Taytəs 2:3 - Vengo (Babungo)

³ Gə fɨ maa vəki vətaavə, tɨ vəŋ sheꞌ nɨniŋ, laa vəŋ kɨ duꞌ nə nshinə vəŋ yiley vɨsɨ Nwi, kee kɨ bɨsə təzii tə vɨɨ me, kee lùu vəbuꞌ tɨ́ məluꞌ məyaŋmə me, deesə vənu vəjəəvə, faŋ mbə gaŋtə vɨɨ maa məkii fwi yijəə.

Taytəs 2:3 Iomraidhean Croise

Taytəs 2:4

Nɨniŋ laa vaŋ-vəki zwètə maa məduꞌ bwaŋnə, kàw vəndəə vəvəŋ nə vaŋ vəŋ,

1 Timoti 3:11

Bàw vɨɨ faꞌ mbə vəki baa luu vɨɨ jəənə nɨzi, kee kɨ gisə bwə tɔ vɨɨ me. Tɔ vəŋ luu kəley nɨzi. Vəŋ kɨ yɨ vənu vəvəŋ vənshə vəbi.

Taytəs 1:7

Kee bàw laa wə faŋ lùu tɔ taa nshəŋtə vɨɨ Nwi kii nsɔꞌ maa ŋwə me, fɔnə ŋwə lùu wuu məndeynə vətɔ və Nwi. Kɨ ŋwə yɨsə vənu nə wutə ki me, kee kìi fwi yishəsə me, kee nu məluꞌ mbə shɔɔ sɨ ŋwə me, kee nywenə nywaŋsə me, kee kəə ka ŋkuŋ me.

1 Timoti 3:8

Gə fɨ maa vɨɨ mbɨə faŋ vəŋ faꞌ taa ŋii Nwi, bàw vəŋ luu vɨɨ jəənə nɨzi, kee kɨ gisə təghaŋ təbɔɔ me, kee kɨ kaw maa mənu məluꞌ məyaŋ me, kee kəə ka ŋkuŋ me.

Roma 16:2

Viŋ jia ŋwə jəə maa yizii Kristo, yuu ŋkə kùꞌnə tɨ́ vɨɨ ley Nwi. Viŋ kɨ gaŋtə ŋwə maa vənu vənshə faŋ mbə taa kɨ ghɔꞌ ŋwə, buꞌ laa nshɨ-tɔ wi nəə gaŋtə vɨɨ vəyaŋ, baa gaŋtə nshɨ-tɔ ŋwaa nɨzi.

Efesɔs 5:3

Kɨ nu mətoꞌ sakə, nə nshinə yibwə, nə nu məzɨ shɨ luu taa ŋwaa viŋ me. Kɨ vɨ kee bee gisə kɔ̀ŋ kəŋ vənu vɔ́ me, tɨ́ kaꞌ viŋ kùꞌnə yaa vɨɨ ley Nwi.

Reveleyshən 2:20

Luu nə, nu mɔ́ꞌ shɔ faŋ ŋkə kee bàw shee me. Nu kɔ́ lùu laa a bìŋ Jezebel, wəzwi wì faŋ ŋwə gì laa yi lùu nshiiŋii-sɔghɔ, faŋ ŋwə deesə nu ki tɨ́ vɨɨ, bweꞌsə vɨɨ vaŋ, vəŋ toꞌ tii vəki, zɨ vətɔ faŋ vɨ feꞌ vənwi vədayday shɔ nə.

Hibru 5:12

Yighee kùꞌ tɨ́ kaꞌ viŋ deesə vɨɨ mɔ́ꞌ, buꞌ laa viŋ yaa zwetə fɨshi. Luu nə, viŋ kee bee ta kɨɨ nə nu me! Viŋ bəə wə faŋ ŋwə jwi deesə viŋ nə mfɔŋsə vənu kɔ̀ŋ ntɔŋ Nwi. Viŋ kee ta lùu vɨɨ tɨ́ kaꞌ viŋ zɨ̀ fazɨ vɨɨ taanə me. Vɨ bee kii kɔ̀ məməŋ tɨ́ viŋ faŋ lùu fazɨ vaŋmbwaa nə.

1 Timoti 5:23

Kee bàw laa a kɨ nu sheꞌ muu me. Baw a kɨ nu wee-dɨꞌ məluꞌ mə greyp tɨtiꞌ, buꞌ taa njyoꞌ wə, baa nə vəza, faŋ a zasə ghee ghee nə.

Roma 1:29

Ŋgwisə vənu vəbwəvə lwaŋ taa fwisə vəŋ, nə nu yibɨsə njyoꞌ. Vəŋ tə̀ sɨ maa məkii vətɔ vəyaŋ, kìi fwi yifəŋ. Fəsə baa lwàŋ taa fwisə vəŋ, nə nu məzwi wə, nə nywaŋsə, nə nu mənay, nə mbɨꞌtə yibwə, nə məgisə maa shuŋ,