Lukas 8:3 - Vengo (Babungo)

³ nə Joana, zu Shusa faŋ nə luu wuu məndeynə vətɔ və fwàŋ Herod, nə Susana, nə vəki vəmɔ́ꞌ vəyaŋ. Vəki vɔ́ gaŋtə Yeso nə vɨɨ vi nə vətɔ vəvəŋ.

Lukas 8:3 Iomraidhean Croise

Matiu 14:1

Kɨ luu sheꞌ maa yighee yɔ́, fwàŋ Herod zɔ kɔ̀ŋ vənu və Yeso,

Matiu 14:3

Ŋwə nə gì nɨniŋ, buꞌ laa nshɨ-tɔ fwàŋ Herod nə jia Jɔn, kwàŋ taa ŋii mfiŋ, buꞌ nu Herodias, zu weenshu wi Filip.

Matiu 14:6

Luu nə, faŋ shi məbi Herod nə kùꞌnə, wee Herodias bəŋ bəŋ vɨsɨ vɨɨ, ŋkə baw too fwàŋ Herod.

Matiu 2:11

shɔɔ gə̀ ŋìi taa ŋii yɔ́, yè wee ghɔ́ ghɔ nshu wi Meri. Vəŋ guŋnə nsi, bə̀ŋsə wee ghɔ́, keꞌtə vətɔ vəvəŋ, kèy wee ghɔ́ nə goolə, baa nə ndiŋ, nə məŋgwə mə lamenda (faŋ nə luu ŋkee vətɔ və shwaŋ ndɔŋnə.)

Matiu 20:8

Kɨ lùu laynəfu, tɨɨ faꞌ ghɔ́ gi tɨ́ nshiiŋii yi laa ŋwə tii vɨɨ faꞌ vɔ́, ndɔ̀ꞌ vəŋ, tèy fɨ maa vɨɨ mbɨə faŋ vəŋ nə jwì fɨ yiba, gə kɔ tɨ́ vɨɨ vənzi.

Matiu 25:40

Fwàŋ taa bəŋsə tɨ́ vəŋ laa, «Viŋ zɔ! Mə naysə tɨ́ viŋ yinsəŋ laa, nu ŋkɨə faŋ viŋ nə yɨ̀ ŋkee maa wuu tɨtiꞌ fɨ taa ŋwaa vaŋ-nshwi vaŋ, viŋ yɨ̀sə lùu maa mə.»

Matiu 26:11

Maa viŋ vɨ mbəəsə lùu ghee nshə. Luu nə, nsiŋ kee taa luu mɔ́ꞌ ghee nshə me.

Matiu 27:55

Vəki nə luu shɔ vəyaŋ faŋ vəŋ nə bèꞌsə Yeso shù fɨ shɨ Galilii, toꞌ faꞌ tɨ́ ŋwə. Vəŋ nə tɨ̀ŋ ntaŋ, kɨ ye.

Lukas 24:10

Vəki vɔ́ nə luu Meri Madalin, nə Joana, nə Meri nshu Jeyms, baa nə vəki vəmɔ́ꞌ faŋ ghɔ vɨ vəŋ nə luu mɔ́ꞌ. Vəŋ naysə vənu vɔ́ tɨ́ vɨɨ ntɔŋ Yeso,

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:6

Faŋ ŋwə nə gì nɨniŋ nə, kee gi buꞌ mbəəsə faŋ ŋwə kee gəŋsə vəŋ me. Ŋwə nə gì nɨniŋ, buꞌ laa ŋwə nə luu ndɔꞌ. Ŋwaꞌ ka vəŋ nəə toꞌ fɨ ghɔ ŋwə nɨzi, ŋwə yaa kɨ fuusə fɨ fuŋ, faŋ wə kee yikɨɨ me.

Akts 13:1

Nshiisə-ŋii sɔghɔ nə vɨɨ mədeesə nu Nwi nə luu shɔ taa məshəŋtə vɨɨ Kristo ntɨꞌ Antiɔk. Nə luu Barnabas nə Saymon faŋ vɨ nə shù yizii yi nə Wuu-fəŋ, nə Lusiɔs fɨ Kirene, nə Manaen faŋ ŋwə nə tà ghɔ fwàŋ Herod, baa nə Sɔɔl.

2 Kɔrintian 8:9

Viŋ kɔꞌ kɨɨ faŋ tɨta ŋwaa-nsiŋ Yeso Kristo nə kèe gəŋ siŋ nə. Faŋ ŋwə nə kɔlə kìi vətɔ vənshə, ŋwə kiasə gù mbəə buꞌ viŋ, laa bəə ki kɔ́ yɨsə viŋ kii vətɔ vənshə.

Filipi 4:22

Vɨɨ ley Nwi vənshə fɨ feenə shɔꞌtə viŋ. Ŋkee vɨɨ mbɨə faŋ vəŋ shi ntoꞌ fwàŋ Kaysa, faŋ lùu vɨɨ Kristo, shɔꞌtə viŋ nɨzi.

1 Timoti 5:10

Bàw vɨ kwaŋ yizii yi faŋ vɨɨ biŋ ŋwə laa ŋwə nəə yɨsə vənu vəjəəvə, kɨꞌ vaŋmbwaa, baa fisə vəndɔ taa ŋii ŋwə, sɔ ghuu vɨɨ ley Nwi, gaŋtə vɨɨ ŋɨꞌ, yɨsə vənu vəjəəvə vənshə.