Mark 12:1 - Vengo (Babungo)

¹ Yeso kɨ nii tey kɨ gisə tɨ́ vəŋ maa yigisə tii laa, «Wə mɔ́ꞌ nə luu shɔ faŋ ŋwə nə kìi yindɨɨ yi, ndì kɔ̀ maa nswii. Ŋwə nə bìa vətɨ vətaŋ faŋ vɨ tìi nə greyp, taa yindɨɨ yɔ́, ndɔ̀ kà ŋkɔꞌ shɔ, kìa yindɨɨ yi yɔ́, shùŋtə, tə̀ə yibɨɨ maa məjiatə kəŋ məluꞌ mɔ́ꞌ nee taa tey yi, faŋ mbə fuu fɨ taa vətaŋ vətɨ vɔ́. Ŋwə baa fianə ŋii təyɔꞌ taa yindɨɨ yɔ́ maa məshii nshii fɨ taa yiyɔꞌ. Nɨniŋ, ŋwə nə lòotə yindɨɨ yi yɔ́ ŋkee jəə, buu kɔ tɨ́ vɨɨ maa nswii, ndɔ̀ gə̀ shɨ tɔŋ mɔ́ꞌ.

Mark 12:1 Iomraidhean Croise

Matiu 13:3

Ŋwə gi vənu vəyaŋ tɨ́ vəŋ maa ghaŋ tii, gì laa lee, «Viŋ zɔ! Wuu məmɔꞌ say ghinə nə fuu gə̀ maa məmɔꞌ say ghinə.

Matiu 21:28

Yeso baa gì tɨ́ vəŋ laa, «Viŋ bɨꞌtə ŋkiŋ laa kə? Vaŋ wə mɔ́ꞌ nə luu shɔ vəbɔɔ. Ŋwə gə gì tɨ́ ŋgwə vɨsɨ laa ŋwə gə ndee, gə̀ fàꞌ taa biisə ŋwə.

Matiu 21:33

Yeso baa gì tɨ́ vəŋ laa, «Viŋ zɔ yigisə tii yimɔ́ꞌ! Tɨɨ fu mɔ́ꞌ nə luu shɔ, faŋ ŋwə nə kìi yindɨɨ yi, bìa vaŋ-vətɨ vətaŋ shɔ, ndɔ kà ŋkɔꞌ, baa tə̀ə yibɨɨ maa məkaŋ məluꞌ fɨ maa vətaŋ vɔ́ tey yi, ndɔ bɔ̀ŋ ŋii yidə shɔ maa məshii nshii fɨ tɔ yi, kɨ nii kɔ̀ yindɨɨ yi yɔ́ tɨ́ vɨɨ maa nswii, ndɔ̀ gə̀ tɔŋ.

Matiu 21:34

Kɨ luu maa yighee njyə faŋ vətaŋ yaa kɨ koonə nə, tɨɨ fu ghɔ́ tɔŋ vɨɨ faꞌ vi tɨ́ vɨɨ nswii vɔ́, laa vəŋ gə fì vətaŋ vətɨ.

Matiu 25:14

Yeso baa tìi yigisə tii yimɔ́ꞌ laa, «Yighee njyə faŋ Wuu yinsəŋ Nwi ndɔ bəŋ jwi, ŋkə ndɔ luu yaa nu wə faŋ ŋwə nə kəə gə̀ yitoꞌ, tìi vɨɨ faꞌ vi, kɔ̀ vətɔ vi tɨ́ vəŋ.

Mark 11:33

kɨ nii bə̀ŋsə tɨ́ Yeso laa vəŋ kee yikɨɨ me. Yeso gi tɨ́ vəŋ laa, «Nɨniŋ ghɔ́, mə kee taa naysə shəŋ ŋkɨə faŋ wutə kaŋ kɔ́ ndɔ fɨ fuŋ, buu mə kɨ yɨ vənu vɔ́ shɔ nə, tɨ́ viŋ me.»

Mark 13:34

Ŋkə ndɔ luu yaa nu wə, faŋ ŋwə nə gə̀ tɔŋ, mèꞌtə ŋii yi, kɔ̀ vətɔ vi vənshə tɨ́ vɨɨ faꞌ vi laa vəŋ kɨ ndeynə. Ŋwə nə gaa faꞌ tɨ́ vəŋ tɔ tɔ, gì tɨ́ wuu məshii shuu ŋii laa ŋwə kɨ shi nə yikɨꞌ.

Mark 3:23

Yeso zɔ nu kɔ́, tìi vɨɨ mədeesə ŋwaꞌlə Nwi vɔ́ laa vəŋ jwi yɨ ŋwə, kɨ nii tìi yigisə tii yimɔ́ꞌ tɨ́ vəŋ laa, «Sii kaꞌ Satan fuusə Satan fɨ maa wə kɨkə?

Mark 4:2

Ŋwə fɨꞌtə vənu vəyaŋ tɨ́ vəŋ maa yigisə tii, gì tɨ́ vəŋ laa,

Lukas 15:13

Vəshi kee shɔ̀ɔ vəyaŋ me, ŋwiŋ wi ghɔ́ baytə vətɔ vi vənshə, gə tɔŋ ntaŋ, gə kɨ zɨ ka wi, kee bəsə me, bɨsə ka wi nshə.

Lukas 19:12

Nɨniŋ, ŋwə gi tɨ́ vəŋ laa, «Shɨꞌ mɔ́ꞌ nə ndɔ gə̀ shɨ tɔŋ ntaŋ, laa vɨ yoꞌ ŋwə shɔ yaa fwàŋ, buu ŋwə taa bəŋ jwi.

Lukas 22:9

Vəŋ bitə tɨ́ ŋwə laa ŋwə kəə laa vəŋ gə nàysə fə?

Lukas 8:10

Ŋwə gi tɨ́ vəŋ laa, «Nwi yɨ̀sə viŋ kɨɨ nə ŋiꞌ nu yifwàŋ ki. Vɨɨ mɔ́ꞌ zɔ ŋkə-vəŋ sheꞌ maa yigisə tii, laa vəŋ kɨ yɨye, kee ye me, zɨzɔ, kee kɨɨ nə ŋiꞌ ki me.

Akts 7:38

Luu sheꞌ Mose ghɔ́ faŋ ŋwə nə luu ghɔ vɨɨ Isirayl taa tɔɔ waꞌsə, shəŋtə vəŋ nə, faŋ ŋwə nə kòꞌ fuu baŋ Sinai, nshiiŋii Nwi gi tɨ́ ŋwə, ŋwə bəŋ siꞌ gə̀ nàysə tɨ́ vətɨɨ vaŋ-nsiŋ. Ŋwə nə fì yigisə Nwi kɔ̀ŋ məbwey, shɔ̀ɔsə tɨ́ nsiŋ.