Lukas 8:16 - Vengo (Babungo)

¹⁶ (Yeso baa tìi yigisə tii yimɔ́ꞌ laa,) «Kaꞌ wə kee shùꞌ kiꞌ baa ndì ntɨɨ, kùsə shɔ me, tɨꞌnə me ndì kiꞌ ghɔ́, kwaŋ ŋiꞌ fwaŋ me. Maa ŋwə taa tə fuu fa mətə kiꞌ, laa vɨɨ mbɨə faŋ vəŋ ŋìi taa ŋii, ye vədɨꞌ vəley. Sheꞌ nɨniŋ, wə faŋ ŋwə nùŋ fwi yi maa Nwi, bàw ŋwə yɨsə vɨ ye.

Lukas 8:16 Iomraidhean Croise

Lukas 11:33

«Kaꞌ wə kee shùꞌ kiꞌ, nùŋsə maa shəŋ vəndenə me, tɨꞌnə me, shìtə nə ntɨɨ me. Maa ŋwə taa nuŋ lùu fuu fa mətə kiꞌ, tɨ́ kaꞌ vɨɨ faŋ vəŋ ŋìi taa ŋii, kɨ ye vədɨꞌ fuŋ.

Lukas 8:15

Gə fɨ maa say ŋgɨə faŋ ŋə fìŋkə taa shɔꞌ jəə nə, lùu yaa nu vɨɨ mbɨə faŋ vəŋ zɔ̀ yigisə Nwi, jìa jəə taa fwisə vəŋ, twèꞌ shɔ, kɨ yɨsə vənu vəjəəvə.»

Akts 26:18

Mə taa tɔŋ ghɔ tɨ́ vɨɨ tɔmə day laa a taa ŋaꞌsə sɨ vəŋ, vəŋ fuu fɨ taa mfiŋsə, ŋìi taa məley Nwi. A fuusə vəŋ fɨ ghɔ wutə zwitə bwə, kwaŋ vəŋ taa wutə Nwi, laa məbiŋ vəŋ yɨsə vənu vəbwəvə vəŋ ndi, vəŋ ndɔ fi shəŋ vəŋ taa ŋwaa vaŋ ley Nwi, faŋ vəŋ nùŋ fwisə vəŋ maa mə.»

Reveleyshən 1:20

Zɔ ŋiꞌ məjwiŋ kwatia faŋ a yè ghɔ mə, nə ŋiꞌ təkiꞌ kwatia, faŋ lùu ntə goolə nə. Ŋiꞌ məjwiŋ mbɔ́ lùu nshiisə-ŋiisə Nwi kwatia faŋ nsə ndeynə vəməshəŋtə və vɨɨ Nwi vì kwatia nə. Təkiꞌ tɔ́ kwatia lùu vəməshəŋtə vɔ́ kwatia.»

Reveleyshən 11:4

Vɨɨ məfɨꞌtə nu kaŋ vɔ́ vəbɔɔ nə, lùu yaa vətɨ və məŋgwə vəbɔɔ, nə təkiꞌ təbɔɔ faŋ ntə tɨ̀ŋ vɨsɨ Tɨɨ-mbi.