Lukas 8:18 - Vengo (Babungo)

¹⁸ Viŋ kɨ tɔfə faŋ viŋ zɔ yigisə nyaa nə. Wə ntɨə faŋ ŋwə kìi, vɨ ndɔ kuꞌsə tɨ́ ŋwə, ŋwə baa kìi shɨshɔɔ. Wə ntɨə faŋ ŋwə kee yikii me, vɨ ndɔ fɨfi ŋkee tɨtiꞌ ŋgwə faŋ ŋwə kii fɨ ghɔ ŋwə.»

Lukas 8:18 Iomraidhean Croise

Matiu 13:12

Wə ntɨə faŋ ŋwə kìi, vɨ ndɔ kuꞌsə tɨ́ ŋwə, ŋwə baa kìi shɨshɔɔ. Wə ntɨə faŋ ŋwə kee yikii me, vɨ ndɔ fɨfi ŋkee tɨtiꞌ ŋgwə faŋ ŋwə kìi fɨ ghɔ ŋwə.

Matiu 25:29

Nɨniŋ laa wə ntɨə faŋ ŋwə kìi, vɨ taa kùꞌsə tɨ́ ŋwə, ŋwə kɨ nii kìi kəyaŋ. Gə fɨ maa wə ntɨə faŋ ŋwə kee yikii me, ŋkee fa ŋkɨə faŋ ŋkə lùu ghɔ ŋwə, vɨ fi.

Mark 13:14

Yeso baa gì laa, «Viŋ zɔ! Yighee njyə faŋ viŋ ndɔ ye ŋkee fa bwə faŋ ŋkə bɨsə shəŋ ley, tɨŋnə shəŋ ŋkɨə faŋ ŋkə kee bàw laa ŋkə tɨŋnə shɔ me, bàw vɨɨ mbɨə faŋ vəŋ lùu shɨ Judia nyɨŋkə, gə̀ ndènə taa təkweꞌ! Wə faŋ ŋwə tii shəŋ ŋwaꞌlə kə̀, kwaꞌtə tɔ ki, kɨ kɨɨ nə ŋiꞌ ki.

Lukas 19:26

Ŋwə gi laa, «Mə naysə tɨ́ viŋ laa, wə tɨ̀ me wə faŋ ŋwə kìi, vɨ ndɔ kuꞌsə tɨ́ ŋwə. Gə fɨ maa wə ntɨə faŋ ŋwə kee yikii me, ŋkɨə faŋ ŋwə kìi, vɨ ndɔ fi fɨ ghɔ ŋwə.

Lukas 9:44

«Viŋ ndi yigi nyaa faŋ mə kəə gi tɨ́ viŋ ndwə, nùŋ taa fwisə viŋ. Viŋ zɔ! Vɨ ndɔ kɔ Wuu yinsəŋ Nwi taa ghɔ vɨɨ, vəŋ zwi ŋwə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:2

Ntaŋ tɨ̀ me ntaŋ faŋ ŋwə kee kwaanə vətaŋ me, buu vɨ taa fà ntaŋ ghɔ́, mèꞌ. Gə̀ fɨ maa ntaŋ faŋ ŋwə kwaanə jəə, ŋwə baa fìi, tɨ́ kaꞌ vətaŋ kɨ kwaanə shɔ jəə.

Akts 10:33

Nɨniŋ, mə tɔ̀ŋ ntɔŋ tɨ́ ghɔ yighee muꞌ. A yɨsə jəə faŋ a jwì nə. Yia vənshə baytə feenə ndwə vɨsɨ Nwi, kɨꞌ maa məzɔ nu ŋkɨə faŋ Mɔꞌmbi tɔ̀ŋ ghɔ nə ŋkə.»

Akts 17:11

Vɨɨ fɨ ntɨꞌ Berea nə kii fwisə jəəsə shɔ̀ɔ vɨɨ fɨ ntɨꞌ Tesalonika. Vəŋ zɔ nu Kristo nə fwi yiley, tìi fɨ taa ŋwaꞌlə Nwi shi shi, maa məye laa vənu mbɨə faŋ Pɔɔl nəə gisə nə, lùu yinsəŋ mu?

Roma 12:3

Nɨniŋ, mə buꞌ ghɔ tɨ́ viŋ tɔ tɔ laa, kɨ wə kɨ bɨꞌtə laa mfɨꞌ nu yi bàw shɔ̀ɔ faŋ mfɨꞌ fwi yi lùu me. Mə gì tɨ́ viŋ nɨniŋ buꞌ mənɔŋ-bwaŋnə Nwi faŋ Nwi nə kèy mə shɔ nə. Bàw wə kɨ fɨꞌ nu ki nə yitɔfə fɨ maa mfɨꞌ məbiŋ wi faŋ Nwi kɔ̀ tɨ́ ŋwə, ŋwə nùŋ fwi yi maa Kristo nə.

1 Kɔrintian 14:37

Kɨ luu wə luu shɔ faŋ ŋwə bɨꞌtə laa yi lùu nshiiŋii-sɔghɔ, tɨꞌnə me laa yi kìi Zwitə Nwi taa fwi ŋwə, buu ŋwə kɔꞌ kɨɨ laa nu ŋkɨə faŋ mə nyɔ̀ꞌ tɨ́ viŋ feenə, luu ŋkee sɔꞌ faŋ ŋwə ndɔ̀ fɨ ghɔ tɨta Nwi.

1 Kɔrintian 3:18

Kɨ wə kɨ bweꞌsə ŋwaa wi me. Wə kɨ luu lùu taa ŋwaa viŋ, faŋ ŋwə bɨꞌtə laa yi kìi yitɔfə taa mbi nyə̀, bàw ŋwə kiasə gù wə faŋ ŋwə kee kɨ̀ɨ nə nu me, buu kaꞌ ŋwə ndɔ kìi yitɔfə njyə faŋ lùu yitɔfə yinsəŋ.

1 Kɔrintian 8:2

Kɨ luu wə ndɨ ŋwaa wi yaa wə faŋ ŋwə kɨ̀ɨ nə nu, buu ŋkə də̀ laa ŋwə kee ta kìi tɔ ley maa məkɨɨ nə nu me.

Filipi 3:4

Ŋkə yaa toꞌ lùu laa vənu və shɨ nsi luu ŋkee vənu, buu kaꞌ nshɨ-tɔ ŋwaa nùŋ fwi nyaa maa vənu vɔ́. Wə kɨ yɨ lùu shɔ faŋ ŋwə bɨꞌtə laa kaꞌ ŋwə nùŋ fwi yi maa vənu vɔ́, viŋ kɔꞌ kɨɨ laa kaꞌ mə shɔ̀ɔ ŋwə ŋkee maa vənu vɔ́.

Hibru 2:1

Faŋ ŋkə lùu nɨniŋ nə, bàw nsiŋ ywiitə yigi njyə faŋ nsiŋ nə zɔ̀ nə, tɨ́ kaꞌ nsiŋ kee ndì jɨɨ me, buꞌ faŋ nsiŋ kee nùŋ tɔ shɔ nə me.