Mark 10:1 - Vengo (Babungo)

¹ Yeso kɨ nii ndɔ̀ fɨ shɨ Galilii, gə̀ zìꞌ kwiŋ shɨ Judia, nə kwiŋ mɔ́ꞌ fɨ yiba muu mə Jordan. Vɨɨ vəyaŋ baa kɨ faynə yɨ ŋwə. Ŋwə deesə nu Nwi tɨ́ vəŋ yuu nə luu nshinə yi.

Mark 10:1 Iomraidhean Croise

Matiu 26:55

Yeso kɨ nii gì tɨ́ nwaa vɨɨ vɔ́ laa, «Viŋ jwi nə vəbaꞌ nə mbaysə, jwi jia mə yaa viŋ jwi jia ndɔꞌ lee? Vəshi vəshi mə yaa duꞌ taa ŋii Nwi yikwalə, deesə shɔ, viŋ kee bee jìa mə me.

Matiu 4:23

Yeso kɨ nii toꞌ fɨ taa shɨ Galilii kənshə, deesə nu Nwi taa ndɔꞌ Nwi, fɨꞌtə ntɔŋ yijəə kɔ̀ŋ nu yifwàŋ yizɔ, shùꞌ vəza vənshə nə vəndoꞌ vənshə fɨ maa vɨɨ.

Mark 1:21

Yeso ghɔ vɨ vɨɨ vi vɔ́ kɨ nii gə̀ zìꞌ ntɨꞌ Kapernaum. Shi zwisə Nwi kuꞌ, Yeso gə taa ŋii məshɔꞌtə Nwi, deesə nu Nwi shɔ.

Mark 10:2

Vɨɨ fɨ taa nwaa vɨɨ Farisii jwi yɨ ŋwə, bìtə tɨ́ ŋwə laa, «Ŋkə kùꞌnə tɨ́ wəndɔŋ faŋ ŋwə tɨꞌ zu wi mu?» Vəŋ nə bìtə nu kɔ́ maa məmɔŋ Yeso.

Mark 12:35

Shi mɔ́ꞌ faŋ Yeso nəə deesə nu Nwi taa ŋii Nwi yikwalə, ŋwə nə gì laa, «Sii yɨ̀ kə, vɨɨ mədeesə ŋwaꞌlə Nwi gi laa, wuu məbweysə vɨɨ faŋ ŋwə ndɔ̀ fɨ ghɔ Nwi, lùu wee ŋiꞌ ŋii fwàŋ Deyvid?

Mark 14:49

Vəshi vəshi nsiŋ nə lùu taa ŋii Nwi yikwalə mɔ́ꞌ, mə deesə shɔ, viŋ kee jìa mə me. Luu nə, ŋkə gày nɨniŋ laa nu ŋkɨə faŋ vɨ nə nyɔ̀ꞌ taa ŋwaꞌlə Nwi faynə.»

Mark 2:13

Yeso baa kɨ nii fùu gə̀ mbɨɨ maghia. Vɨɨ vəyaŋ shəŋtə yɨ ŋwə. Ŋwə deesə nu Nwi tɨ́ vəŋ,

Mark 4:2

Ŋwə fɨꞌtə vənu vəyaŋ tɨ́ vəŋ maa yigisə tii, gì tɨ́ vəŋ laa,

Mark 6:2

Shi zwisə Nwi kuꞌ, ŋwə tey kɨ deesə nu Nwi taa ŋii məshɔꞌtə Nwi. Vɨɨ vəyaŋ faŋ vəŋ nə luu shɔ, zɔ, shuu vəŋ yɔŋ. Vəŋ gi laa, «Nu ki kə̀ sii ndɔ̀ fɨ fə? Kəŋ yitɔfə njyə faŋ vɨ kɔ̀ tɨ́ ŋwə nə, sii lùu yitɔfə yikə? Ŋwə yɨsə vənu və yifiŋtə və̀ nə ghɔ ghi kɨkə?

Mark 6:34

Nɨniŋ, Yeso kɨ fùu fɨ taa bay, yè ŋkee nwaa vɨɨ vəyaŋ, kèe gəŋsə vəŋ, buꞌ laa vəŋ nə luu yaa bisə-njɨɨ faŋ nsə kee kii nshii me. Ŋwə tey kɨ deesə vənu tɨ́ vəŋ ŋkee vəyaŋ.

Mark 6:6

Shuu Yeso yɔŋ, buꞌ faŋ vəŋ kee bìŋ nu Nwi me. Ŋwə kɨ nii gə̀ kɨ toꞌ fɨ taa vaŋ-ntɨꞌsə faŋ nsə kìa ntɨꞌ vəŋ, deesə nu Nwi tɨ́ vɨɨ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:40

Yeso kɨ nii bəŋ gə̀ tɔ̀ŋ muu mə Jordan, gə̀ zìꞌ maa shəŋ ŋkɨə faŋ Jɔn nə fɔŋ duꞌ shɔ, kɨ kɔ muu mə Nwi tɨ́ vɨɨ. Yeso gòꞌ yifi, shi shɔ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:7

buu gì tɨ́ vɨɨ məzwetə nu ki laa, «Nsiŋ bəŋ gə shɨ Judia.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:20

Yeso bəŋsə tɨ́ ŋwə laa, «Mə nəə gisə yigi nyaa ntee tɨ́ vɨɨ vənshə. Mə nəə deesə taa ndɔꞌ məshəŋtə ghiŋ, nə taa ŋii Nwi yikwalə, faŋ lùu shəŋ ŋkɨə faŋ vɨɨ Jus vənshə faynə shɔ. Mə nəə kee gisə fɨ taa vəndenə me.