Lukas 7:6 - Vengo (Babungo)

⁶ Yeso biŋ, ghɔ vɨ vəŋ gə. Vəŋ gə ziꞌ nshənə fɨ fu tɨɨ vəsogeꞌ ghɔ́, tɨɨ vəsogeꞌ ghɔ́ tɔŋ vɨɨmba vi, laa vəŋ gə gì tɨ́ Yeso laa, «Tɨta, kɨ baa bɨŋ me, buꞌ laa mə kee kùꞌnə tɨ́ kaꞌ a ŋìi taa ŋii mə me.

Lukas 7:6 Iomraidhean Croise

Matiu 20:28

Fɔnə Wuu yinsəŋ Nwi nə kee jwì laa vɨɨ kɨ faꞌ tɨ́ ŋwə me. Ŋwə nə bee kii jwi maa məfaꞌ tɨ́ vɨɨ, kɔ̀ ŋwaa wi tɨ́ yiku maa məbweysə vɨɨ vəyaŋ.»

Matiu 3:11

Jɔn baa gi laa, «Mə kɔ muu mə Nwi tɨ́ viŋ laa viŋ kɨ kwiinə fwi siŋ. Luu nə, wə ntɨə faŋ ŋwə jwi fiiba mə, kìi wutə shɔ̀ɔ mə. Mə kee bee kùꞌnə ŋkee maa məshaꞌ gɔsə si me. Ŋwə ndɔ kɔ luu Zwitə Ley Nwi tɨ́ viŋ, nə wisə.

Mark 5:24

Yeso gə ghɔ ŋwə. Vɨɨ vəyaŋ beꞌsə vəŋ, toꞌ fiitə ŋwə.

Lukas 5:8

Faŋ Saymon Pita nə yè nɨniŋ, gu ghuu Yeso, gì laa, «Ndɔ fɨ yɨ mə, tɨta, mə lùu wuu bwə.»

Lukas 7:4

Vɨɨ ntɔŋsə vɔ́ gə ziꞌ yɨ Yeso, bùꞌ ghɔ tɨ́ ŋwə ŋkee dɨdɨꞌ, gì laa, «Tɨɨ vəsogeꞌ ghɔ́ kùꞌnə tɨ́ kaꞌ a yɨ̀ nu ŋkɨə faŋ ŋwə bitə tɨ́ ghɔ nə,

Lukas 7:5

buꞌ laa ŋwə lùu wə faŋ ŋwə kàw nsiŋ. Ŋwə nə bɔ̀ŋ ŋii məshəŋtə nyaa-nsiŋ tɨ́ nsiŋ.»

Lukas 7:7

Lùu ŋiꞌ nu ŋkɨə faŋ ŋkə nii yɨ̀ mə kee jwì nə nshɨ-tɔ ŋwaa yɨ ghɔ me. Bàw a gi sheꞌ nə shuu wə, buu wuu faꞌ ŋwaa taa bwey.

Lukas 8:49

Sheꞌ faŋ ŋwə kɨ bii gisə, wə mɔ́ꞌ jwi fɨ taa ŋii tɨɨ ŋii Nwi ghɔ́, jwi gì tɨ́ tɨɨ ŋii Nwi ghɔ́ laa, «Ŋwiŋ wə ku, kɨ baa ghaysə tɨta ŋwaa-nsiŋ me.»

Akts 10:38

Nwi nə yòꞌ Yeso, wuu Nazaret, nə Zwitə Ley Nwi, baa nə wutə, ŋwə ndɔ kɨ toꞌ vəshəŋ vənshə, yɨsə vənu vəjəəvə, baa shùꞌ vəza fɨ maa vɨɨ mbɨə faŋ zwitə bwə nə luu taa ŋwaa vəŋ, buꞌ laa Nwi nə luu yiba jɨŋ ŋwə.

Jeyms 4:10

Viŋ suꞌsə ŋwaa wiŋ nsi vɨsɨ Mɔꞌmbi, buu Nwi shaꞌsə viŋ yizɔ.

Jeyms 4:6

Nɨniŋ, gəŋsə Nwi, faŋ Nwi kee gəŋsə nə, kwàlə shɔ̀ɔ. Ŋwaꞌlə Nwi baa gì laa, «Nwi fə̀ŋ jɨɨ fɨ ghɔ vɨɨ mbɨə faŋ vəŋ koꞌsə ŋwaa vəŋ, gaŋtə vɨɨ mbɨə faŋ vəŋ sùꞌsə ŋwaa nsi.»