Lukas 8:25 - Vengo (Babungo)

²⁵ Ŋwə gi tɨ́ vəŋ laa, «Viŋ kee nùŋ fwi siŋ maa Nwi yimu?» Vəŋ fee. Shuu vəŋ yɔŋ. Vəŋ gi wə nə wə laa, «Sii bee lùu ndə nə, faŋ ŋwə sɔꞌ fɨɨ nə muu, mbə zɔnə ŋwə?»

Lukas 8:25 Iomraidhean Croise

Matiu 14:31

Yeso nesə ghɔ ki yighee muꞌ, jia ŋwə, gì tɨ́ ŋwə laa, «A kee nùŋ fwi yə maa Nwi yimu? Sii yɨ̀ kə buu a fee?»

Matiu 17:20

Ŋwə gi tɨ́ vəŋ laa, «Luu buꞌ faŋ viŋ kee nùŋ fwi maa Nwi, wèꞌ shɔ me. Viŋ zɔ! Mə naysə tɨ́ viŋ yinsəŋ laa, viŋ nii toꞌ nùŋ fwi maa Nwi sheꞌ tɨtiꞌ, sheꞌ yaa mfɨꞌ ŋɨꞌ fulɨsɨgaa, buu kaꞌ viŋ gì tɨ́ baŋ nyə̀ laa nyə muꞌnə gə̀ maa shəŋ kɨkee, buu nyə taa ndɔ yɨ nɨniŋ. Sheꞌ nɨniŋ, kaꞌ nu kee baa ghɔ̀ꞌ viŋ me.

Matiu 6:30

Nɨniŋ, faŋ Nwi mɔꞌ ŋkee njwisə jəəsə maa təgay fɨ taa tɔɔ nə, faŋ lùu ndee, fu taa kɨ lee, vɨ ndì maa ŋkɔꞌ, twaŋ, maa kɨ kaꞌ Nwi kɨ mɔꞌ njwisə maa viŋ shɔɔ yinsii.

Matiu 8:10

Yeso zɔ yigi yɔ́, shuu wi yɔŋ. Ŋwə gi tɨ́ vɨɨ mbɨə faŋ vəŋ nəə beꞌsə ŋwə laa, «Viŋ zɔ! Mə naysə nu yinsəŋ tɨ́ viŋ laa mə kee ta yè wə shɨ Isirayl faŋ ŋwə nùŋ fwi yi maa Nwi yaa wə ŋwə̀ me.

Matiu 8:26

Ŋwə gi tɨ́ vəŋ laa, «Viŋ sii fee kə nee? Sii yɨ̀ kə viŋ kee nùŋ fwi maa Nwi me?» Ŋwə kɨ nii ndɔ̀ fɨ nsi, shə̀ tɨ́ fɨŋ kɔ́ nə tɨ́ muu mbɔ́, vədɨꞌ shɨnə laa twiaa.

Mark 4:35

Kɨ luu laynəfu shi kɔ́, Yeso gi tɨ́ vɨɨ məzwetə nu ki laa, «Nsiŋ tɔŋ gə njɨɨ muu!»

Lukas 12:28

Faŋ ŋkə lùu nɨniŋ, laa Nwi mɔꞌ kəŋ njwisə sɔ́ maa təgay fɨ taa gay, faŋ lùu ndwə, fu taa lee, vɨ ndi twàŋ maa ŋkɔꞌ, maa kaꞌ ŋwə mɔ̀ꞌ maa viŋ shɔ̀ɔ nɨniŋ. Aŋ viŋ vɨɨ faŋ məbiŋ wiŋ luu ŋkee tɨtiꞌ.

Lukas 8:24

Vɨɨ məzwetə nu Yeso gə yə̀ŋ ŋwə fɨ mbweysə, gì laa, «Tɨta, tɨta, nsiŋ taa ndi!» Ŋwə yenə fɨ mbweysə, ndɔ̀ yizɔ, shə̀ tɨ́ fɨŋ kɔ́ nə tɨ́ vəba və muu, mbə bwa, vədɨꞌ zu.

Lukas 8:26

Yeso ghɔ vɨ vɨɨ məzwetə nu ki tɔŋ muu, gə̀ zìꞌ shɨ Gerasa, faŋ ŋkə bɔ̀ŋsə vɨsɨ shɨ Galilii nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:40

Yeso gi tɨ́ ŋwə laa, «Maa mə nii gì tɨ́ ghɔ laa a nùŋ fwi maa mə, buu a taa ye yikwalə Nwi.»