'm be ti fleiinfleiin kpa, sanngɛ kun ti tɛnndɛn tra kun. Tɛnndɛn kpafuɛ sɔ'n, ɔ fili kasiɛn.

Daniɛl 8:3 Iomraidhean Croise

1 Be Nyoliɛ 21:16

Kɛ David ´nian'n, anz'n o nyanmiɛn'n nin asiɛ'n be afiɛn ɔ'a tinngɛ i tokofi'n Zerizalɛm ndɛnman. Yɛ David nin Izraɛl kpɛnngbɛn mun bɔ bajɛ tralɛ o bé wun, be tɔli nan b'a utu bé nyin ase.

Ɛsdras 1:2

«M bɔbɔ min Siris bɔ n ti Pɛrs famiɛn'n, min wan yoo: Anannganman b'ɔ ti nglo lɔ Nyanmiɛn'n fali asiɛ'n su famiɛn diwlɛ'm be kwlaa mannin min. Yɛ ɔ seli min kɛ n `kplɛn i sua kun Zerizalɛm, Zida nvle nun .

Ɛsdras 4:5

Kɛ ɔ fɛ i Siris b'ɔ ti Pɛrs famiɛn'n i blɛ su lele b'ɔ ´fa ju Dariis b'ɔ wa yoli Pɛrs famiɛn'n i blɛ su'n, be mannin famiɛn i afɔtuɛ manfuɛ'm be sika kɛ be yo nan Zidafuɛ'm be like sɔ bɔ be waan be ´yo'n, nán man ɔ yo ye .

Ɛstɛr 1:3

i afuɛ nsan su'n, ɔ flɛflɛli i mɛn'n su kpɛnngbɛn mun, nin Pɛrs nin Medi sonja su kpɛn mun, ɔ nin nvle-nvle'm be siefuɛ mun, ɔ nin i akpasua su kpɛn mun. Ɔ flɛli be kɛ be wa di cɛn.

Ezai 13:17

Anannganman waan: «Medifuɛ bɔ be ndɛ nun-man jɛtɛ ufue ndɛ nun'n, bɔ be bu-man sika ɔkwlɛ'n i like fi'n, n ´yo man be jaso sran sɔ'm bé wun.

Ezai 21:2

Be yili sa kekle kpa kun nglo kleli min. Sran ng'ɔ tu sran'm be ja'n, ɔ o i junman'n su, like sacifuɛ'n ɔ su di i junman'n. Anannganman waan: «Elamfuɛ mun, amun `ko kun alɛ'n! Medifuɛ mun, amun `fa klɔ'n. N ´yo man fɛfɛlɛ'n kwlaa ɔ ´wie.»

Ezai 44:28

N se kɛ: «Siris ti min bua'm be tafuɛ! Ɔ ´yo min klun sa'n kwlaa. Ɔ ´se kɛ be kplan Zerizalɛm klɔ'n i uflɛ, yɛ ɔ ´se kɛ be yo min Nyanmiɛn min sua'n ekun .»

Zeremi 51:11

Akunndan nga Anannganman'n ɔ'a fa'n yɛlɛ Babilɔni nunnunlɛ. I yɛ ɔ wlawla Medi famiɛn mun kɛ be nin i be `yia nun nin-ɔn. Ɔ ´kunndɛ kɛ ɔ `tu i klunngbɔ i sua'n dunman nun. An `kpita amun cua'm bé nuan. An `sua be klɔun an `gua be amun pata'm be nun.

Daniɛl 10:5

M ´man mín nyin'n su-ɔ, sran kun yɛ ɔ o yɛ: lɛn tralɛ yɛ ɔ wlɛ i wun-ɔn, cisu bɔ be fa sika ɔkwlɛ jrɛiin yoli'n i kun ci i afiɛn.

Daniɛl 2:39

Ɔ sin famiɛn kun wa jaso su, i sielɛ'n su ju-man ɔ liɛ'n nun. Famiɛn nsan su'n wa jaso su ekun, i nzɔliɛ yɛlɛ aaba'n. Ɔ ´sie asiɛ wunmuan'n.

Daniɛl 6:28

I yɛ ɔ de sran-an, i yɛ ɔ yo man sran kwla nyɛn i ti-ɔ. Nglo lɔ o, asiɛ'n su wa o, i yɛ ɔ yi atrɛ yɛ ɔ yo abonuan sa mun-ɔn. I yɛ ɔ deli Daniɛl asɔmɔli'm bé sa nun nin-ɔn.»

Daniɛl 7:5

Nnɛn'n i nnyɔn su'n ti kɛ nnɛn ngble wie bɔ be flɛ i urs'n sa, ɔ sɛ nguku. Nvɛn ba nsan bo i je nun. Be seli i kɛ: ‹Jaso nan di nnɛn kpanngban.›

Daniɛl 8:2

Kɛ n ´cɛn laliɛ'n, n ´wun i-ɔ, n wo Sizi b'ɔ ti Elam akpasua'n i famiɛn klɔ'n su, n wo nzue nga be flɛ i Ilai'n i nuan lɛ.

Daniɛl 8:20

Bua nene b'ɔ lɛ wɛ nnyɔn bɔ a wunnin i'n, ɔ ti Medi nin Pɛrs be famiɛn'm be nzɔliɛ.

Zakari 2:1

N ´to mín nyin ekun-ɔn m'an wun aolia nun like uflɛ: n ´nian-an, nnɛn wɛ nnan yɛ.

Zakari 5:1

Kɛ n ´to mín nyin sa ekun n ´nian-an, fluwa kun yɛ b'a nnyɔn-nnyɔn yɛ aunngban'n ´fa sin nglo lɔ kɔ yɛ.

Zakari 5:5

Anz ng'ɔ nin min koko yalɛ'n bali min wun lɛ kpɛkuun ɔ seli min kɛ: «Man ɔ́ ti'n su nian like ng'ɔ ´ba lɔ lɛ'n.»

Zakari 5:9

Kɛ n ´to mín nyin ekun n ´nian-an, bla nnyɔn yɛ be ´tu be ´sin nglo yɛ. Aunngban'n fita be ndɛwa'n nun pɛpɛpɛ. Be ndɛwa'n ti kɛ anunman wɔngɔ ndɛwa sa. N ´nian-an b'a man gbogbo'n su be nin i su tu kɔ nglo.

Zakari 6:1

Kɛ n ´to mín nyin ekun n ´nian-an, kakaklolo nnan be fin oka nnyɔn be afiɛn b'a fite. Oka sɔ'm be ti aaba oka.

Kalɛ 24:2

Kɛ ɔ niannin lɔ sɔ'n, ɔ wunnin Izraɛlfuɛ'm bɔ be o be ngblaliɛ'n nun lɔ'n, nan Nyanmiɛn Wawɛ'n ɔ'a jrɛ i su,

Zozie 5:13

Le kun kɛ bɔ Zozie kɔ Zeriko b'ɔ mantannin lɔ koko'n, ɔ ´nian-an, sran kun yɛ ɔ jin i nyrun ndɛnman su yɛ, tokofi o i sa nun. Zozie wunngeli i wun lɛ yɛ ɔ usɛli i kɛ: «?A ti e sinfuɛ annzɛ a ti e kpɔfuɛ'm be nun wie?»

Sa nglô yile 13:11

N wunnin nnɛn kun ekun, ɔ fin asiɛ'n nun fiteli. Ɔ lɛ wuɛ nnyɔn, i wɛ sɔ'm be ti kɛ bua bɔ b'a kpɛ ´cro'n be liɛ'n sa, nnɛn sɔ'n ɔ ijɔ kɛ dragɔn sa.

Sa nglô yile 5:6

Yɛ n wunnin Bua Gbanflɛn kun ɔ jin bia'n, nin like nnan bɔ be ti kɛ nnɛn sa'n, ɔ nin kpɛnngbɛn'm be afiɛn lɛ. Ɔ ti kɛ b'a kun i sa. I wuɛ'n ti nso, yɛ i nyinma'n ti nso, be yɛ be ti Nyanmiɛn Wawɛ nso b'ɔ sunmannin be mɛn wunmuan'n nun nin-ɔn .