Lukas 9:12 - Vengo (Babungo)

¹² Fu kɨ laynə vɨɨ vi njɔsə-bɔɔ jwi yɨ ŋwə, gì tɨ́ ŋwə laa ŋwə yɨsə nwaa vɨɨ vɔ́ saykə, gə̀ taa ntɨꞌsə faŋ nsə kìa shəŋ kɔ́, tɨꞌnə me taa təfu tə tɔɔ, gə kə̀ə vəshəŋ vəshivə nə fazɨ, buꞌ laa shəŋ kɔ́ nə luu shəŋ nɔŋ-nɔŋ.

Lukas 9:12 Iomraidhean Croise

Matiu 14:13

Yeso zɔ nu kɔ́, ndɔ̀ ŋìi bay, tɔ̀ŋ muu, gə njɨɨ yi maa shəŋ vəndenə sheꞌ ghɔ vɨ vɨɨ vi. Vɨɨ vəyaŋ zɔ, fùu fɨ taa ntɨꞌsə vəŋ, beꞌsə ŋwə fɨ ghuu mbɔꞌ muu.

Matiu 15:23

Yeso kee bə̀ŋsə tuu nu tɨ́ ŋwə me. Vɨɨ məzwetə nu ki shəŋtə jwì yɨ ŋwə, bùꞌ ghɔ tɨ́ ŋwə laa ŋwə gi wəzwi ghɔ́ gə, buꞌ laa ŋwə toꞌ yumə fɨ jɨŋ vəŋ.

Matiu 15:32

Yeso tii vɨɨ məzwetə nu ki, vəŋ shəŋtə jwi yɨ ŋwə. Ŋwə gi tɨ́ vəŋ laa gəŋsə koo yi maa nwaa vɨɨ vɔ́, buꞌ laa vəŋ tay yɨ yi, ndwə lùu vəshi vətia, fazɨ kee lùu shɔ ghɔ vəŋ me. Mə kee kàw mèꞌtə vəŋ gə, maa laa vəŋ zɨ̀ fa me, buꞌ jɨŋ taa zwilə vəŋ jɨɨ.

Lukas 9:11

Vɨɨ vəyaŋ zɔ, bèꞌsə ŋwə. Ŋwə biŋ laa vəŋ ziꞌ yɨ ŋwə, gì tɨ́ vəŋ kɔ̀ŋ nu yifwàŋ Nwi, fùusə vəza fɨ maa vɨɨ mbɨə faŋ vəŋ nəə zɨzasə.

Lukas 9:13

Ŋwə gi tɨ́ vəŋ laa, ŋkə bàw laa vəŋ kɔ fazɨ tɨ́ vɨɨ vɔ́. Vəŋ bəŋsə tɨ́ ŋwə laa, «Yia kii sheꞌ yighɨsə bee tee, nə susə səbɔɔ. A kəə laa yia gə ywàŋ fazɨ tɨ́ vɨɨ və̀ vənshə lee?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:1

Yiŋkii kɨ shɔɔ, Yeso ndɔ tɔŋ gə̀ njɨɨ maghia Galilii faŋ lùu maghia Tiberiɔs.

Filipi 1:19

buꞌ laa mə kɔꞌ kɨɨ laa məshɔꞌtə wiŋ, faŋ viŋ shɔꞌtə Nwi tɔ mə nə, baa nə ŋgaŋtə njyə faŋ Zwitə Yeso Kristo kɔ shee, taa yɨ laa nsɔꞌ nyaa fuu sheꞌ yijəə tɨ́ mə.