Lukas 9:26 - Vengo (Babungo)

²⁶ Viŋ zɔ! Wə ntɨə faŋ tɔ ki dɨɨ buꞌ mə, baa nə yigisə nyaa, buu tɔ kaŋ ndɔ dɨɨ maa ŋwə nɨzi, maa yighee njyə faŋ mə ndɔ jwi nə yikwalə nyaa nə njyə Tii ŋwaa, baa nə njyə nshiisə-ŋiisə Nwi səleysə.

Lukas 9:26 Iomraidhean Croise

Matiu 16:27

Viŋ zɔ! Wuu yinsəŋ Nwi ndɔ baa jwì nə yikwalə Tii wi, ghɔ vɨ nshiisə-ŋiisə Nwi. Ŋwə ndɔ bəŋsə nu ŋkɨə faŋ vɨɨ nə yɨ̀sə, tɨ́ vəŋ tɔ tɔ.

Matiu 25:31

Yeso nə baa gì laa, «Ndɔ luu maa yighee njyə faŋ Wuu yinsəŋ Nwi ndɔ bəŋ jwì nə feenə wi ghɔ vɨ nshiisə-ŋiisə Nwi sənshə, buu ŋwə taa duꞌ fuu ŋkaw yifwàŋ ki, vɨ kɨ gwenə ŋwə yaa fwàŋ.

Matiu 26:64

Yeso gi tɨ́ ŋwə laa, «Gì ghɔ nɨniŋ. Mə naysə tɨ́ viŋ ntee laa, shù ndee viŋ ndɔ ye Wuu yinsəŋ Nwi faŋ ŋwə dùꞌ maa kwiŋ maꞌnə Nwi faŋ ŋwə kìi wutə kənshə. Viŋ ndɔ baa ye ŋwə faŋ ŋwə jɨjwi fɨ fuu mbɔꞌ fɨ taa yizɔ.»

Mark 8:38

Kɨ ghaŋ tɔ wə dɨɨ maa Wuu yinsəŋ Nwi nə mədeesə wi taa mbi yibwə nyə̀, buu tɔ ki ndɔ dɨɨ maa wə ghɔ́ nɨzi maa yighee njyə faŋ ghɔ vɨ nshiisə-ŋiisə Nwi ndɔ jwi mɔ́ꞌ taa nu yifwàŋ Nwi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:43

Vəŋ nə kàw maa məmwa yikəꞌ vɨɨ, shɔ̀ɔ maa məmwa yikəꞌ Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:44

Sii kaꞌ viŋ bìŋ nu Nwi kɨkə, faŋ viŋ kəə sheꞌ laa vaŋ-nshwi viŋ kɨ kɔ məbəŋsə tɨ́ viŋ. Viŋ kee kəə məbəŋsə fɨ ghɔ Nwi me, faŋ Nwi lùu shɔ sheꞌ ŋwə muꞌ. Lùu ŋiꞌ nu ŋkɨə faŋ kaꞌ viŋ kee bìŋ mə me.

Akts 10:22

Vəŋ bəŋsə tɨ́ ŋwə laa, «Tɔŋ Kɔrniliɔs, tɨɨ vəsogeꞌ, wə faŋ ŋwə fee Nwi, tɔ̀ŋ yia. Jɨɨ yi lùu yiloomə. Vɨɨ vənshə fɨ shɨ Judia gisə jəə buꞌ ŋwə. Nshiiŋii Nwi fùu yikəꞌ ŋwə, gì tɨ́ ŋwə laa ŋwə tii ghɔ, laa a jwi taa ŋii ŋwə, ŋwə taa zɔ nu ŋkɨə faŋ a taa gi tɨ́ ŋwə.»

Roma 1:16

Tɔ kaŋ kee dɨdɨɨ maa ntɔŋ yijəə Nwi yɔ́ me, buꞌ laa lùu nu wutə Nwi, faŋ ŋkə kɔ məbwey vəlwaŋ tɨ́ vɨɨ mbɨə faŋ vəŋ nùŋ fwisə vəŋ maa Kristo, zì fɨ maa vɨɨ Jus, gə kɔ tɨ́ vɨɨ tɔmə day.

2 Kɔrintian 12:10

Lùu nu ŋkɨə faŋ mə ŋaytə shɔ, faŋ mə bəə ŋay, tɨꞌnə me faŋ vɨ sàŋ mə, nə faŋ vɨ yɨnə mə, tɨꞌnə me shoꞌ ghuu ŋaa, nə faŋ mə ye ŋɨꞌ buꞌ nu Kristo, fɔnə mə bəə ŋay, buu mə weꞌ.

Galatia 6:14

Gə fɨ maa mə, luu sheꞌ fa kəmuꞌ faŋ kaꞌ ŋkə yɨsə mə koꞌsə ŋwaa; fa kɔ́ lùu fəŋkɔꞌ fə ŋkɨꞌsə fə tii ŋwaa-nsiŋ Yeso Kristo, faŋ ŋkə yɨsə laa vənu və mbi nyə̀ kukə sɨ mə. Mə kee shi mbi buꞌ vənu vɔ́ me.

1 Timoti 5:21

Mə naysə tɨ́ ghɔ ŋkee nə wutə vɨsɨ Nwi nə Yeso Kristo nə nshiisə-ŋiisə Nwi, faŋ Nwi nə shoꞌ vəŋ nə, laa a kɨ yɨsə nu kɔ́ nɨniŋ. Kaa kɨ bɨbɨꞌtə me, kee kɨ yɨ nu maa fəntɔ fə yisɨ me.

2 Timoti 1:12

Lùu ŋiꞌ nu ŋkɨə faŋ mə ye ŋɨꞌ shɔ ndwə nə. Luu nə, tɔ kaŋ kee dɨdɨɨ me, buꞌ laa mə kɔꞌ kɨɨ nə wə ntɨə faŋ mə nùŋ fwi nyaa maa ŋwə nə, baa kɨ̀ɨ yinsəŋ laa wutə ki kùꞌnə maa məshiinə nu ŋkɨə faŋ Nwi nə nùŋsə shee, gə ziꞌ maa shi ŋkɨə faŋ ŋwə ndɔ kɔ tɨ́ mə.

2 Timoti 2:12

Nsiŋ kɨ luu jìa fwi taa ŋɨꞌ, buu nsiŋ vɨ vəŋ ndɔ kɨ sɔꞌ mbi mɔ́ꞌ. Kɨ luu nsiŋ twey ŋwə, buu ŋwə ndɔ twey nsiŋ nɨzi.

Hibru 11:26

Ŋwə nə ndì yaa yinsəŋ laa, kɨ luu yi ye ŋɨꞌ buꞌ vɨɨ Nwi, buu ŋkə taa baw tɨ́ ŋwə, shɔ̀ɔ faŋ ŋwə kìi yifwàŋ yinshə fɨ shɨ Ijip, sheꞌ faŋ Kristo nə mèꞌtə məbaw wi yɨ Nwi, jwì yè ŋɨꞌ shɨ nsi, kù fuu fəŋkɔꞌ nə. Mose nə yɨ̀ nɨniŋ, buꞌ laa ŋwə nə tə̀ sɨ ghi sheꞌ maa vəkeynə mbɨə faŋ mbə ndɔ jwi fɨ ghɔ Nwi.

Hibru 13:13

Nɨniŋ, bàw nsiŋ ndɔ meꞌtə shiŋii, beꞌsə ŋwə fu, baa luu bìꞌ fɨ maa tɔ dɨɨ ki.

Ŋwaꞌlə Jud 1:14

Ŋkee fɨshi, Enok, faŋ lùu vəshiŋ və vɨɨ lwesə kwatia fɨ ghɔ Adam, nə gì nu ŋkɨə faŋ Nwi nə kwàŋ taa fwi ŋwə kɔ̀ŋ vɨɨ vì. Ŋwə nə gì laa, «Viŋ zɔ! Tɨta Nwi ndɔ jwi nə vɨɨ ley vi, vəmalia vəmalia,

Reveleyshən 1:7

Viŋ zɔ! Kristo ndɔ bəŋ jwi fɨ taa mbɔꞌ, vɨɨ vənshə ye ŋwə nə sɨ vəŋ. Ŋkee vɨɨ mbɨə faŋ vəŋ nə zwì ŋwə nə, ndɔ ye ŋwə nɨzi. Ŋiꞌ ŋii tɨ̀ me ŋiꞌ ŋii fɨ taa mbi ndɔ gwia buꞌ ŋwə. Ɔŋ, lùu faŋ ŋkə ndɔ luu. Ŋkə gòꞌsə nee.

Reveleyshən 20:11

Mə baa kɨ nii yè kenə kwalə kəfusə nə wə faŋ ŋwə dùꞌ fuu yi, nsi nə yizɔ nyɨŋ fɨ yikəꞌ ŋwə. Shəŋ nə kee baa lùu shɔ, tɨ́ kaꞌ nsi ghɔ yizɔ dùꞌ shɔ me.

Reveleyshən 21:8

Gə̀ fɨ maa vɨɨ mbɨə faŋ vəŋ nyɨŋkə, baa twey nu Kristo, nə vɨɨ məyɨ vənu vəbwəvə, nə vɨɨ məzwilə vɨɨ, nə vɨɨ mətii vəki, nə vɨɨ vəfɔ vəbwəvə, nə vɨɨ məbiŋ vənwi vədayday, nə vɨɨ təba vənshə, shəŋ vəŋ luu shəŋ ŋkɨə faŋ wisə bii fɨ fuŋ, lumə ki zwilə vɨɨ, faŋ lùu shəŋ yiku lwesə ghee bɔɔ.»

Reveleyshən 3:5

Wə ntɨə faŋ ŋwə tɨ̀ŋnə, wèꞌ maa nu kaŋ, kɨ ghɔꞌ nu bwə, buu vɨ ndɔ mɔꞌ njwisə fusə maa ŋwə. Mə nyɔꞌ yizii yi taa ŋwaꞌlə məbwey vəlwaŋ, kee ndɔ baa ndɨɨsə me. Mə biŋ yizii yi vɨsɨ Tii ŋwaa, baa nə vɨsɨ nshiisə-ŋiisə Nwi.»