Mark 7:9 - Vengo (Babungo)

⁹ Yeso baa gì tɨ́ vəŋ laa, «Lùu jɨɨ yijəə faŋ viŋ twey ntɨsə Nwi maa mənuŋ nuŋsə yiŋ mu?

Mark 7:9 Iomraidhean Croise

Mark 7:13

Lùu faŋ viŋ yaa kɨ yɨsə laa yigisə Nwi gu fa dayday buꞌ nuŋsə yiŋ faŋ viŋ nùŋsə nə, yɨ kəŋ vənu və̀ vəyaŋ.»

Mark 7:3

Vɨɨ Farisii vɔ́ ghɔ vɨ vɨɨ Jus vənshə, yaa kɨ biitə zɨ, vəŋ sɔ̀ ghɔ vəŋ laa ŋə ley ŋkee jəə, baa lèy tɨ́ Nwi. Nə luu nuŋsə vəŋ faŋ vɨɨ vɨsɨ nə nùŋsə.

Mark 7:5

Nɨniŋ, vɨɨ Farisii ghɔ vɨ vɨɨ mədeesə ŋwaꞌlə Nwi bitə tɨ́ Yeso laa, «Sii yɨ̀ kə vɨɨ məzwetə nu kə kee toꞌ fɨ maa nuŋsə njyə yuu vɨɨ vɨsɨ nə nuŋsə nə me? Vəŋ zɨ fazɨ nə ghɔ kee sɔ̀ me buꞌ kə?»

Roma 3:31

Ŋkə nə də̀ laa nsiŋ mèꞌ ntɨsə Nwi buꞌ nu mənuŋ fwi maa Kristo mu? - Bey, nsiŋ gisə laa ntɨsə sɔ́ lùu yinsəŋ.

2 Kɔrintian 11:4

Wə mɔ́ꞌ jwi, dèesə nu kɔ̀ŋ Yeso day, kee dèesə nu Yeso ŋgwə faŋ yia nəə deesə nu ki nə me, buu viŋ biŋ ŋwə nə məŋaytə. Vɨ kɔ̀ zwitə kəday tɨ́ viŋ, faŋ kee luu zwitə ŋkɨə faŋ viŋ nə fì yighee vɨsɨ nə me, tɨꞌnə me, fɨꞌtə ntɔŋ yijəə yiday, faŋ viŋ nə kee yizɔ yighee vɨsɨ me, buu viŋ bìŋ nə məŋaytə. Ŋkə kee baw me.

Galatia 1:14

Mə nə gə vɨsɨ fɨ taa ŋwaa vɨɨ vaŋ, shɔ̀ɔ za kaŋ vənshə maa nu vɨɨ Jus, wèꞌ maa nu ŋkɨə faŋ vətɨɨ via nə nàysə nə.

Galatia 2:21

Nɨniŋ, kaꞌ mə kee mèꞌ gəŋsə Nwi yaa fa dayday me. Nəə toꞌ luu buꞌ mənuŋsə ntɨsə, laa wə luu wuu ley vɨsɨ Nwi, buu yiku Yeso Kristo lùu nu dayday.

2 Tesalonika 2:4

Wuu mbeenə ghɔ́ ndɔ tuŋ yighaw ghɔ Nwi, kòꞌsə ŋwaa wi yizɔ, kəə maa məshɔɔ vətɔ vənshə, faŋ vɨɨ tii nə Nwi, baa nə vətɔ faŋ vɨ bəŋsə laa lùu vətɔ və Nwi. Ŋwə ndɔ gə duꞌ ŋkee taa ŋii Nwi yikwalə, kɨ tii yizii yi laa yi lùu Nwi.