Lukas 8:1 - Vengo (Babungo)

¹ Nu kɔ́ kɨ mè, Yeso ndɔ kɨ toꞌ fɨ taa ntɨꞌsə nə məshɨ, toꞌ fɨ̀ꞌtə nu Nwi shɔ, jwi nə ntɔŋ yijəə kɔ̀ŋ nu yifwàŋ Nwi tɨ́ vɨɨ, toꞌ nɨniŋ, ghɔ vɨ vɨɨ vi njɔsə-bɔɔ luu mɔ́ꞌ.

Lukas 8:1 Iomraidhean Croise

Matiu 11:1

Faŋ Yeso nə mètə maa məkɔ ntɨ yɔ́ tɨ́ vɨɨ məzwetə nu ki njɔsə-bɔɔ nə, ndɔ̀ fɨ yifi, gə̀ kɨ deesə nu Nwi taa ntɨꞌsə shɨ vəŋ.

Matiu 13:19

Wə kɨ luu kɨ zɔ nu buꞌ nu yifwàŋ yizɔ, kee kɨ̀ɨ nə ŋiꞌ ki me, buu tɨɨ vəzwitə vəbwəvə taa jwi fi nu kɔ́ fɨ ghɔ ŋwə, faŋ vɨ nii mɔ̀ꞌ taa fwi ŋwə nə. Nu wə ghɔ́ lùu yaa ŋkə ŋgwisə say ghinə faŋ ŋə fìŋ jɨɨ nə.

Matiu 4:23

Yeso kɨ nii toꞌ fɨ taa shɨ Galilii kənshə, deesə nu Nwi taa ndɔꞌ Nwi, fɨꞌtə ntɔŋ yijəə kɔ̀ŋ nu yifwàŋ yizɔ, shùꞌ vəza vənshə nə vəndoꞌ vənshə fɨ maa vɨɨ.

Matiu 9:35

Yeso kɨ tɨtoꞌ fɨ taa məshɨ nə taa ntɨꞌsə sənshə, toꞌ deesə nu Nwi taa ndɔꞌ Nwi vəŋ, fɨꞌtə ntɔŋ yijəə kɔ̀ŋ nu yifwàŋ yizɔ, baa ndisə vəza nə vəndoꞌ fɨ maa vɨɨ.

Mark 1:39

Vəŋ kɨ nii yigə. Yeso fɨꞌtə nu Nwi taa ntɨꞌsə Galilii sənshə taa ndɔꞌ Nwi vəŋ, ndɔ̀ fùusə vəzwitə vəbwəvə fɨ maa vɨɨ nɨzi.

Lukas 1:80

Wee ghɔ́ kɨ nii ta. Zwitə Ley Nwi lwaŋ taa fwi ŋwə. Ŋwə gə shì taa tɔɔ waꞌsə, gə ziꞌ tɨ́ shi ŋkɨə faŋ Nwi nə nuŋsə ŋwə maa faꞌ wi taa ŋwaa vɨɨ Isirayl.

Lukas 20:1

Shi mɔ́ꞌ faŋ Yeso nəə deesə nu Nwi tɨ́ vɨɨ taa ŋii Nwi yikwalə, baa fɨꞌtə ntɔŋ yijəə Nwi tɨ́ vəŋ, vɨɨ kwalə məfeꞌ Nwi nə vɨɨ mədeesə ŋwaꞌlə Nwi nə vɨɨ taa fɨ taa ŋii Nwi jwi yɨ ŋwə,

Lukas 4:18

«Zwitə Nwi maa mə, buꞌ laa ŋwə nə yòꞌ mə nə məŋgwə, laa mə kɨ fɨꞌtə ntɔŋ yijəə tɨ́ vɨɨ ŋɨꞌ. Ŋwə nə baa tɔ̀ŋ mə laa mə kɨ fɨꞌtə tɨ́ vəbuꞌ və yighaw, laa vəŋ kuunə nə ŋwaa vəŋ, baa nə laa mə gì tɨ́ vɨɨ sɨ fɨsə, laa vəŋ yenə, baa nə laa mə fuusə vɨɨ faŋ vɨ nəə fiitə vəŋ nsi, laa vəŋ gə duꞌ tɔ vəŋ,

Lukas 9:6

Ŋwə gi nɨniŋ mètə, vəŋ fuu, kɨ toꞌ fɨ taa məshɨ məshɨ, toꞌ wày nu ntɔŋ yijəə Nwi, fuusə vəza fɨ maa vɨɨ vəza maa vəshəŋ vənshə.

Akts 10:38

Nwi nə yòꞌ Yeso, wuu Nazaret, nə Zwitə Ley Nwi, baa nə wutə, ŋwə ndɔ kɨ toꞌ vəshəŋ vənshə, yɨsə vənu vəjəəvə, baa shùꞌ vəza fɨ maa vɨɨ mbɨə faŋ zwitə bwə nə luu taa ŋwaa vəŋ, buꞌ laa Nwi nə luu yiba jɨŋ ŋwə.

Akts 13:32

Gə fɨ maa yia, yia baa luu jwi nə ntɔŋ yijəə yɔ́ tɨ́ viŋ, naysə tɨ́ viŋ laa Nwi yɨ̀ nu ŋkɨə faŋ ŋwə nə kɔ̀ꞌnə tɨ́ vətɨɨ vaŋ-nsiŋ nə.

Roma 10:15

Baa nə laa, sii kaꞌ vɨ kɨ fɨꞌtə nu Kristo kɔ́ kɨkə, faŋ vɨɨ ntɔŋsə kee fùu fu me? Luu nə, Nwi yɨ̀ nu ŋkɨə faŋ ŋkə lùu taa ŋwaꞌlə Nwi laa, «Luu ŋkee nu jəə maa məzɔ nshɨŋsə ghuu vɨɨ ntɔŋsə faŋ vəŋ jwi nə ntɔŋ yijəə.»