8 Sheꞌ yighee muꞌ Yeso kɨɨ fɨ taa fwi ŋwə laa vəŋ bɨꞌtə nɨniŋ. Ŋwə gi tɨ́ vəŋ laa, «Viŋ sii bɨ̀ꞌtə nu kə̀ taa fwisə viŋ buꞌ kə?
Yeso zɔ nu kɔ́, ndɔ̀ fɨ yifi. Vɨɨ vəyaŋ beꞌsə ŋwə. Ŋwə shuꞌ vəza fɨ maa vəŋ vənshə,
Vəŋ kwaꞌtə yitɔ yivəŋ, gi sheꞌ vəŋ vəŋ laa, «Ŋwə gì nu kɔ́ buꞌ faŋ nsiŋ nii kee ndì bee yimu?»
Yeso kɨɨ nə nu ŋkɨə faŋ vəŋ nəə bɨꞌtə fɨ taa fwisə vəŋ nə, gì tɨ́ vəŋ laa, «Viŋ sii kitə nu bwə fɨ taa fwisə viŋ buꞌ kə?
«Wə ŋwə̀ sii gì tɨ́ nee buꞌ kə? Ŋwə taw Nwi, ndì nshɨ-tɔ wi yaa Nwi. Kìi ndə kìi wutə maa məndenə yibɨsə vɨɨ? Maa kii sheꞌ Nwi nɨnɔŋ.»
Sii yàysə kə, maa məgi tɨ́ wə faŋ ŋwaa wi kù way muꞌ laa, vənu vəbwəvə vi me, mu maa məgi tɨ́ ŋwə laa ŋwə ndɔ fɨ nsi, tɨ̀ŋnə, shàꞌ kɨŋ ki, kɨ toꞌ?
buꞌ laa vənu vəbwəvə fuu fɨ taa ŋwaa wə, fɨ taa fwi ŋwə. Vənu vəbwəvə yaa mbɨꞌtə yibwə, nə nu mətoꞌ vəsakə, nə nu vəndɔꞌ, nə nu məzwi wə,
Ŋwə gi tɨ́ vəŋ laa, «Sii yɨ kə buu fwi siŋ ghaysə viŋ? Yɨ kə buu yigisə məbitə vənu koꞌ taa fwisə viŋ?
Yeso nəə kɔꞌ kɨɨ nə mbɨꞌtə vəŋ, gì tɨ́ vəŋ laa, «Viŋ sii bɨ̀ꞌtə kə fɨ taa fwisə viŋ?
Yeso nə kɔꞌ kɨɨ nə mbɨꞌtə vəŋ yɔ́. Ŋwə gi tɨ́ wə ghɔ́ faŋ kwiŋ wi nə ku muꞌ nə, laa ŋwə ndɔ yizɔ, tɨ̀ŋnə nɨntəŋ. Wə ghɔ́ ndɔ yizɔ, tɨ̀ŋ shɔ.
ndɔ̀ bàa kɨ bìtə tɨ́ ŋwə lwesə ghee tia laa, «Saymon, wee Jɔn, a kàw mə mu?» Ŋkə za Pita, buꞌ faŋ Yeso bìtə tɨ́ ŋwə ghee tia laa ŋwə kàw yi mu. Ŋwə gi tɨ́ Yeso laa, «Tɨta, a kɔꞌ kɨɨ nə vənu vənshə. A kɔꞌ kɨɨ laa mə kàw ghɔ.» Yeso gi tɨ́ ŋwə laa, «Kɨ kɨꞌ bisə-njɨɨ saŋ!
Luu nə, vɨɨ vəmɔ́ꞌ fɨ taa ŋwaa viŋ kee bìŋ yigisə nyaa me.» Yeso nə gì nɨniŋ buꞌ laa, shù fɨ maa vənzi ŋwə nəə kɔꞌ kɨɨ nə vɨɨ mbɨə faŋ vəŋ kee biŋ yigi yi me, nə wə ntɨə faŋ ŋwə ndɔ fiŋ ŋwə nə.
Ŋwə jwi nɨniŋ, Pita gi tɨ́ ŋwə laa, «Ananias, sii yɨ̀ kə laa tɨɨ vəzwitə vəbwəvə bweꞌsə ghɔ laa a fiŋ yindɨɨ yə, ndɨ̀ə way ka, jwì kɨ dəsə way laa lùu faŋ a fìŋ yindɨɨ yɔ́? A sɨ̀ɨ ba lùu tɨ́ Zwitə Ley Nwi.
Bàw a biŋ nu bwə ŋkɨə faŋ a bɨ̀ꞌtə nə, kwiinə fwi yə, kɨ shɔꞌtə Nwi, ndwaŋ Nwi maa nu ŋkɨə faŋ a nii kwaꞌtə taa fwi ghɔ, tɨ́ kaꞌ yighee mɔ́ꞌ Nwi ndenə nu bwə kə kɔ́.
Fa kee lùu shɔ taa ŋwaa vətɔ faŋ Nwi nə bɔ̀ŋ, faŋ kaꞌ Nwi kee ye me. Vənu vənshə faŋ wə yɨsə, lùu ntee yikəꞌ Nwi, Nwi ye. Nsiŋ ndɔ tɨŋnə vɨsɨ ŋwə shi mɔ́ꞌ, fì tɔ kaŋ-nsiŋ buꞌ vənu vənshə faŋ nsiŋ nə yɨsə nə.
Mə taa zwilə vaŋ vi. Nɨniŋ laa vəməshəŋtə və vɨɨ Nwi vənshə taa kɨɨ laa mə lùu wə ntɨə faŋ mə kɨɨ nə mbɨꞌtə vɨɨ, baa nə nu ŋkɨə faŋ vəŋ kəə. Mə taa ndɔꞌ wə tɨ̀ me wə sheꞌ maa nu ŋkɨə faŋ ŋwə nə yɨ̀sə.