Lukas 9:44 - Vengo (Babungo)

⁴⁴ «Viŋ ndi yigi nyaa faŋ mə kəə gi tɨ́ viŋ ndwə, nùŋ taa fwisə viŋ. Viŋ zɔ! Vɨ ndɔ kɔ Wuu yinsəŋ Nwi taa ghɔ vɨɨ, vəŋ zwi ŋwə.»

Lukas 9:44 Iomraidhean Croise

Matiu 16:21

Shù fɨ maa yighee yɔ́, Yeso tey kɨ naysə tɨ́ vɨɨ məzwetə nu ki laa, nu ki lùu laa yi gə Jerusalem, yè ŋɨꞌ yiyaŋ fɨ ghɔ vəshɨꞌ, nə vɨɨ kwalə məfeꞌ Nwi nə vɨɨ mədeesə ŋwaꞌlə Nwi, vəŋ zwi yi. Vəshi kɨ ziꞌ vətia, yi ywey fɨ shɨ yiku.

Matiu 26:2

«Bàw viŋ kɨɨ laa gòꞌ vəshi vəbɔɔ, shi zwisə Pasa kùꞌ. Ndɔ luu maa yighee yɔ́, vɨ ndi Wuu yinsəŋ Nwi, bèy ŋwə fuu fəŋkɔꞌ fə ŋkɨꞌsə, ŋwə ku.»

Mark 8:31

Yeso kɨ nii tey kɨ deesə vɨɨ məzwetə nu ki laa Wuu yinsəŋ Nwi ndɔ ghaa ye ŋɨꞌ yiyaŋ. Vɨɨ ndɔ twey ŋwə, zwì ŋwə. Ŋkee vɨɨ taa fɨ taa ŋii Nwi ghɔ vɨ vɨɨ kwalə məfeꞌ Nwi nə vɨɨ mədeesə ŋwaꞌlə Nwi ndɔ twey ŋwə, zwì ŋwə. Luu nə, vəshi kɨ shɔɔ vətia, ŋwə baa ywèy fɨ shɨ yiku.

Mark 9:31

buꞌ laa ŋwə nəə deesə vɨɨ məzwetə nu ki, gì tɨ́ vəŋ laa, «Vɨ ndɔ kɔ Wuu yinsəŋ Nwi tɨ́ vɨɨ, vəŋ zwi ŋwə. Luu nə, vəshi kɨ shɔɔ vətia, ŋwə ywey.»

Lukas 1:66

Vɨɨ vənshə faŋ vəŋ nə zɔ̀ nu kɔ́ nə, nùŋ taa fwisə vəŋ, gì laa, wee ghɔ́ ndɔ kɨ gu wə luu kɨkə? Vəŋ nə gì nɨniŋ, buꞌ laa vəŋ nə ye laa wutə Nwi nə luu taa ŋwaa wee ghɔ́.

Lukas 18:31

Yeso kɨ nii ndì vɨɨ vi njɔsə-bɔɔ nə, ghɔ vɨ vəŋ shəŋtə. Ŋwə gi tɨ́ vəŋ laa, «Viŋ zɔ! Nsiŋ koꞌ gə Jerusalem ndwə. Nsiŋ taa ziꞌ shɔ, vənu vənshə faŋ nshiisə-ŋii sɔghɔ nə nyɔꞌ taa ŋwaꞌlə Nwi kɔ̀ŋ Wuu yinsəŋ Nwi, taa faynə, gay maa ŋwə.

Lukas 2:19

Meri ndi yigi yɔ́ yinshə, nùŋ taa fwi ŋwə, kɨ kwaꞌtə.

Lukas 2:51

Ŋwə kɨ nii ndɔ̀, ghɔ vɨ vəŋ siꞌ bəŋ gə Nazaret, ŋwə nə zɔnə vəŋ. Nshu wi nuŋsə vənu vɔ́ vənshə taa fwi ŋwə.

Lukas 24:44

kɨ nii gì tɨ́ vəŋ laa, «Maa yigisə nyaa, faŋ mə nə gì tɨ́ viŋ, faŋ nsiŋ nə luu mɔ́ꞌ nə, lùu laa vənu vənshə faŋ mbə lùu taa ŋwaꞌlə ntɨsə Mose, nə taa vəŋwaꞌlə və nshiisə-ŋii sɔghɔ, nə taa ŋwaꞌlə Sam, kɔ̀ŋ mə, ndɔ gay vənshə.»

Lukas 9:22

baa gì tɨ́ vəŋ laa, «Viŋ kɔꞌ kɨɨ laa nu Wuu yinsəŋ Nwi lùu laa ŋwə ndɔ ye ŋɨꞌ yiyaŋ. Vəshɨꞌ vaŋ-nsiŋ nə vɨɨ kwalə məfeꞌ Nwi, nə vɨɨ mədeesə ŋwaꞌlə Nwi ndɔ twey ŋwə, zwì ŋwə. Vəshi kɨ shɔ̀ɔ vətia, ŋwə ywey fɨ shɨ yiku.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:31

Yeso bəŋsə tɨ́ vəŋ laa, «Viŋ bìŋ ŋkee yinsəŋ mu?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:4

Mə naysə nu ŋɨꞌ kɔ́ tɨ́ viŋ laa, ŋkə taa gay, viŋ kɨ lumə laa mə nə nàysə tɨ́ viŋ laa ŋkə ndɔ gay nɨniŋ.» Yeso baa gì tɨ́ vəŋ laa, «Mə nə kee nàysə vənu vɔ́ tɨ́ viŋ shù fɨ nə faŋ nsiŋ nə tey kɨ duꞌ me, faŋ nsiŋ nəə shi mɔ́ꞌ nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:11

Yeso bəŋsə tɨ́ ŋwə laa, «Nə toꞌ maa kɔ Nwi kɔ̀ wutə kɔ́ tɨ́ ghɔ me, buu kaꞌ a kee kìi wutə tɔ mə me. Nɨniŋ, nu bwə wə ntɨə faŋ ŋwə nii kɔ̀ mə tɨ́ ghɔ nə, shɔɔ ŋkɨə faŋ yɨ̀ ghɔ.»

Akts 2:23

Nwi nə duꞌtə Nwi nuŋsə taa ŋkɨɨ Nwi laa, vɨ kɔ̀ Yeso tɨ́ viŋ, viŋ yɨ laa vɨɨ faŋ vəŋ kee kɨɨ nə ntɨsə Nwi me, bey ŋwə fuu fəŋkɔꞌ fə ŋkɨꞌsə, zwi ŋwə shɔ.

Hibru 2:1

Faŋ ŋkə lùu nɨniŋ nə, bàw nsiŋ ywiitə yigi njyə faŋ nsiŋ nə zɔ̀ nə, tɨ́ kaꞌ nsiŋ kee ndì jɨɨ me, buꞌ faŋ nsiŋ kee nùŋ tɔ shɔ nə me.