Daniɛl 1:3 - NYANMIƐN NDƐ'N 1998

³ Nɛbikadnɛzar wlali i junman difuɛ'm be su kpɛn nga be flɛ i Aspɛnaz i su nun kpa kɛ ɔ `kpa Izraɛl gbanflɛn nga be ti famiɛn ba annzɛ diewa ba mun, nan ɔ fa be bla .

Daniɛl 1:3 Iomraidhean Croise

2 Famiɛn Mun 24:15

Famiɛn Zozakin, nin i nin, nin i yi mun, nin sran ng'ɔ lafi bé su'n, ɔ nin Zida kpɛnngbɛn mun, Nɛbikadnɛzar fali be Zerizalɛm ɔli Babilɔni.

Ezai 39:6

‹Ninnge ng'ɔ o ɔ sua'n nun'n nin nga ɔ nannan'm be tiantiannin i nuan lele bɔ wa fa ju ndɛ yɛ'n, cɛn kun wa ju bɔ ba kun sa su ka-man lɛ. Be ´fɛ i kwlaa sɔ'n kɔ Babilɔni.

Ezai 39:7

Be wa fa ɔ bɔbɔ ɔ osu'n nun ba yasua wie mun, be ´sɛ be, be ´fa be kɔ Babilɔni famiɛn i awlo lɔ, yɛ be ´su i.› »

Zeremi 41:1

Anglo nso su'n, Elisama i wa Nɛtania i klun ba Ismaɛl b'ɔ ti famiɛn i osufuɛ'n b'ɔ ti i awlo'n lɔ sran dandan'm be nun kun'n, ɔ nin sran blu be wa toli Asikam i wa Gɛdalia Mizpa lɛ. Be nin Gɛdalia be dili like.

Mmla'n 28:41

Amun ´wu ba yasua mun nin ba bla mun, sanngɛ be ´tra be, be ´fa be ´yo kanga, be su yo-man amun liɛ .