Lukas 9:51 - Vengo (Babungo)

⁵¹ Yighee njyə faŋ Nwi nəə kəə ndì Yeso, koꞌsə ŋwə yizɔ, nə luu nshənə, Yeso tə sɨ maa məgə ntɨꞌ Jerusalem.

Lukas 9:51 Iomraidhean Croise

Mark 16:19

Faŋ tɨta Yeso nə gì yigi yɔ́ tɨ́ vəŋ metə, Nwi yɨsə ŋwə koꞌ gə̀ taa yizɔ, gə̀ dùꞌnə maa kwiŋ maꞌnə Nwi.

Lukas 12:50

Mə ndɔ ghaa fi muu mə Nwi məmɔ́ꞌ. Nu kɔ́ dɔŋsə mə laa mə gə mètə nu muu kɔ́.

Lukas 13:22

Yeso baa shɔɔ fɨ taa ntɨꞌsə nə məshɨ, toꞌ fɨꞌtə nu Nwi shɔ, toꞌ nɨniŋ maa məshɔɔ gə̀ zìꞌ Jerusalem.

Lukas 17:11

Yeso kii toꞌ fɨ jɨɨ, gə ntɨꞌ Jerusalem, shɔ̀ɔ fɨ nɨntəŋ məshɨ mə Samaria nə Galilii.

Lukas 18:31

Yeso kɨ nii ndì vɨɨ vi njɔsə-bɔɔ nə, ghɔ vɨ vəŋ shəŋtə. Ŋwə gi tɨ́ vəŋ laa, «Viŋ zɔ! Nsiŋ koꞌ gə Jerusalem ndwə. Nsiŋ taa ziꞌ shɔ, vənu vənshə faŋ nshiisə-ŋii sɔghɔ nə nyɔꞌ taa ŋwaꞌlə Nwi kɔ̀ŋ Wuu yinsəŋ Nwi, taa faynə, gay maa ŋwə.

Lukas 19:11

Nə luu maa yighee yɔ́ faŋ vɨɨ nə zɔ̀ yigisə yi yɔ́ nə, Yeso baa tìi yigisə tii yimɔ́ꞌ tɨ́ vəŋ. Vɨɨ vɔ́ nəə bɨꞌtə laa nu yifwàŋ Nwi yasə jɨjwi, buꞌ laa Yeso nə duꞌtə ŋwə zìꞌ nshənə fɨ ntɨꞌ Jerusalem.

Lukas 19:28

Faŋ Yeso nə gi nɨniŋ, shɔ̀ɔ kɨ gə nə vɨsɨ, koꞌ gə Jerusalem.

Lukas 24:51

Faŋ ŋwə nə tù mənɔŋ-bwaŋnə tɔ vəŋ nə, kɨ nii yindɔ fɨ yɨ vəŋ. Nwi koꞌsə ŋwə yizɔ.

Lukas 9:57

Vəŋ baa kii gə fɨ jɨɨ, wə mɔ́ꞌ jwi gì tɨ́ Yeso laa, «Mə taa kɨ beꞌsə ghɔ maa vəshəŋ vənshə faŋ a gə shɔ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:1

Shi zwisə Pasa nəə kəə kuꞌ, Yeso kɨɨ laa yighee yi maa məndɔ fɨ shɨ nsi, gə̀ yɨ Tii wi kùꞌnə. Ŋwə nə kàw vɨɨ vi faŋ vəŋ nə lùu taa mbi. Ŋwə nə kàw vəŋ mètə, də̀ ŋkawnə yi tɨ́ vəŋ tɨ́ nee:

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:28

Mə nə ndɔ̀ fɨ yɨ Tii ŋwaa, jwi mbi nyə̀. Nɨniŋ, mə baa mèꞌtə mbi nyə̀ ndwə, bə̀ŋ gə̀ yɨ Tii ŋwaa.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:5

Mə naysə vənu vɔ́ tɨ́ viŋ ndwə, buꞌ laa mə taa baa bəŋ gə yɨ Tii ŋwaa faŋ ŋwə nə tɔ̀ŋ mə mbi nyə̀. Nɨniŋ, tuu wə fɨ taa ŋwaa viŋ kee bitə laa mə sii gə fə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:11

Mə kee baa lùu taa mbi me, luu nə, vɨɨ vaŋ vɔ́ goꞌ taa mbi, faŋ mə jɨjwi yɨ ghɔ nə. Tɨta faŋ a bàw shɨlə, kɨ kɨꞌ vəŋ, vəŋ goꞌ maa yizii yə, faŋ a nə kɔ̀ shee nə, laa vəŋ luu fa kəmuꞌ, sheꞌ faŋ nsoo lùu fa kəmuꞌ nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:62

Viŋ sii taa gì laa kə, faŋ viŋ ye Wuu yinsəŋ Nwi ndɔ bəŋ koꞌ gə̀ shəŋ ŋkɨə faŋ ŋwə nə ndɔ̀ fɨ fuŋ?

Akts 1:2

ziꞌ maa shi ŋkɨə faŋ Nwi nə ndi ŋwə, kòꞌsə ŋwə yizɔ, tɨ́ ŋwə yaa tɨ vɨɨ ntɔŋsə vi faŋ ŋwə nə shoꞌ nə, fɨ taa Zwitə Ley Nwi.

Akts 1:9

Yeso gi nɨniŋ, Nwi kɨ nii ndì ŋwə, ŋwə koꞌ taa yizɔ, vəŋ nə ye. Mbɔꞌ kɨ nii ndì ŋwə, vəŋ kee baa ye ŋwə me.

Efesɔs 1:20

Ŋwə nə də̀ wutə ki kɔ́ mbɨɨ ŋwaa Kristo, faŋ ŋwə nə ywèysə ŋwə fɨ shɨ yiku, nùŋ ŋwə maa kwiŋ maꞌnə wi taa yizɔ.

Filipi 3:14

Mə taa kɔꞌ kɨ gɨgə vɨsɨ, luu ye ndwəsə shəŋ ŋkɨə faŋ mə tə̀ sɨ shɔ nə, tɨ́ kaꞌ mə ndɔ kii vəkeynə mbɨə faŋ Nwi nə tìi mə, laa mə ndɔ kii mbə taa nu yifwàŋ ki buꞌ Yeso Kristo.

1 Timoti 3:16

Nu məbəŋsə Nwi luu ŋkee nu kwalə, kaꞌ wə kee twey me, faŋ ŋkə kɔlə ndènə fɨ yikəꞌ vɨɨ nə. Nu kwalə kɔ́ lùu laa, «Wuu məbweysə ŋwaa-nsiŋ, nə gù wə, fùu yikəꞌ vɨɨ. Nu ki fuu kəloomə buꞌ Zwitə Ley ki. Nshiisə-ŋiisə Nwi ye ŋwə. Vɨɨ fɨꞌtə nu ki taa ŋwaa vɨɨ tətɔŋ fu. Vɨɨ fɨ taa mbi yinshə nuŋ fwisə vəŋ maa ŋwə. Nwi ndi ŋwə, koꞌ nə ŋwə taa yizɔ, yɨ̀sə ŋwə kwalə.»

Hibru 12:2

Bàw nsiŋ tə sɨ sheꞌ maa Yeso faŋ ŋwə nə ŋaꞌsə jɨɨ tɨ́ nsiŋ, tɨ́ kaꞌ nsiŋ nùŋ fwi saŋ-nsiŋ maa ŋwə. Ŋwə baa luu gaŋtə nsiŋ, tɨ́ kaꞌ nsiŋ kɨ gə nə vɨsɨ, kɨ bɨbiŋ nu ki, zìꞌ maa vəndwə. Ŋwə nə bìŋ maa məku ŋkee yiku tɔ dɨɨ fuu fəŋkɔꞌ fə ŋkɨꞌsə, kee shə̀ŋ maa nu tɔ dɨɨ kɔ́ me. Ŋwə nə tə̀ sɨ laa yi ndɔ kii məŋaytə ŋgwə faŋ Nwi nùŋsə tɨ́ ŋwə nə. Nɨniŋ, ŋwə dùꞌ fuu ŋkaw yifwàŋ maa kwiŋ maꞌnə Nwi ndwə.

Hibru 6:20

Lùu shəŋ ŋkɨə faŋ Yeso nə ŋìi shɔ ŋkəə, buu nshɨ-tɔ ŋwaa-nsiŋ ndɔ ŋii shɔ nɨzi. Yeso nə ŋìi shɔ tɔ yia yaa wuu kwalə məfeꞌ Nwi yaa Melkizedek. Ŋwə lùu wuu kwalə məfeꞌ Nwi ŋwaa-nsiŋ yighee muꞌ.

1 Pita 3:22

koꞌ gə̀ yizɔ, dùꞌ maa kwiŋ Nwi maꞌnə, kìi wutə kənshə, kɨ sɔꞌ ŋkee nshiisə-ŋiisə Nwi, nə vəzwitə məsɔꞌ mbi, nə vəzwitə vənshə faŋ mbə kìi wutə.