Akunndanfuɛ'n 1:2 - NYANMIƐN NDƐ'N 1998

² Akunndanfuɛ'n i waan: «Sa'm be kwlaa be tra sran i akunndan'n su. Be trɛ i kpɛn sakpa. Like nga be yo be'n, i kwlaa ti afɛ ngbɛn .»

Akunndanfuɛ'n 1:2 Iomraidhean Croise

Zɔb I Nyrɛnnɛn Wunlɛ 11:12

Sanngɛ ngwlɛlɛ fi nun-man klɔ sran'n i ti nun. Ɔ nin blo aflunmun ba'n, ngbaciɛ fi nun-man be afiɛn.

Jue Mun 144:4

Sran'n, i like b'ɔ fɛli i yɛlɛ aunngban b'ɔ fita kan kpɛkuun ɔ'a sin'n. I nguan'n ɔ ti tika kɛ lolɛ b'ɔ o lɛ kan kpɛkuun ɔ nun-man lɛ kun'n sa.

Jue Mun 89:47

?Anannganman, cɛn onin ko yɛ a ´yaci é wun fialɛ-ɔ? ?Cɛn onin ko yɛ a ´yaci e wun ya falɛ kekle nin-ɔn?

Akunndanfuɛ'n 11:10

Man klunngbɔ'n tu ɔ klun, nán yo sa nga ɔ ´fa nyrɛnnɛn yi ɔ wunnɛn su'n. Afin gbanflɛn nzue'n nin wunmiɛn'n be sin ndɛndɛ .

Akunndanfuɛ'n 11:8

Sɛ sran kun cɛ nyanmiɛn'n bo wa lele nan ɔ di afuɛ kpanngban kpa bɔbɔ'n, ɔ fata kɛ i klun jɔ i sɔ'n ti, sanngɛ kusu nán man i wla fi kɛ aosin tuun'n i blɛ'n ɔ wa yo tɛnndɛn. Sa'm be kwlaa be tra sran i akunndan'n su. Like nga be yo be'n, i kwlaa ti afɛ ngbɛn.

Akunndanfuɛ'n 12:8

Akunndanfuɛ'n i waan: «Sa'm be kwlaa be tra sran i akunndan'n su. Be trɛ i kpɛn sakpa. Like nga be yo be'n, i kwlaa ti afɛ ngbɛn.»

Akunndanfuɛ'n 2:11

I sin n niannin m bɔbɔ mín sa ti junman nga n dili'n, ɔ nin i su afɛ nga n fa fɛli'n, i kwlaa. N wunnin kɛ sa'm be kwlaa be tra sran i akunndan'n su. Like nga be yo be'n, i kwlaa ti afɛ ngbɛn. Ɔ ti kɛ sran kun waan ɔ fuan aunngban'n nan ɔ ko trɛ i sa. Nyanmiɛn'n bo wa'n, junman kekle kwlaa bɔ sran di'n, mmlusuɛ nun-man wie fi nun .

Akunndanfuɛ'n 2:15

Yɛ n seli n klun kɛ: «?Sɛ awieliɛ kunngba ng'ɔ ´wie sinnglinfuɛ'n yɛ ɔ ´wie min wie'n, wuun min ngwlɛlɛ dan nga n si trɛli i'n ɔ yo nzu yɛ ɔ man min-ɔn?» Yɛ n seli min klun lɔ kɛ: «Sa sɔ'n tra sran i akunndan'n su, yɛ i kwlaa ti afɛ ngbɛn.»

Akunndanfuɛ'n 2:17

Kɛ n wunnin i sɔ'n, mín nyin tuli nguan'n nun tranlɛ'n su. Afin n wunnin i kɛ like nga sran'm be yo be nyanmiɛn'n bo wa'n, i kwlaa'n ti tɛtɛ ngunmin. N wunnin kɛ sa'm be kwlaa be tra sran i akunndan'n su. Like nga be yo be'n, i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ´ko trɛ i sa.

Akunndanfuɛ'n 2:19

?Sɛ sran sɔ'n ɔ wa yo ngwlɛlɛfuɛ o, sɛ kusu ɔ wa yo sinnglinfuɛ o, wan yɛ ɔ kwla wun i wlɛ-ɔ? Sanngɛ like nga n fali min ngwlɛlɛ n nyɛnnin i mín sa ti junman'm be dilɛ nun'n, i kwlaa sɔ'n, ɔ wa fa yo i liɛ. Sa sɔ'n tra sran i akunndan'n su, yɛ i kwlaa ti afɛ ngbɛn.

Akunndanfuɛ'n 2:21

Afin sran kun fa ngwlɛlɛ nin akpue fa di junman, yɛ i sa nun ninnge'm be kwlaa be yo ye, kpɛkuun ɔ'a yaci i ngba ɔ'a ɔ. I kwlaa sɔ'n ɔ ka sran uflɛ sa nun. I kwlaa nga ti anwlɛn su fitalɛ like. Sa sɔ'n tra sran i akunndan'n su, yɛ i kwlaa ti afɛ ngbɛn.

Akunndanfuɛ'n 2:23

Mɛn'n nun tranlɛ b'ɔ trannin'n i kwlaa'n ti nyrɛnnɛn ngbɛn. I junman b'ɔ dili'n, klunngbɔ yɛ ɔ nyɛnnin i nun-ɔn. Kɔnguɛ bɔbɔ sa'n, i wla kwla gua-man ase. Sa sɔ'n tra sran i akunndan'n su, yɛ i kwlaa ti afɛ ngbɛn .

Akunndanfuɛ'n 2:26

Afin Nyanmiɛn man sran nga i klun jɔ i wun'n i ngwlɛlɛ nin sa silɛ, ɔ nin aklunjuɛ. Ɔ yo man sran nga i klun jɔ-mɛn i wun'n, ɔ sua i bo ninnge mun fa man sran nga i klun jɔ i wun'n. N wunnin kɛ sa sɔ'n tra sran i akunndan'n su, yɛ i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ´ko trɛ i sa.

Akunndanfuɛ'n 2:8

Like nga be flɛ i sika ɔkwlɛ nin jɛtɛ ufue'n, n suali wie. N fali famiɛn mun nin mɛn'n su kpɛnngbɛn nga n sie be'n be kwlaa be anwlɛn su ninnge kpakpa'm be wie. N nyannin n klun klo jue tofuɛ bla nin yasua mun. Bla kaka jalɛ b'ɔ ti klɔ sran'm be aklunjuɛ like'n, n jali wie kpa liɛ su.

Akunndanfuɛ'n 3:19

Afin sran'm be agualiɛ'n nin nnɛn'm be liɛ'n, ngbaciɛ nun-man be afiɛn. Like kunngba nga bɔ man sran de wunmiɛn'n, i kunngba'n yɛ nnɛn'm be kusu be lɛ i-ɔ. I klɔ sran o, i nnɛn o, be kwlaa be wu. Sran'n i kpa tra-man nnɛn'n. Sa'm be kwlaa be tra sran i akunndan'n su. Like nga be yo be'n, i kwlaa ti afɛ ngbɛn.

Akunndanfuɛ'n 4:16

Ɔ o sran kpanngban kpa bé ti su. Sanngɛ sran nga be wa ba kasiɛn'n be su klo-mɛn i sa kun. Sa sɔ'n tra sran i akunndan'n su, yɛ i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ´ko trɛ i sa.

Akunndanfuɛ'n 4:4

N wunnin ekun kɛ sran'm bé klo kɛ be ´yo kɛ be wiengu'm bé sa, i ti yɛlɛ bé wun ase nga be wla be di junman lɛ'n. Sa sɔ'n tra sran i akunndan'n su, yɛ i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ´ko trɛ i sa.

Akunndanfuɛ'n 4:8

Sa sɔ'n yɛlɛ sran kun bɔ i kunngba cɛ yɛ ɔ wo-ɔ, ɔ lɛ-man sran, ɔ lɛ-man ba, ɔ lɛ-man niaan, sanngɛ kɛ ɔ di junman sa'n, ɔ de-man wunmiɛn. Ɔ kunndɛ kɛ ɔ ´nyɛn i wun ´tra su. Ɔ se kɛ: «?Wan li yɛ n di junman wla sɔ'n m mɛn i bɔ i ti yɛ mín wla kwla gua-man ase mlɔnmlɔn nin-ɔn?» I sɔ sa'n ɔ ti sa ya. Sa sɔ'n tra sran i akunndan'n su, yɛ i kwlaa ti afɛ ngbɛn .

Akunndanfuɛ'n 5:10

Kɛ sran kun ko nyɛn i wun dan'n, be nga be su i su be di i wun ninnge mun'n, be di-man be yalɛ. ?Be nga be lɛ ninnge kaka sɔ mun'n, nguɛ yɛ be nyɛn i nun-ɔn? ?Nán nianlɛ bɔ be ´nian ninnge sɔ'n sa'n yɛ ɔ ti be liɛ nin-ɔn?

Akunndanfuɛ'n 6:11

Kɛ sran kun ijɔ kpanngban'n, ɔ kan ndɛ ngbɛn ngbɛn mun. ?Mmlusuɛ onin yɛ sran kwla nyɛn i nun-ɔn?

Rɔmfuɛ Mun 8:20

Afin like ng'ɔ yili be'n, ɔ sieli be kwlaa be kɛ be saci. Be sacilɛ sɔ'n fin-man be bɔbɔ, ɔ fin i b'ɔ sieli be sɔ'n . Sanngɛ bé wla tɛ wo i su,