Lukas 9:19 - Vengo (Babungo)

¹⁹ Vəŋ bəŋsə tɨ́ ŋwə laa, «Vɨɨ mɔ́ꞌ gisə laa a luu Jɔn, wuu məkɔ muu mə Nwi. Vəmɔ́ꞌ laa a luu Elias. Vəmɔ́ꞌ laa a lùu fɨ maa nshiisə-ŋii sɔghɔ mbə ywaŋ-vɨsɨ, faŋ ŋwə ywèy fɨ shɨ yiku.»

Lukas 9:19 Iomraidhean Croise

Matiu 14:2

gi tɨ́ nshiisə-ŋii si laa, «Luu Jɔn, wuu məkɔ muu mə Nwi nə, faŋ ŋwə ywèy fɨ shɨ yiku. Lùu nu ŋkɨə faŋ ŋkə yɨ̀ buu ŋwə kii wutə kɔ́ maa məfaꞌ vənu vəkwalə vɔ́.»

Matiu 3:1

Nə luu maa ŋuꞌsə mbi sɔ́, Jɔn, wuu məkɔ muu mə Nwi, fuu kɨ fɨꞌtə nu Nwi tɔɔ waꞌsə,

Mark 6:14

Fwàŋ Herod nə zɔ̀ vənu və Yeso, buꞌ faŋ vɨ nə duꞌtə vɨ kɨɨ nə Yeso dɨdɨꞌ. Ŋwə gi laa Yeso luu sheꞌ Jɔn, wuu məkɔ muu mə Nwi, faŋ ŋwə ywèy fɨ shɨ yiku, baa nə laa lùu ŋiꞌ nu ŋkɨə faŋ wutə ki faꞌ fɨ maa ŋwə tɨ́ nee.

Mark 6:15

Vɨɨ mɔ́ꞌ nə gì laa Yeso lùu Elias. Vɨɨ mɔ́ꞌ laa ŋwə lùu nshiiŋii-sɔghɔ faŋ ŋwə lùu ŋkee yaa nshiisə-ŋii sɔghɔ vəmwavə.

Lukas 9:18

Shi mɔ́ꞌ Yeso nə dùꞌ shəŋ mɔ́ꞌ sheꞌ ghɔ vɨ vɨɨ məzwetə nu ki, shɔꞌtə Nwi. Ŋwə shɔꞌtə Nwi mètə, bìtə tɨ́ vəŋ laa, «Vɨɨ sii gisə laa mə lùu ndə?»

Lukas 9:20

Ŋwə baa bìtə tɨ́ vəŋ laa, «Gə fɨ maa viŋ, viŋ gì ŋkiŋ laa mə lùu ndə?» Pita gi laa, «A luu Kristo, Wee Nwi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:21

Vəŋ bitə tɨ́ ŋwə laa, «A kee luu Kristo ghɔ́ me, buu a lùu ndə? A luu Elias mu?» Ŋwə bəŋsə laa bey. Vəŋ laa ŋwə lùu nshiiŋii-sɔghɔ wì, faŋ vɨ kɨꞌ ŋwə nə mu? Ŋwə laa bey.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:25

Vəŋ baa bìtə tɨ́ ŋwə laa, «Sii yɨ kə, a kɔ muu mə Nwi tɨ́ vɨɨ, faŋ a kee lùu Kristo ghɔ́ me, tɨꞌnə me lùu Aysaya me, tɨꞌnə me lùu nshiiŋii-sɔghɔ wì me?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:40

Vɨɨ vəmɔ́ꞌ faŋ vəŋ nə zɔ̀ yigi yɔ́, gi laa, «Yinsəŋ, lùu nshiiŋii-sɔghɔ wì, faŋ nsiŋ kɨꞌ ŋwə nə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:17

Vəŋ bitə tɨ́ wə ghɔ́ faŋ sɨ ghi nə fɨ̀ nə, laa ŋwə gì ŋkii laa kə, laa wə ntɨə faŋ ŋwə yɨsə sɨ ghi yenə nə, lùu kɨkə? Wə ghɔ́ gi laa lùu nshiiŋii-sɔghɔ.