Mark 4:8 - Vengo (Babungo)

⁸ Say mɔ́ꞌ fiŋkə taa shəŋ nsi yijəə. Say ghɔ́ ta, baa shɨshɔɔ faŋ ghɨ mɔ́ꞌ bìa. Yisay yimɔ́ꞌ kii vəghinə muu-ntia, ghɨ mɔ́ꞌ ziꞌ muu-ntɔfə, ghɨ mɔ́ꞌ waaghɨꞌ.»

Mark 4:8 Iomraidhean Croise

Matiu 13:23

Say ŋgɨə faŋ ŋə fìŋkə taa nsi yijəə, lùu yaa wə ntɨə faŋ ŋwə zɔ̀ yigisə Nwi, kɨ̀ɨ nə ŋiꞌ ki. Ŋwə yəəsə ŋgwisə yi, yisay yimɔ́ꞌ kii say waaghɨꞌ, yimɔ́ꞌ muu-ntɔfə, yimɔ́ꞌ muu-ntia.»

Matiu 13:8

Say mɔ́ꞌ fiŋkə taa nsi yijəə, sɔꞌ, mbuu yisay kii sɨ say waaghɨꞌ, ghɨ-mɔ́ꞌ muu-ntɔfə, ghɨ-mɔ́ꞌ muu-ntia.»

Mark 4:20

Gə fɨ maa vɨɨ mbɨə faŋ ngwisə say vəŋ fìŋkə maa shɔꞌ jəə, lùu vɨɨ mbɨə faŋ vəŋ zɔ̀ yigisə Nwi, biŋ. Say vəŋ sɔꞌ, sèe yaŋ yaŋ. Vəŋ yɨ vənu vəjəəvə. Wə mɔ́ꞌ yɨ vənu vəjəəvə vətɨtiꞌ. Wə mɔ́ꞌ yɨ vənu vəjəəvə vəyaŋ. Wə mɔ́ꞌ ŋkee vəyaŋ shɔ̀ɔ ki.»

Mark 4:7

Say mɔ́ꞌ fiŋkə taa təndɨꞌ tə nyawsə. Təndɨꞌ tə nyawsə koꞌ, ndìŋ say ghɔ́. Tuu kee mbuu yisay kee bìa shɔ me.

Mark 4:9

Yeso metə yigisə tii yɔ́, gì laa, «Wə ntɨə faŋ ŋwə kìi tuulə ghi zɔ, ŋwə zɔ!»

Lukas 8:15

Gə fɨ maa say ŋgɨə faŋ ŋə fìŋkə taa shɔꞌ jəə nə, lùu yaa nu vɨɨ mbɨə faŋ vəŋ zɔ̀ yigisə Nwi, jìa jəə taa fwisə vəŋ, twèꞌ shɔ, kɨ yɨsə vənu vəjəəvə.»

Lukas 8:8

Way mɔ́ꞌ fiŋkə taa shɔꞌ jəə, ta, mbuu yisay kii say waaghɨꞌ waaghɨꞌ.» Yeso metə yigisə tii yɔ́, baa gì nə gɨ yishaꞌsə laa, «Wə ntɨə faŋ ŋwə kìi tuulə ghi zɔ, ŋwə zɔ!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:5

Mə lùu tɨ taŋ, viŋ luu təntaŋ ti. Wə ntɨə faŋ ŋwə lùu taa fwi mə, mə lùu taa fwi ŋwə. Wə ghɔ́ kɨ nii kwaanə vətaŋ vəyaŋ. Kaꞌ wə kee yɨ̀ nu me, tɨ̀ lɨꞌ laa mə lùu fɨ yiba jɨŋ ŋwə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:17

Wə kɨ luu kɨ kəə yɨ̀ nu ŋkɨə faŋ Nwi kàw, buu kaꞌ ŋwə kɨɨ laa yigisə nyaa yɔ́ ndɔ̀ fɨ ghɔ Nwi, laa nyə kee lùu nu faŋ mə gisə maa ŋkɨɨ nyaa me.

Akts 17:11

Vɨɨ fɨ ntɨꞌ Berea nə kii fwisə jəəsə shɔ̀ɔ vɨɨ fɨ ntɨꞌ Tesalonika. Vəŋ zɔ nu Kristo nə fwi yiley, tìi fɨ taa ŋwaꞌlə Nwi shi shi, maa məye laa vənu mbɨə faŋ Pɔɔl nəə gisə nə, lùu yinsəŋ mu?

Efesɔs 2:21

Ŋii yɔ́ yinshə tɨ̀ŋ fuu yi, kɨ ta, gù ŋii yiley tɨ́ tɨta Nwi.

Filipi 1:11

Vənu vəjəəvə ndɔ lwaŋ taa ŋwaa viŋ, viŋ kii nshinə yijəə faŋ nyə ndɔ̀ fɨ ghɔ Yeso Kristo. Nɨniŋ, vɨɨ ye yikwalə Nwi fɨ fuŋ, bəŋsə ŋwə.

Kɔlɔsii 1:6

Ntɔŋ yijəə Nwi yɔ́ zìꞌ maa vəshəŋ vənshə fɨ shɨ nsi, nyə yɨsə vɨɨ kwiinə nshinə vəŋ, kii nshinə yijəə. Viŋ nɨzi zɔ̀ fɨ fuŋ, nyə yɨ viŋ yɨsə vənu vəjəəvə, zì fɨ maa yighee njyə faŋ viŋ nə fɔŋ zɔ̀ yigi yɔ́, faŋ ŋkə nə lèy tɨ́ viŋ, viŋ kɨɨ jəə faŋ Nwi tu mənɔŋ-bwaŋnə wi tɔ viŋ.