Mark 10:2 - Vengo (Babungo)

² Vɨɨ fɨ taa nwaa vɨɨ Farisii jwi yɨ ŋwə, bìtə tɨ́ ŋwə laa, «Ŋkə kùꞌnə tɨ́ wəndɔŋ faŋ ŋwə tɨꞌ zu wi mu?» Vəŋ nə bìtə nu kɔ́ maa məmɔŋ Yeso.

Mark 10:2 Iomraidhean Croise

Matiu 15:12

Vɨɨ məzwetə nu ki jwi yɨ ŋwə, gì laa, «Maa a kɨɨ laa vɨɨ Farisii zɔ̀ yigisə yə, njyoꞌ vəŋ lia.»

Matiu 16:1

Vɨɨ Farisii ghɔ vɨ vɨɨ Sadusii jwi yɨ Yeso, mɔ̀ŋ ŋwə, gì laa ŋwə yɨ shwenə nu shuu yɔŋ mɔ́ꞌ faŋ ŋkə ndɔ̀ fɨ yizɔ, vəŋ ye.

Matiu 19:3

Vɨɨ Farisii jwi yɨ ŋwə, mɔ̀ŋ ŋwə nə yigi, gì laa, «Ŋkə kùꞌnə tɨ́ wə maa məjɔŋ zu wi buꞌ ntɔ nu tɨ̀ me ntɔ nu mu?»

Matiu 22:35

Wə muꞌ fɨ taa ŋwaa vəŋ faŋ lùu wuu mədeesə ŋwaꞌlə Nwi, mɔŋ ŋwə nə yigi, bìtə tɨ́ ŋwə laa,

Matiu 23:13

Yeso nə baa gì laa lee, «Ndwaŋ tɔ viŋ, vɨɨ mədeesə ŋwaꞌlə Nwi nə vɨɨ Farisii; viŋ lùu vɨɨ məboꞌ ŋwaa. Viŋ fəŋ shuu yifwàŋ fɨ yizɔ fɨ ghɔ vɨɨ. Nshɨ-tɔ wiŋ kee ŋìi shɔ me. Gə fɨ maa vɨɨ mbɨə faŋ vəŋ kəə ŋii shɔ, viŋ fəŋ vəŋ.

Matiu 9:34

Luu nə, vɨɨ Farisii gi ŋkə-vəŋ laa, «Kɔ fwàŋ vəzwitə vəbwəvə kɔ̀ wutə tɨ́ ŋwə maa məkɨ fuusə vəzwitə vəbwəvə.»

Mark 10:1

Yeso kɨ nii ndɔ̀ fɨ shɨ Galilii, gə̀ zìꞌ kwiŋ shɨ Judia, nə kwiŋ mɔ́ꞌ fɨ yiba muu mə Jordan. Vɨɨ vəyaŋ baa kɨ faynə yɨ ŋwə. Ŋwə deesə nu Nwi tɨ́ vəŋ yuu nə luu nshinə yi.

Mark 10:3

Ŋwə bəŋsə tɨ́ vəŋ, gì laa, «Mose nə sɔ̀ꞌ kɨkə tɨ́ viŋ taa ŋwaꞌlə Nwi?»

Mark 8:11

Vɨɨ fɨ taa nwaa vɨɨ Farisii fuu jwì nə yigi maa Yeso, kəə laa ŋwə də shwenə fɨ yizɔ, bitə nɨniŋ maa məmɔŋ ŋwə.

Mark 8:15

Fɨkɨꞌ, Yeso gi tɨ́ vəŋ laa, «Viŋ kɨ tɔfə, shiinə yiŋwaa fɨ maa nu ŋkɨə faŋ ŋkə ndɔ̀ fɨ taa nwaa vɨɨ Farisii nə fɨ taa nwaa vɨɨ Herod, faŋ ŋkə lùu yaa fa faŋ vɨ yaa kɨ kwaŋ taa bee, ŋkə mwà.»

Lukas 11:39

Tɨta Yeso gi tɨ́ ŋwə laa, «Aŋ viŋ, vɨɨ Farisii, viŋ sɔ ndawsə fɨ mbɨɨ yi nə vəkay, luu nə, fwi siŋ lwaŋ nə vənu vəbwəvə, nə mbeenə.

Lukas 16:14

Vɨɨ Farisii zɔ vənu vɔ́ vənshə, shìasə ŋwə, buꞌ laa vəŋ nə luu vɨɨ faŋ vəŋ kàw ka dɨdɨꞌ.

Lukas 5:30

Vɨɨ Farisii ghɔ vɨ vɨɨ mədeesə ŋwaꞌlə Nwi lulə tɨ́ vɨɨ məzwetə nu Yeso, gì laa, «Sii yɨ̀ kə viŋ duꞌ viŋ vɨ vɨɨ məsa vətɔ nə vəyɨ-kəbwə, viŋ vɨ vəŋ zɨ, ndɔ nu?»

Lukas 6:7

Vɨɨ mədeesə ŋwaꞌlə Nwi ghɔ vɨ vɨɨ Farisii nyɔꞌ maa məye laa Yeso taa shuꞌ wə ghɔ́ maa shi zwisə Nwi mu, yuu vəŋ shɔɔ fɨ fuŋ, kwaŋ ŋwə taa nsɔꞌ, gì laa ŋwə bɨ̀sə shi zwisə Nwi.

Lukas 7:30

Luu nə, vɨɨ Farisii ghɔ vɨ vɨɨ mədeesə ŋwaꞌlə Nwi nə twèy nu jəə ŋkɨə faŋ Nwi nùŋsə tɨ́ vɨɨ nə, buꞌ faŋ vəŋ nə kee fì muu fɨ ghɔ ŋwə me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:47

Vɨɨ məfeꞌ Nwi nə vɨɨ Farisii faynə taa ŋii məshia nsɔꞌsə, gì laa, «Nsiŋ yɨ kɨkə nə wə ŋwə̀ faŋ ŋwə yɨsə vəshwenə və shuu yɔŋvə vəyaŋ nee nə?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:57

Vɨɨ kwalə məfeꞌ Nwi, nə vɨɨ Farisii nə duꞌtə vəŋ gi ghee yaŋ laa, wə kɨ luu kɨ̀ɨ nə shəŋ ŋkɨə faŋ ŋwə lùu shɔ, wə ghɔ́ naysə, vɨ gə jia ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:32

Vɨɨ Farisii zɔ faŋ vɨɨ lulə kɔ̀ŋ yigisə Yeso yɔ́, vəŋ faynə ghɔ vɨ vɨɨ kwalə məfeꞌ Nwi, tɔ̀ŋ vɨɨ faꞌ vəŋ laa vɨ jia ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:48

Wə muꞌ lùu shɔ taa ŋwaa yia vɨɨ kwalə nə vɨɨ Farisii, faŋ ŋwə bìŋ ŋwə mu?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:6

Vəŋ nə gì nɨniŋ maa məzɔ nu ŋkɨə faŋ ŋwə taa gì, tɨ́ kaꞌ vəŋ shɔ̀ɔ fɨ fuŋ, kəə ŋwə nə nsɔꞌ. Yeso bəəsə tɔ ki nsi, kɨ nyɔꞌ nsi nə wee-ghɔ wi.

1 Kɔrintian 10:9

Nə luu maa yighee yɔ́, vɨɨ vəmɔ́ꞌ nəə mɔŋ Nwi maa məye nu ŋkɨə faŋ Nwi taa yɨsə. Buꞌ nɨniŋ, Nwi yɨsə zɔsə ndɔmə vəŋ, vəŋ kukə. Gə fɨ maa nsiŋ, kɨ nsiŋ mɔŋ Nwi me.