Daniɛl 1:4 - NYANMIƐN NDƐ'N 1998

⁴ I waan man be yo gbanflɛn bɔ fɔ kaan sa nun-man be wunnɛn'n su, bɔ be nyrun'n ti klanman, bɔ be ti akunndanfuɛ nin ngwlɛlɛfuɛ mun, bɔ be si like, bɔ be kwla di junman i awlo nun'n. I waan be `kle be Babilɔnifuɛ'm be aniɛn'n nin be fluwa'n.

Daniɛl 1:4 Iomraidhean Croise

Bo Bolɛ 41:46

Kɛ Zozɛf ´kɔ famiɛn'n i nyrun'n, wuun ɔ'a di afuɛ ablasan.

2 Samiɛl 14:25

Izraɛl mɛn nun'n, sran fi i klanman nin Absalɔm sɛ-man. Kɛ ɔ fɛ i ja'n bo lele fa ´ju i ti su'n, ɔ lɛ-mɛn i lika kun b'ɔ yo-man nyɛnmɛn-ɔn. Sran kwlaa yi i ayɛ.

Nyanndra Mun 22:29

Nian sran kun nga bɔ i sa si ngwlɛlɛ'n, cɛn wie lele a ´nian-an, ɔ su di famiɛn'n i junman. Ɔ su ka-man bui bo sa mlɔnmlɔn.

Akunndanfuɛ'n 7:19

Ngwlɛlɛfuɛ'n kannzɛ ɔ ti kunngba'n, ɔ lɛ fanngan tra klɔ nga i siefuɛ'm be ju blu'n.

Ezai 36:11

Ilkiza nin Sɛbna, ɔ nin Zɔas be seli safunyrɛn'n kɛ: «E ´srɛ wɔ kpa ti-ɔ, kɛn i Aram aniɛn'n nun, e ´ti. Nán kɛn i Ebre'n nun, ɔ yo sɔ-ɔ nzrafuɛ'm bɔ be o klɔ'n i wun talɛ'n su'n be ´ti.»

Zeremi 5:15

Izraɛlfuɛ mun, an `nian, n wa fa nvle kun m ´ba, i nunfuɛ'm be nin amun ´kun. Ɔ o lɛ nán ndɛ-ɔ, ɔ ti kekle kpa. Nvle sɔ'n wo mmua, nvle sɔ'n, an ti-man i nunfuɛ'm be aniɛn.

Daniɛl 2:10

Yɛ wunnzue yifuɛ'm be tɛli famiɛn'n i su kɛ: «Nannan, sran fi nun-man asiɛ nga su wa b'ɔ kwla yo like nga ɔ waan e yo i yɛ nin-ɔn. I sɔ'n ti, kannzɛ famiɛn kun ti dan'n, annzɛ sɛ ɔ kwla bɔbɔ'n, ɔ nian se-man wunnzue yifuɛ fanunfanun'm be wie fi kɛ be `yo i sɔ like le.

Daniɛl 2:2

Ɔ yiali wunnzue yifuɛ fanunfanun'm be kwlaa kɛ be wa kɛnngɛn i laliɛ'm be kle i. Be bali yɛ be wa sin jrɛnnin i nyrun lɛ-ɔ.

Daniɛl 3:8

I sin, ɔ'a cɛ-man bɔbɔ, Babilɔnifuɛ wie'm be ko dili Zuif'm bé bo abla kleli famiɛn'n.

Daniɛl 4:7

Kɛ n lali kɔnguɛ'n, like nga n wunnin i'n yɛ. N wunnin waka kun b'ɔ jin asiɛ'n i afiɛn sa kpandangblauun.

Daniɛl 5:11

Mɛn nga a sie yɛ'n i nun wa'n, sran kun wo lɛ bɔ Nyanmiɛn i wawɛ'n wo i nun. Ɔ si i nyin su'n, be wunnin kɛ ɔ si sa'm be bo, be wunnin kɛ ɔ si ngwlɛlɛ dan, yɛ ɔ wun sa'm be wlɛ weiin-weiin kɛ sran nga Nyanmiɛn man be ngwlɛlɛ'n sa. I sɔ'n ti famiɛn Nɛbikadnɛzar, ɔ bɔbɔ ɔ́ si liɛ'n, ɔ fɛli i sieli wunnzue yifuɛ fanunfanun'm bé su kpɛn.

Daniɛl 5:7

Ɔ kpannin kekle kɛ be ko yia Babilɔni lɛ wunnzue yifuɛ fanunfanun mun. Kɛ be bali'n, ɔ kan kleli be kɛ: «Sran kwlaa ng'ɔ kanngan fluwa nga nan ɔ tu i bo'n, be ´klɛ i wun famiɛn kondro ɔkwlɛ kankankan, be ´wlɛ i kɔmin sika ɔkwlɛ njuaba, yɛ be nga be mantan min'n, ɔ wa yo be nsan su.»

Daniɛl 9:1

«Asieris i wa Dariis b'ɔ ti Medifuɛ'n, ɔ wa yoli Babilɔni mɛn'n i famiɛn. Kɛ ɔ trannin bia'n su, i afuɛ klikli su'n, m bɔbɔ min Daniɛl, n niannin Anannganman i fluwa'm be nun nan m'an wun ndɛ nga Anannganman man i nuan ijɔfuɛ Zeremi kannin'n i wlɛ. Ɔ kannin afuɛ ableso nga i nun yɛ be wa saci Zerizalɛm'n i ndɛ kleli Zeremi .

Zakari 2:4

N usɛli i kɛ: «?Be wa yo nguɛ?» Ɔ tɛli min su kɛ: «Nvle sroesroe nga be kejeli Zidafuɛ'm be nun b'ɔ man be fite be bie-man'n, blalɛ bofuɛ sɔ'm be bali be wlanwlanlɛ. Be wɛ bɔ be fa sanngan Zidafuɛ'm be nun'n be bɛli i bubulɛ.»

Sa nga bé yôli'n 7:20

I nun sɔ'n nun yɛ be wuli Moiz-ɔ. Ba sɔ'n ti klanman, Nyanmiɛn klo i. Ɔ dili anglo nsan i si awlo lɔ.

Sa nga bé yôli'n 7:22

Eziptfuɛ'm be kleli Moiz be ngwlɛlɛ'n kwlaa, ɔ si ijɔ kpa, yɛ ɔ yoli sran waka-waka.

Efɛzfuɛ Mun 5:27

Ɔ yo i sɔ nan kɛ Asɔnun'n ´bɛ i wun lɛ'n, ɔ `wun kɛ ɔ ti klanman, ɔ ti yɛiin, lɛ fi nun-mɛn i wun, i wun tralɛ'n ti-man nyɔnnyɔnwa, yɛ ɔ ti Nyanmiɛn liɛ mlɔnmlɔn.

Jɔlɛ Difuɛ Mun 8:18

Kpɛkuun ɔ usali Zebak nin Zalmɔna kɛ: «?Sran nga amun kunnin be Tabɔr lɔ'n, be wafa ti sɛ?» Be tɛli i su kɛ: «Be ti kɛ wɔ sa cɛ! Be kwlaa be wafa ti kɛ famiɛn mma mun sa.»