47 Yeso kɨɨ nə nu ŋkɨə faŋ vəŋ bɨꞌtə fɨ taa fwisə vəŋ nə, ndì weembwa wuubwa, nùŋ yɨ ŋwə,
Yeso zɔ nu kɔ́, ndɔ̀ fɨ yifi. Vɨɨ vəyaŋ beꞌsə ŋwə. Ŋwə shuꞌ vəza fɨ maa vəŋ vənshə,
Yeso kɨɨ nə nu ŋkɨə faŋ vəŋ nəə bɨꞌtə fɨ taa fwisə vəŋ nə, gì tɨ́ vəŋ laa, «Viŋ sii kitə nu bwə fɨ taa fwisə viŋ buꞌ kə?
Yeso nəə kɔꞌ kɨɨ nə mbɨꞌtə vəŋ, gì tɨ́ vəŋ laa, «Viŋ sii bɨ̀ꞌtə kə fɨ taa fwisə viŋ?
Yia kɔꞌ kɨɨ ndwə laa a kɨɨ nə vənu vənshə, nu kee ghɔꞌ ghɔ me. A kɨ̀ɨ nə vənu faŋ wə kəə bitə tɨ́ ghɔ. Nɨniŋ, yia biŋ laa a nə ndɔ̀ fɨ ghɔ Nwi.»
Nu nə kee ghɔ̀ꞌ ŋwə laa wə twelə ŋiꞌ wə tɨ́ ŋwə me. Ŋwə nə kɨ̀ɨ nə vənu vənshə faŋ mbə lùu taa fwi wə maa nshɨ-tɔ wi.
ndɔ̀ bàa kɨ bìtə tɨ́ ŋwə lwesə ghee tia laa, «Saymon, wee Jɔn, a kàw mə mu?» Ŋkə za Pita, buꞌ faŋ Yeso bìtə tɨ́ ŋwə ghee tia laa ŋwə kàw yi mu. Ŋwə gi tɨ́ Yeso laa, «Tɨta, a kɔꞌ kɨɨ nə vənu vənshə. A kɔꞌ kɨɨ laa mə kàw ghɔ.» Yeso gi tɨ́ ŋwə laa, «Kɨ kɨꞌ bisə-njɨɨ saŋ!
Vaŋ-nshwi vaŋ, kɨ viŋ kɨ bɨꞌtə vənu yuu vaŋmbwaa me. Nu ŋkɨə faŋ kaꞌ viŋ lùu yaa vaŋmbwaa, faŋ vəŋ kee ta weꞌ maa nu me, lùu maa məyɨsə vənu vəbwəvə. Bàw viŋ kee weꞌ maa kəŋ nu ghɔ́ me. Luu nə, bàw viŋ lùu yaa vɨɨ taa maa məbɨꞌtə vənu.
Fa kee lùu shɔ taa ŋwaa vətɔ faŋ Nwi nə bɔ̀ŋ, faŋ kaꞌ Nwi kee ye me. Vənu vənshə faŋ wə yɨsə, lùu ntee yikəꞌ Nwi, Nwi ye. Nsiŋ ndɔ tɨŋnə vɨsɨ ŋwə shi mɔ́ꞌ, fì tɔ kaŋ-nsiŋ buꞌ vənu vənshə faŋ nsiŋ nə yɨsə nə.
Mə taa zwilə vaŋ vi. Nɨniŋ laa vəməshəŋtə və vɨɨ Nwi vənshə taa kɨɨ laa mə lùu wə ntɨə faŋ mə kɨɨ nə mbɨꞌtə vɨɨ, baa nə nu ŋkɨə faŋ vəŋ kəə. Mə taa ndɔꞌ wə tɨ̀ me wə sheꞌ maa nu ŋkɨə faŋ ŋwə nə yɨ̀sə.