Mark 2:2 - Vengo (Babungo)

² vəŋ baytə shəŋ kɔ́ vəyaŋ yɨ ŋwə. Shəŋ nə kee baa lùu shɔ tɨ́ vɨɨ mɔ́ꞌ me, gə ziꞌ fu shuufɔ. Ŋwə nə fɨꞌtə nu Nwi tɨ́ vəŋ.

Mark 2:2 Iomraidhean Croise

Matiu 5:2

Ŋwə ŋaꞌsə shuu wi, dèesə vəŋ tɨ́ nee:

Mark 1:14

Nə luu maa yighee njyə faŋ vɨ nə duꞌtə vɨ jia Jɔn, kwàŋ ŋwə mfiŋ, Yeso jwi shɨ Galilii, kɨ toꞌ fɨꞌtə ntɔŋ Nwi yijəə buꞌ nu yifwàŋ Nwi, gisə laa,

Mark 1:33

Ntɨꞌ yɔ́ yinshə baytə shuu ŋii yɔ́.

Mark 1:37

Vəŋ gə kəə ŋwə, yè ŋwə, gì tɨ́ ŋwə laa, «Vɨɨ vənshə kəə ghɔ.»

Mark 1:45

Luu nə, wə ghɔ́ fuu kɨ toꞌ, naysə tɨ́ vɨɨ vəyaŋ. Nu kɔ́ saynə, fi vəshəŋ vənshə. Vɨɨ tey kɨ baytə yɨ Yeso ŋkee dɨdɨꞌ, tɨ́ kɨ kaꞌ ŋwə kee baa kɨɨ fuu baa ŋii taa ntɨꞌ yimɔ́ꞌ ntee me, kɨ nii dùꞌ sheꞌ yiba shɨ. Vɨɨ kɨ jɨjwi yɨ ŋwə fɨ maa vəshəŋ vənshə.

Mark 2:1

Vəshi vəmɔ́ꞌ kɨ shɔɔ, Yeso bəŋ gə zìꞌ ntɨꞌ Kapernaum. Vɨɨ zɔ laa ŋwə lùu shɔ taa ŋii,

Mark 2:13

Yeso baa kɨ nii fùu gə̀ mbɨɨ maghia. Vɨɨ vəyaŋ shəŋtə yɨ ŋwə. Ŋwə deesə nu Nwi tɨ́ vəŋ,

Mark 6:34

Nɨniŋ, Yeso kɨ fùu fɨ taa bay, yè ŋkee nwaa vɨɨ vəyaŋ, kèe gəŋsə vəŋ, buꞌ laa vəŋ nə luu yaa bisə-njɨɨ faŋ nsə kee kii nshii me. Ŋwə tey kɨ deesə vənu tɨ́ vəŋ ŋkee vəyaŋ.

Lukas 12:1

Kɨ lùu maa yighee yɔ́, vɨɨ ŋkaŋsə ŋkaŋsə nə baytə shəŋ muꞌ, wə toꞌ fɨ fuu ŋwaa liŋ wi, wə toꞌ fɨ fuu ŋwaa liŋ wi. Yeso bɨ gì tɨ́ vɨɨ məzwetə nu ki laa, «Viŋ ndɨɨnə maa nu vɨɨ Farisii, faŋ vəŋ yaa kɨ boꞌ ŋwaa, buꞌ laa lùu nu faŋ kaꞌ ŋkə yasə saynə taa ŋwaa vɨɨ, sheꞌ faŋ fənsɨŋ yaa kɨ saynə taa bee, ŋkə mwa.

Lukas 5:17

Shi kəmɔ́ꞌ faŋ Yeso nəə deesə nu Nwi shəŋ mɔ́ꞌ, vɨɨ Farisii nə vɨɨ mədeesə ŋwaꞌlə Nwi duꞌ shɔ, faŋ vəŋ nə ndɔ̀ fɨ maa ntɨꞌsə ntɨꞌsə fɨ shɨ Galilii, nə fɨ shɨ Judia, baa nə ŋkee fɨ ntɨꞌ Jerusalem. Wutə Nwi nə luu maa ŋwə maa məshuꞌ vəza.

Lukas 8:1

Nu kɔ́ kɨ mè, Yeso ndɔ kɨ toꞌ fɨ taa ntɨꞌsə nə məshɨ, toꞌ fɨ̀ꞌtə nu Nwi shɔ, jwi nə ntɔŋ yijəə kɔ̀ŋ nu yifwàŋ Nwi tɨ́ vɨɨ, toꞌ nɨniŋ, ghɔ vɨ vɨɨ vi njɔsə-bɔɔ luu mɔ́ꞌ.

Lukas 8:11

Viŋ zɔ! Ŋiꞌ yigisə tii yɔ́ lùu tɨ́ nee: Ŋgwisə say ghinə ghɔ́ faŋ vɨ mɔ̀ꞌ nə, luu yigisə Nwi. Nsi yɔ́ faŋ vɨ mɔ̀ꞌ ŋə shɔ nə, lùu vɨɨ.

Akts 11:19

Yighee njyə faŋ vɨ nə zwì Stefen nə, vɨ tey kɨ kɔ ŋɨꞌ tɨ́ vɨɨ məbiŋ nu Yeso vəmɔ́ꞌ nɨzi, vəŋ saykə. Vɨɨ vəmɔ́ꞌ fɨ taa ŋwaa vəŋ gə ŋkee taa məshɨ mə Fənishia nə Sayprɔs nə Antiɔk. Vəŋ nəə toꞌ fɨꞌtə nu Kristo vəshəŋ vəshəŋ, fɨꞌtə sheꞌ tɨ́ vɨɨ Jus.

Akts 14:25

Shɨ Pamfilia vəŋ fɨꞌtə nu Nwi ntɨꞌ Perga, kɨ nii baa shɔ̀ɔ, siꞌ gə̀ ntɨꞌ Atalaya.

Akts 16:6

Vɨ Pɔɔl kɨ nii shɔ̀ɔ fɨ taa məshɨ mə Frigia nə Galatia, buꞌ laa Zwitə Ley Nwi nə fəŋ vəŋ maa məfɨꞌtə nu Nwi shɨ Asia.

Akts 8:25

Pita ghɔ Jɔn metə maa məfɨꞌtə yigisə Nwi maa ntɨꞌ yɔ́, ndɔ̀ kɨ bəŋ gə Jerusalem, toꞌ fɨꞌtə ntɔŋ yijəə Nwi maa vəshəŋ vəyaŋ fɨ shɨ Samaria.

Roma 10:8

Luu nə, ŋwaꞌlə Nwi baa gì laa lee, «Yigisə Nwi lùu nshənə tɨ́ ghɔ. Nyə lùu shuu ghɔ, baa lùu taa fwi ghɔ nɨzi.» Yigisə Nwi yɔ́ lùu nu Kristo ŋkɨə faŋ yia fɨꞌtə tɨ́ vɨɨ nə, laa vəŋ nuŋ fwisə vəŋ maa ŋwə.

2 Timoti 4:2

baa nə laa a kɨ fɨꞌtə nu Nwi, jiatə vɨɨ shɔ, faŋ ŋkə taa baw tɨ́ vəŋ, tɨꞌnə me kee baw me, kɨ ŋaꞌsə sɨ vəŋ maa ŋiꞌ nu vəŋ, naysə tɨ́ vəŋ faŋ Nwi ndɔ kwaŋ vəŋ taa nsɔꞌ. Bàw a tɨsə vəŋ, kɨ jia fwi yə, kee bwà maa mətɨsə vəŋ me. Twelə ŋiꞌ nu Nwi tɨ́ vəŋ kənshə.