Lukas 8:15 - Vengo (Babungo)

¹⁵ Gə fɨ maa say ŋgɨə faŋ ŋə fìŋkə taa shɔꞌ jəə nə, lùu yaa nu vɨɨ mbɨə faŋ vəŋ zɔ̀ yigisə Nwi, jìa jəə taa fwisə vəŋ, twèꞌ shɔ, kɨ yɨsə vənu vəjəəvə.»

Lukas 8:15 Iomraidhean Croise

Matiu 24:13

Luu nə, wə ntɨə faŋ ŋwə jia fwi yi, nùŋ sheꞌ maa Nwi, zìꞌ maa vəndwə, ndɔ bwey.

Lukas 11:28

Ŋwə gi ŋkii laa, «Bey, mənɔŋ-bwaŋnə tɔ vɨɨ mbɨə faŋ vəŋ zɔ nu Nwi jia!»

Lukas 6:45

Sheꞌ nɨniŋ, wuu jəə yaa kɨ nuŋsə vətɔ vəjəəvə taa fwi ŋwə, fuusə fa jəə fɨ fuŋ. Wuu bwə nuŋsə sheꞌ vətɔ vəbwəvə, fùusə vətɔ vəbwəvə fɨ fuŋ nɨzi. Lùu nɨniŋ buꞌ laa yigi wə faŋ ŋwə gisə, luu sheꞌ nu ŋkɨə faŋ ŋkə lwàŋ taa fwi ŋwə.»

Lukas 8:14

Gə fɨ maa say ŋgɨə faŋ ŋə fìŋkə taa nyawsə, lùu yaa nu vɨɨ mbɨə faŋ vəŋ zɔ̀ nu Nwi, luu nə, vəŋ taa kɨ bəŋ gə, kɨ kɔŋ ŋwaa vəŋ buꞌ nu vətɔ və shɨ nsi. Nɨniŋ, vənu və ka, nə nu məzɨ ŋwaa bweꞌsə vəŋ, say vəŋ ku nɨniŋ, ŋgwisə yi kee yifuu me.

Lukas 8:16

(Yeso baa tìi yigisə tii yimɔ́ꞌ laa,) «Kaꞌ wə kee shùꞌ kiꞌ baa ndì ntɨɨ, kùsə shɔ me, tɨꞌnə me ndì kiꞌ ghɔ́, kwaŋ ŋiꞌ fwaŋ me. Maa ŋwə taa tə fuu fa mətə kiꞌ, laa vɨɨ mbɨə faŋ vəŋ ŋìi taa ŋii, ye vədɨꞌ vəley. Sheꞌ nɨniŋ, wə faŋ ŋwə nùŋ fwi yi maa Nwi, bàw ŋwə yɨsə vɨ ye.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:15

Yeso baa gì laa, «Kɨ luu viŋ kaw mə, buu viŋ taa zɔnə ntɨsə saŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:10

Kaꞌ viŋ goꞌsə taa ŋkawnə nyaa faŋ viŋ nuŋsə ntɨsə saŋ, sheꞌ faŋ nshɨ-tɔ ŋwaa nə nùŋsə ntɨsə Tii ŋwaa, buu gòꞌsə taa ŋkawnə yi.

Roma 2:7

Ŋwə ndɔ kɔ məbwey vəlwaŋ tɨ́ vɨɨ mbɨə faŋ vəŋ twèꞌ maa məyɨ nu jəə, tə̀ sɨ maa nu ŋkɨə faŋ ŋkə kee ndɔ mè me, baa kəə jɨɨ laa vəŋ baw mètə, tɨ́ kaꞌ Nwi bəŋsə vəŋ.

Roma 6:22

Gə̀ fɨ maa ndwə, faŋ Nwi yɨsə viŋ fì tɔ kiŋ fɨ ghɔ nu bwə, gù vəbuꞌ tɨ́ Nwi, viŋ kwaanə vətaŋ viŋ, gù vɨɨ faŋ vəŋ bàw tɨ́ Nwi, gə̀ vɨsɨ vɨsɨ. Vəndwə və nu kɔ́, lùu məbwey vəlwaŋ faŋ ŋwə gòꞌsə yighee muꞌ.

Roma 7:18

Nɨniŋ, mə kɨɨ laa nu jəə kee lùu taa fwi mə, nə taa mbasə ŋwaa ŋwaa me, buꞌ laa ŋkitə nyaa maa məyɨ nu jəə lùu shɔ, luu nə, mə kee bee yɨ nu kɔ́ me.

Roma 7:4

Nɨniŋ, vaŋ-nshwi vaŋ, gə̀ fɨ maa jɨɨ yiŋ, vɨ nə zwì ŋwaa Kristo, zwì luu viŋ fɨ kwiŋ ntɨsə Nwi. Ntɨsə Nwi kee baa kii viŋ me, viŋ lùu way ŋwaa wə dɨday. Kìi wə ntɨə faŋ ŋwə nə ywèy fɨ shɨ yiku nə, kìi viŋ ndwə, laa nsiŋ kɨ kwaanə vətaŋ tɨ́ Nwi, yɨsə vənu vəjəəvə.

Roma 8:25

Luu nə, nsiŋ kɨ luu kɨ kɨꞌ fa faŋ nsiŋ kee ta yiye me, bàw nsiŋ jia fwi, kɨ kɨꞌ.

1 Kɔrintian 7:19

Faŋ vɨ sɨɨtə wə, tɨꞌnə me kee sɨ̀ɨtə me, nsɔꞌ kee lùu shɔ me. Nu ŋkɨə faŋ luu ŋkee nu, lùu laa wə kɨ nuŋsə ntɨsə Nwi.

Efesɔs 2:8

Nwi nə bweysə viŋ buꞌ gəŋsə Nwi, faŋ viŋ nùŋ fwi siŋ maa Kristo. Kee bee gaŋtə viŋ gàŋtə yiŋwaa yiŋ me; nə key sheꞌ Nwi kèy viŋ shɔ.

Filipi 1:11

Vənu vəjəəvə ndɔ lwaŋ taa ŋwaa viŋ, viŋ kii nshinə yijəə faŋ nyə ndɔ̀ fɨ ghɔ Yeso Kristo. Nɨniŋ, vɨɨ ye yikwalə Nwi fɨ fuŋ, bəŋsə ŋwə.

Kɔlɔsii 1:10

Nu tɔ ley kɔ́ taa yɨsə laa viŋ kɨ toꞌ nə nshinə yiŋ, faŋ nyə bàw tɨ́ tɨta Kristo, kùꞌnə tɨ́ vɨɨ faŋ vəŋ beꞌsə ŋwə nə. Viŋ kɨ yɨsə vənu vəjəəvə jɨɨsə səyaŋ, baa kɨ̀ɨ nə Nwi ŋkee jəə.

Kɔlɔsii 1:6

Ntɔŋ yijəə Nwi yɔ́ zìꞌ maa vəshəŋ vənshə fɨ shɨ nsi, nyə yɨsə vɨɨ kwiinə nshinə vəŋ, kii nshinə yijəə. Viŋ nɨzi zɔ̀ fɨ fuŋ, nyə yɨ viŋ yɨsə vənu vəjəəvə, zì fɨ maa yighee njyə faŋ viŋ nə fɔŋ zɔ̀ yigi yɔ́, faŋ ŋkə nə lèy tɨ́ viŋ, viŋ kɨɨ jəə faŋ Nwi tu mənɔŋ-bwaŋnə wi tɔ viŋ.

Hibru 10:36

Nu ŋkɨə faŋ ŋkə bàw tɨ́ viŋ, lùu laa viŋ goꞌsə viŋ vɨ Kristo, kee bwa me, tɨ́ kaꞌ viŋ kɨ yɨsə nu ŋkɨə faŋ too Nwi kàw, buu viŋ taa fi məbwey vəlwaŋ faŋ Nwi nə kɔꞌnə tɨ́ viŋ nə.

Hibru 2:1

Faŋ ŋkə lùu nɨniŋ nə, bàw nsiŋ ywiitə yigi njyə faŋ nsiŋ nə zɔ̀ nə, tɨ́ kaꞌ nsiŋ kee ndì jɨɨ me, buꞌ faŋ nsiŋ kee nùŋ tɔ shɔ nə me.

Jeyms 1:4

Nɨniŋ, viŋ jia fwi siŋ, zìꞌ maa yighee shə, laa tuu nu bwə kee lùu taa ŋwaa viŋ me. Kɨ viŋ bəə tuu kee nu jəə fɨ taa ŋwaa viŋ me.

1 Jɔn 2:3

Nu ŋkɨə tɨ́ kɨ kaꞌ nsiŋ kɨɨ laa nsiŋ kɨ̀ɨ nə Nwi yinsəŋ, lùu laa, nsiŋ kɨ luu nuŋsə ntɨsə Nwi, buu nsiŋ kɨ̀ɨ nə Nwi yinsəŋ.