Akunndanfuɛ'n 1:3 - NYANMIƐN NDƐ'N 1998

³ ?Nguɛ mmlusuɛ yɛ sran kun kwla nyɛn i junman kekle b'ɔ di i nyanmiɛn'n bo wa'n i nun-ɔn?

Akunndanfuɛ'n 1:3 Iomraidhean Croise

Akunndanfuɛ'n 2:11

I sin n niannin m bɔbɔ mín sa ti junman nga n dili'n, ɔ nin i su afɛ nga n fa fɛli'n, i kwlaa. N wunnin kɛ sa'm be kwlaa be tra sran i akunndan'n su. Like nga be yo be'n, i kwlaa ti afɛ ngbɛn. Ɔ ti kɛ sran kun waan ɔ fuan aunngban'n nan ɔ ko trɛ i sa. Nyanmiɛn'n bo wa'n, junman kekle kwlaa bɔ sran di'n, mmlusuɛ nun-man wie fi nun .

Akunndanfuɛ'n 2:18

Nyanmiɛn'n bo wa'n, afɛ kwlaa nga n fɛli'n, ɔ nin junman nga n dili'n, mín nyin tuli i kwlaa su. Afin cɛn kun i kwlaa sɔ'n ɔ ´ka sran ng'ɔ ´tran n ja nun'n i sa nun.

Akunndanfuɛ'n 2:19

?Sɛ sran sɔ'n ɔ wa yo ngwlɛlɛfuɛ o, sɛ kusu ɔ wa yo sinnglinfuɛ o, wan yɛ ɔ kwla wun i wlɛ-ɔ? Sanngɛ like nga n fali min ngwlɛlɛ n nyɛnnin i mín sa ti junman'm be dilɛ nun'n, i kwlaa sɔ'n, ɔ wa fa yo i liɛ. Sa sɔ'n tra sran i akunndan'n su, yɛ i kwlaa ti afɛ ngbɛn.

Akunndanfuɛ'n 2:22

?Nguɛ mmlusuɛ yɛ sran kun kwla nyɛn i nyin kplinlɛ b'ɔ kplin'n nin junman kekle b'ɔ di i nyanmiɛn'n bo wa nun-ɔn?

Akunndanfuɛ'n 3:9

?Nguɛ mmlusuɛ yɛ sran ng'ɔ di junman'n nyɛn i i afɛ'n nun-ɔn?

Akunndanfuɛ'n 4:3

Yɛ sran nga be nian wunnzɛ-mɛn i'n, i liɛ'n flunman lele tra be nga be nyin o su nin be nga b'a wu'n. Afin ɔ nian wun-man sa tɛtɛ nga be yo be nyanmiɛn'n bo wa yɛ'n be wie.

Akunndanfuɛ'n 4:7

N wunnin sa uflɛ ekun nyanmiɛn'n i bo wa b'ɔ tra sran i akunndan'n su, yɛ i kwlaa ti afɛ ngbɛn.

Akunndanfuɛ'n 5:16

Ng'ɔ o su ekun'n, yɛlɛ kɛ i blɛ ng'ɔ dili i nyanmiɛn'n bo wa'n, ɔ dili i aosin, nin sa yalɛ, nin afɛ, ɔ nin klunngbɔ'n nun .

Akunndanfuɛ'n 5:18

Cɛn wie Nyanmiɛn man sran wie anyanbeun kɛ ɔ di su aklunjuɛ. Sran sɔ'n nyɛn i liɛ junman ng'ɔ di'n i nun. Nyanmiɛn yɛ ɔ man i sɔ nin-ɔn .

Akunndanfuɛ'n 6:12

Sran i nguan'n ti kɛ fɔnvɔ wie sa. ?Wan yɛ ɔ si like kpa ng'ɔ wa ju i nguan tika sɔ'n nun-ɔn? ?Nyanmiɛn'n i bo wa'n, wan yɛ ɔ kwla kan sran kun i wie'n i sin sa mun kle i-ɔ?

Akunndanfuɛ'n 7:11

Ngwlɛlɛ'n ɔ lɛ nyrun kɛ aja bɔ b'a sie'n ɔ fa lɛ nyrun'n sa. Yɛlɛ kɛ ɔ ti sran'm be kwlaa be wun nyanman nun.

Akunndanfuɛ'n 9:13

N wunnin i kɛ nyanmiɛn'n bo wa'n ngwlɛlɛ i wun ndɛ dan kun wo lɛ b'ɔ nin kanlɛ fata.

Akunndanfuɛ'n 9:3

Nyanmiɛn'n i bo wa'n, ninnge'm be nun tɛ kpa kun yɛ ɔ o yɛ. Sran'm be kwlaa be agualiɛ'n ɔ ti kunngba, ɔ man kɛ sran'm be ´yo sa tɛ'n bɔ ngunmin sa, yɛ sinnzin akunndan'n yɛ ɔ o be anwlɛn'n nun sa tititi-ɔ, kpɛkuun b'a fa wu, wuun b'a ko to be nga be dun mmua wuli'n be lɔ.

Akunndanfuɛ'n 9:6

Be sran klolɛ o, be sran kpɔlɛ o, be kwla silɛ o, i kwlaa sɔ'n ɔ'a wie. Ninnge nga be ´yo be nyanmiɛn'n bo wa'n, be liɛ nun-man nun kun mlɔnmlɔn.

Ezai 55:2

?Ɔ yo sɛ ti yɛ amun fa sika to aliɛ ng'ɔ ta-man sran nin-ɔn? ?Ɔ yo sɛ ti yɛ amun kle amún wun yalɛ be kunndɛ like ng'ɔ yi-man sran ku nin-ɔn? Sɛ amun ti ndɛ nga n kan be'n, amun ´nyan like kpa be ´di, aliɛ kpakpa mun yɛ amun ´di-ɔ .

Abakik 2:13

Mɛnfuɛ'm be ´kle bé wun yalɛ ngbɛn. Junman nga be ´di i lɛ'n, san sin'n yɛ ɔ ´di-ɔ. Anannganman b'ɔ sie mɛn wunmuan'n yɛ ɔ di i sɔ junman liɛ'n ngba-a.

Abakik 2:18

?Amuɛn mma'm be sɛlɛ'n yo nguɛ ye? ?Be nga be fa blalɛ be yi amuɛn ba mun'n, bɔ be yi be ayɛ be sin'n, ɔ ti-man ato? ?Like sɔ'm bɔ be si-man ijɔ, bɔ sran bɔbɔ yɛ ɔ yili be'n, ɔ yo sɛ yɛ man ɔ ko fɛ i wla'n gua be su-ɔ?

Matthieu 16:26

?Sɛ sran kun nyan mɛn wunmuan'n, nan i ti i nguan'n kpɛ sin'n, nguɛ yɛ ɔ yo ye mɛn i-ɔ? ?Yɛ nguɛ like yɛ sran kun kwla fa to i nguan nin-ɔn?

Jean 6:27

Nán an di junman aliɛ b'ɔ saci'n ti, sanngɛ an `di junman aliɛ ng'ɔ saci-man b'ɔ man sran nyan anannganman nguan'n ti. Aliɛ sɔ'n, m bɔ n kacili Sran'n min yɛ n ´fa man amun-ɔn, afin min yɛ n ti sran bɔ e Si Nyanmiɛn kleli weiin kɛ ɔ jin n sin nin-ɔn.»

1 Korɛntfuɛ Mun 16:16

man amún nyin yi sran kɛ nga be ti kɛ be sa mun, yɛ be kwlaa nga be mian bé nyin be nin be di junman kunngba'n, amun nyin yi be wie.