Mark 2:5 - Vengo (Babungo)

⁵ Yeso ye faŋ vəŋ nə nùŋ fwi vəŋ maa ŋwə, gì tɨ́ wə ghɔ́ faŋ ŋwaa wi nə kù way muꞌ nə laa, «Ŋwiŋ ŋwaa, mə naysə tɨ́ ghɔ laa yibɨsə yə mè.»

Mark 2:5 Iomraidhean Croise

Matiu 9:2

Vɨ jwi kɔ̀ wə mɔ́ꞌ tɨ́ ŋwə faŋ ŋwaa wi nə kìlə, tɨ́ wə ghɔ́ nɔŋ fuu kɨŋ. Yeso ye laa vəŋ nùŋ fwisə vəŋ maa ŋwə, ŋwə gi tɨ́ wə ntɨə faŋ ŋwaa wi nə kìlə nə laa, «Jia fwi yə mɔɔ, ŋwiŋ ŋwaa, Nwi ndenə vənu vəbwəvə və faŋ a nə yɨ̀sə.»

Matiu 9:22

Yeso kiasə ŋwaa wi, yè wəzwi ghɔ́, gì tɨ́ ŋwə laa, «Jia fwi yə mɔɔ, ŋwiŋ ŋwaa, a nùŋ fwi yə maa mə, buu a bwey.» Wəzwi ghɔ́ bwaŋnə sheꞌ maa yighee yɔ́.

Matiu 9:5

Nu ŋkɨə faŋ ŋkə yàysə maa məgi, lùu laa kə? Ŋkə yàysə maa məgi laa, «Nwi ndenə vənu vəbwəvə və» mu, mu maa məgi laa, «Ndɔ yizɔ kɨ toꞌ»?

Mark 2:6

Vɨɨ mɔ́ꞌ fɨ taa nwaa vɨɨ mədeesə ŋwaꞌlə Nwi, faŋ vəŋ nə luu yifi, zɔ, bɨꞌtə fɨ taa fwisə vəŋ laa,

Mark 5:34

Yeso gi tɨ́ ŋwə laa, «Ŋwiŋ ŋwaa, a nùŋ fwi yə maa mə, buu a bwaŋnə̀. Gə nə mənɔŋ-bwaŋnə! Za kɔ́ mè fɨ maa ghɔ.»

Lukas 5:20

Faŋ Yeso nə yè yuu vəŋ nə nùŋ fwisə vəŋ maa ŋwə nə, ŋwə gi tɨ́ wə ghɔ́ laa, «Wuumba ŋwaa, vənu vəbwəvə və mè.»

Lukas 8:48

Yeso gi tɨ́ wəzwi ghɔ́ laa, «Ŋwiŋ ŋwaa, məbiŋ wə yɨ̀sə a bwaŋnə. Gə nə mənɔŋ-bwaŋnə!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 2:25

Nu nə kee ghɔ̀ꞌ ŋwə laa wə twelə ŋiꞌ wə tɨ́ ŋwə me. Ŋwə nə kɨ̀ɨ nə vənu vənshə faŋ mbə lùu taa fwi wə maa nshɨ-tɔ wi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:14

Fɨkɨꞌ wə ghɔ́ faŋ Yeso nii shùꞌ ŋwə nə, gə ŋìi taa ŋii Nwi yikwalə. Yeso ye ŋwə yifi, gì tɨ́ ŋwə laa, «Ye mɔɔ, a bwaŋnə̀. Kɨ ghɔ baa kɨ yɨsə vənu vəbwəvə me, laa kɨ nu faŋ ŋkə wèꞌ shɔ̀ɔ za kì, ndɔ jia ghɔ me.»

Akts 11:23

Barnabas gə ziꞌ Antiɔk, yè faŋ Nwi nə tu mənɔŋ-bwaŋnə maa vɨɨ vɔ́, ŋàytə, tɨ vɨɨ vɔ́ vənshə laa vəŋ nuŋ fwisə vəŋ sheꞌ maa tɨta Yeso, goꞌsə ghɔ vɨ tɨta Yeso ghee nshə.

Akts 14:9

Wə ghɔ́ ywiitə faŋ Pɔɔl gisə nu Nwi. Pɔɔl ndeynə ŋwə, ye laa ŋwə nùŋ fwi yi maa Nwi, tɨ́ kaꞌ vɨ gaŋtə ŋwə, ŋwə bwaŋnə.

Akts 5:31

Nwi yweysə ŋwə fɨ shɨ yiku maa wutə ki, yɨ̀ laa ŋwə luu tɔ, baa luu wuu məbweysə vɨɨ, maa məkɔ jɨɨ tɨ́ vɨɨ Isirayl, tɨ́ kɨ kaꞌ vəŋ bìŋ nu bwə vəŋ, kwìinə fwisə vəŋ, Nwi ndenə yibɨsə vəŋ.

1 Kɔrintian 11:30

Lùu ŋiꞌ nu ŋkɨə faŋ ŋkə yɨ̀ laa vɨɨ lùu vəyaŋ taa ŋwaa viŋ faŋ vəŋ zɨzasə, tɨꞌnə me kee kìi wutə me, tɨꞌnə me kukə.

2 Kɔrintian 2:10

Viŋ kɨ luu kɨ ndenə yibɨsə wə, buu mə taa ndenə yibɨsə yi nɨzi. Kɨ luu laa nu mɔ́ꞌ lùu shɔ, faŋ ŋkə nə bàw laa mə ndenə ŋkə, buu mə ndènə buꞌ viŋ sɨ Kristo.

Efesɔs 2:8

Nwi nə bweysə viŋ buꞌ gəŋsə Nwi, faŋ viŋ nùŋ fwi siŋ maa Kristo. Kee bee gaŋtə viŋ gàŋtə yiŋwaa yiŋ me; nə key sheꞌ Nwi kèy viŋ shɔ.

Kɔlɔsii 3:13

Kɨ fwi siŋ kɨ shə maa vəliŋ viŋ me! Wə kɨ luu yɨ̀sə nu bwə maa viŋ, viŋ ndenə yibɨsə yi, fɔnə Nwi ndenə yibɨsə yiŋ. Nɨniŋ, ŋkə kùꞌnə laa viŋ ndenə yibɨsə yiŋ, viŋ viŋ.

Jeyms 5:15

Vəŋ kɨ luu bùꞌ ghɔ tɨ́ Nwi nɨniŋ, nùŋ fwisə vəŋ maa Nwi, buu Nwi taa bweysə wuu za ghɔ́, ndɔ̀ ywèysə ŋwə. Kɨ luu laa ŋwə nə yɨ̀ vənu vəbwəvə, buu Nwi taa ndenə yibɨsə yi yɔ́.