Mark 4:11 - Vengo (Babungo)

¹¹ Yeso gi tɨ́ vəŋ laa, «Nwi kɔ̀ ŋiꞌ nu yifwàŋ Nwi tɨ́ viŋ. Vɨɨ mbɨə faŋ vəŋ kee lùu vɨɨ vaŋ me, taa kɨ zɔ vənu sheꞌ maa ghaŋ tii.»

Mark 4:11 Iomraidhean Croise

Matiu 11:25

Kɨ lùu sheꞌ maa yighee yɔ́, Yeso tey kɨ shɔꞌtə Nwi laa, «Mə kɨ bəŋsə ghɔ, tɨta Nwi, faŋ a sɔꞌ yizɔ ghɔ nsi, buꞌ laa a ndɨ̀ə ntɔŋ yijəə yə fɨ ghɔ vɨɨ tɔ ley nə vəŋkaŋ-sɨ, bee kii kɔ̀ tɨ́ vɨɨ nshi.

Matiu 13:16

Gə fɨ maa viŋ, mənɔŋ-bwaŋnə tɔ viŋ buꞌ sɨ ghiŋ, buꞌ faŋ sɨ ghiŋ yɨyenə. Mənɔŋ-bwaŋnə tɔ viŋ buꞌ tuulə ghiŋ, buꞌ faŋ tuulə ghiŋ zɨzɔnə.

Matiu 16:17

Yeso bəŋsə tɨ́ ŋwə laa, «Mənɔŋ-bwaŋnə tɔ ghɔ mɔɔ, Saymon, wee Jona, buꞌ laa nə kee twèlə mbɨꞌtə wə mənsaw twèlə nu kɔ́ tɨ́ ghɔ me, nə twèlə sheꞌ Tii ŋwaa faŋ ŋwə lùu yizɔ.

Mark 3:23

Yeso zɔ nu kɔ́, tìi vɨɨ mədeesə ŋwaꞌlə Nwi vɔ́ laa vəŋ jwi yɨ ŋwə, kɨ nii tìi yigisə tii yimɔ́ꞌ tɨ́ vəŋ laa, «Sii kaꞌ Satan fuusə Satan fɨ maa wə kɨkə?

Mark 4:10

Vɨɨ vɔ́ waꞌkə, vɨɨ mbɨə faŋ vəŋ nə luu yɨ ŋwə ghɔ vɨ vɨɨ vi njɔsə-bɔɔ bitə nu tɨ́ ŋwə kɔ̀ŋ yigisə tii yɔ́.

Mark 4:2

Ŋwə fɨꞌtə vənu vəyaŋ tɨ́ vəŋ maa yigisə tii, gì tɨ́ vəŋ laa,

Lukas 8:10

Ŋwə gi tɨ́ vəŋ laa, «Nwi yɨ̀sə viŋ kɨɨ nə ŋiꞌ nu yifwàŋ ki. Vɨɨ mɔ́ꞌ zɔ ŋkə-vəŋ sheꞌ maa yigisə tii, laa vəŋ kɨ yɨye, kee ye me, zɨzɔ, kee kɨɨ nə ŋiꞌ ki me.

1 Kɔrintian 4:7

Sii nàysə ndə laa a shɔ̀ɔ vɨɨ mɔ́ꞌ? A kìi fa ghɔ ghɔ faŋ ŋkə kee ndɔ̀ fɨ ghɔ Nwi yimu? Faŋ kɔ̀ Nwi kɔ̀ vətɔ vənshə tɨ́ ghɔ nə, sii yɨ̀ kə a koꞌsə ŋwaa maa vətɔ vɔ́, yaa wə faŋ ŋwə nə fàꞌ nu nə ŋkiinə wutə.

2 Kɔrintian 4:6

Nwi, faŋ ŋwə nə gì laa, «Bàw məley kɨ bee, fùu fɨ taa mfiŋsə,» ŋwə baa yɨ̀sə məley bee taa fwisə yia, maa məkɔ tɔ ley tɨ́ yia, tɨ́ kaꞌ yia kɨ̀ɨ nə yikwalə Nwi, faŋ nyə fùu ntee taa ŋwaa Kristo.

Efesɔs 1:9

tɨ́ kaꞌ nsiŋ kɔꞌ kɨɨ nə nu ŋkɨə faŋ ŋkə lùu taa ŋkɨɨ Nwi, faŋ ŋkə nə ndènə fɨ yikəꞌ vɨɨ nə. Nu kɔ́ nə bàw tɨ́ ŋwə maa məyɨ nɨniŋ,

Kɔlɔsii 4:5

Gə fɨ maa nshinə yiŋ, viŋ kii yitɔfə maa vɨɨ mbɨə faŋ kee lùu vɨɨ Nwi me! Kɨ viŋ kɨ bɨsə yighee njyə faŋ Nwi kɔ̀ tɨ́ viŋ, laa viŋ kɨ faꞌ tɨ́ ŋwə nə me!

1 Tesalonika 4:12

Viŋ yɨ nɨniŋ laa ghuu yitoꞌ kiŋ baw tɨ́ vɨɨ mbɨə faŋ vəŋ kee lùu vɨɨ Nwi me, baa nə laa viŋ kee kɨ bəə fa laa vəŋ kɨ gaŋtə viŋ shɔ me.

1 Timoti 3:7

Baw sheꞌ wə faŋ vɨɨ taa shɨ, faŋ vəŋ kee lùu vɨɨ Nwi me, biŋ ŋwə nɨzi, laa lùu wuu jəə. Nɨniŋ laa kɨ vɨɨ ndɔ kɨ gisə bwə tɔ ŋwə, tɨ́ kaꞌ ŋwə ŋii taa mbɨə Satan me.

1 Jɔn 5:20

Nsiŋ kɔꞌ kɨɨ laa Wee Nwi nə jwì ŋaꞌsə sɨ ŋaa-nsiŋ, tɨ́ kɨ kaꞌ nsiŋ kɨɨ nə Nwi faŋ lùu Nwi yinsəŋ. Nsiŋ lùu fa kəmuꞌ nsiŋ vɨ Nwi yinsəŋ, buꞌ faŋ nsiŋ lùu fa kəmuꞌ nsiŋ vɨ ŋwiŋ wi Yeso Kristo. Yeso lùu Nwi yinsəŋ, məbwey vəlwaŋ ghɔ ŋwə.