Mark 2:9 - Vengo (Babungo)

⁹ Sii yàysə kə, maa məgi tɨ́ wə faŋ ŋwaa wi kù way muꞌ laa, vənu vəbwəvə vi me, mu maa məgi tɨ́ ŋwə laa ŋwə ndɔ fɨ nsi, tɨ̀ŋnə, shàꞌ kɨŋ ki, kɨ toꞌ?

Mark 2:9 Iomraidhean Croise

Matiu 4:24

Nu kwalə ki kɔ́ saynə taa shɨ Siria kənshə. Vɨ jwi nə vɨɨ vəza tɨ́ ŋwə, faŋ vəŋ nəə zasə nə vəza taŋ taŋ. Vɨɨ faŋ zwitə bwə nə luu maa vəŋ, nə vɨɨ faŋ kəŋgu nəə ghaysə vəŋ, nə vɨɨ faŋ way ŋwaa vəŋ nə ku muꞌ, jwi yè Yeso, ŋwə shuꞌ vəŋ.

Matiu 9:2

Vɨ jwi kɔ̀ wə mɔ́ꞌ tɨ́ ŋwə faŋ ŋwaa wi nə kìlə, tɨ́ wə ghɔ́ nɔŋ fuu kɨŋ. Yeso ye laa vəŋ nùŋ fwisə vəŋ maa ŋwə, ŋwə gi tɨ́ wə ntɨə faŋ ŋwaa wi nə kìlə nə laa, «Jia fwi yə mɔɔ, ŋwiŋ ŋwaa, Nwi ndenə vənu vəbwəvə və faŋ a nə yɨ̀sə.»

Matiu 9:5

Nu ŋkɨə faŋ ŋkə yàysə maa məgi, lùu laa kə? Ŋkə yàysə maa məgi laa, «Nwi ndenə vənu vəbwəvə və» mu, mu maa məgi laa, «Ndɔ yizɔ kɨ toꞌ»?

Mark 2:10

Nɨniŋ, bàw laa viŋ kɨɨ laa Nwi nùŋsə mə, faŋ mə nə jwi mbi gù wə, laa mə ndisə nu bwə faŋ ŋkə lùu maa vɨɨ shɨ nsi. Mə taa yɨ nu weꞌ kɔ́ nɨzi, tɨ́ kɨ kaꞌ viŋ kɨ̀ɨ.»

Mark 2:8

Sheꞌ yighee muꞌ Yeso kɨɨ fɨ taa fwi ŋwə laa vəŋ bɨꞌtə nɨniŋ. Ŋwə gi tɨ́ vəŋ laa, «Viŋ sii bɨ̀ꞌtə nu kə̀ taa fwisə viŋ buꞌ kə?

Lukas 7:48

Yeso mètə yigi yɔ́, kɨ nii kìasə, gì tɨ́ wəzwi ghɔ́ laa, «Vənu vəbwəvə və mè vɨsɨ Nwi.»