Mark 3:5 - Vengo (Babungo)

⁵ Vəŋ gay. Ŋwə ndeynə vəŋ kia nə fwi yifəŋ, luŋ buꞌ laa fwisə vəŋ nə luu səshii maa məbiŋ nu ki, kɨ nii gì tɨ́ wə ghɔ́ laa, «Nesə kwiŋ wə!» Wə ghɔ́ nesə kwiŋ wi; kwiŋ wi ghɔ́ bwaŋnə.

Mark 3:5 Iomraidhean Croise

Matiu 12:13

Yeso kɨ nii gì tɨ́ wə ghɔ́ faŋ kwiŋ wi nə ku muꞌ nə laa, «Nesə kwiŋ wə!» Wə ghɔ́ nesə kwiŋ wi ghɔ́, ŋwə bwaŋnə yaa wuu mɔ́ꞌ.

Mark 3:4

buu bìtə tɨ́ vɨɨ vɔ́ laa, «Luu nuŋsə maa məyɨ nu jəə maa shi zwisə Nwi mu, mu maa məyɨ nu bwə? Luu nuŋsə maa məbweysə wə mu, mu maa məzwi wə?»

Lukas 13:15

Tɨta Yeso bəŋsə tɨ́ ŋwə laa, «Aŋ viŋ, vɨɨ məboꞌ ŋwaa. Maa wə tɨ̀ me wə fɨ wiŋ yaa kɨ keꞌtə nyaa yi, tɨꞌnə me jiakasə, fɨ taa ŋkuu, gə̀ nə ŋwə shuu muu maa shi zwisə Nwi.

Lukas 17:14

Ŋwə ye vəŋ, gì tɨ́ vəŋ laa, «Viŋ gə, də̀ yiŋwaa yiŋ tɨ́ vɨɨ məfeꞌ Nwi.» Faŋ vəŋ yaa gə, yiŋwaa yivəŋ kiasə ley.

Lukas 6:10

Ŋwə kɨ nii ndèynə vəŋ vənshə kia, ndɔ̀ gì tɨ́ wə ghɔ́ laa, «Nesə kwiŋ wə!» Wə ghɔ́ yɨ nɨniŋ, kwiŋ wi ghɔ́ bwaŋnə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:7

Ŋwə kɨ nii gì tɨ́ wə ghɔ́ laa ŋwə gə taa wee-fɨ-maghia faŋ vɨ tii nə Saylom, gə̀ sɔ̀ sɨ ghi shɔ. Ŋiꞌ yizii Saylom lùu laa, «Wə faŋ vɨ tɨtɔŋ.» Wə ghɔ́ gə sɔ̀ sɨ ghi, bə̀ŋ jwì, kɨ ye vədɨꞌ.

Roma 11:25

Vaŋ-nshwi vaŋ, mə kəə yɨ̀sə viŋ kɨ̀ɨ nə nu mɔ́ꞌ nɨzi, faŋ ŋkə nə ndènə fɨ ghɔ vɨɨ. Mə kəə naysə tɨ́ viŋ laa kɨ viŋ taa kɨ bɨꞌtə ŋkiŋ nu fɨ maa yitɔfə yiŋ me. Viŋ zɔ! Nwi nə yɨ̀ fwisə way vɨɨ Isirayl luu səfɨsə, gə kɔ tɨ́ yighee njyə faŋ vɨɨ tətɔŋ fu ndɔ jwi kɨ kɨɨ nə Nwi, nwaa vəŋ lwaŋ,

2 Kɔrintian 3:14

Nɨniŋ, fwisə vəŋ luu səshii. Njwi yɔ́ kɨ bii sɨ vəŋ, kɔ tɔ və-ndee maa yighee njyə faŋ vɨ tii ŋwaꞌlə Nwi kɔ̀ŋ məkee məmwamə mbɔ́. Vɨ kee bàꞌsə njwi yɔ́ me, buꞌ laa Nwi bàꞌsə sheꞌ tɨ́ wə ntɨə faŋ ŋwə nùŋ fwi yi maa Kristo.

Efesɔs 4:18

Mbɨꞌtə vəŋ kee ley me. Məbwey Nwi bəə fɨ taa fwisə vəŋ, buꞌ faŋ vəŋ kee kɨ̀ɨ nə nu me, fwisə vəŋ fɨ̀.

Efesɔs 4:26

Kɨ luu fwi siŋ za, kɨ viŋ yɨ nu bwə me, kee biŋ laa shɨshwi fiŋ, maa laa viŋ mètə ntay yiŋ me.

Efesɔs 4:30

Kɨ viŋ yɨ laa Zwitə Ley Nwi luŋ me, buꞌ laa Nwi kɔ Zwitə ki kɔ́ tɨ́ viŋ, shwèe shwenə ki maa viŋ, yɨ̀ laa viŋ ndɔ fuu fɨ taa nsɔꞌ Nwi maa shi ŋkɨə faŋ vɨ ndɔ bweysə vɨɨ fɨ fuŋ.

Hibru 3:10

Lùu nu ŋkɨə faŋ fwi Nwi nə zà maa vɨɨ vɔ́, ŋwə gi laa, vəŋ ndì jɨɨ, vənu vaŋ kee lùu vəley tɨ́ vəŋ me.

Hibru 3:17

Sii nə lùu vəndə faŋ fwi Nwi nə zà maa vəŋ ŋuꞌsə muu-yinshwe nə? Maa nə luu vɨɨ mbɨə faŋ vəŋ nə yɨ̀ nu bwə, kùkə taa tɔɔ waꞌsə nə.

Hibru 5:9

Faŋ ŋwə nə mètə faꞌ wi nshə, ŋwə gù wuu məgaŋtə vɨɨ vənshə faŋ vəŋ zɔnə ŋwə, laa vəŋ ndɔ zɨ məbwey vəlwaŋ faŋ ŋwə gòꞌsə yighee muꞌ.

Reveleyshən 6:16

gisə tɨ́ baŋsə nə yighɔsə laa, «Viŋ gukə maa yia, ndɨə yia fɨ ghɔ wə ntɨə faŋ ŋwə duꞌ fuu ŋkaw yizɔ nə, nə fɨ ghɔ bi-njɨɨ yɔ́, faŋ fwi yi shəsə nə,