Lukas 7:42 - Vengo (Babungo)

⁴² Faŋ vəŋ nə kee kìi ka ndɔ̀ꞌ tɨ́ ŋwə me, ŋwə meꞌtə vəŋ, ndènə nu təkɔɔ tɔ́. Nɨniŋ, mə bitə tɨ́ ghɔ laa, fɨ taa ŋwaa vəŋ vəbɔɔ, wə ntɨə faŋ ŋwə taa kaw tɨɨ ka ghɔ́ shɔ̀ɔ liŋ wi lùu ndə?»

Lukas 7:42 Iomraidhean Croise

Matiu 18:27

Tɨɨ faꞌ ghɔ́ kee gəŋ si, mèꞌtə ŋwə, ŋwə gə, baa mèꞌtə yikɔɔ yi yɔ́ yinshə.

Matiu 18:34

Too tɨɨ faꞌ ghɔ́ bɨ. Ŋwə kɔ wə ghɔ́ tɨ́ vɨɨ ŋii mfiŋ, laa ŋwə duꞌ ghɔ vɨ vəŋ, zìꞌ maa yighee njyə faŋ ŋwə taa ndɔꞌ yikɔɔ yi yɔ́ yinshə.

Matiu 6:12

Ndenə yibɨsə yia, faŋ yia ndènə yibɨsə vɨɨ nə.

Lukas 7:43

Saymon bəŋsə laa, «Maa lùu wə ntɨə faŋ yikɔɔ yi nə lùu yiyaŋ nə.» Yeso gi tɨ́ ŋwə laa, lùu nɨniŋ,

Roma 3:24

Nɨniŋ, nu vəŋ kiasə lòomə sheꞌ buꞌ gəŋsə Nwi. Vəŋ kee bee kɔ fa tɨ́ Nwi me, buu ŋwə kiasə nu vəŋ, ŋkə loomə me. Ŋwə kiasə nu vəŋ buꞌ Yeso Kristo faŋ ŋwə bwèysə vəŋ fɨ taa nsɔꞌ nə.

Roma 5:6

Ŋwə nə də ŋkawnə yi tɨ́ nsiŋ, buꞌ faŋ Kristo nə kù tɔ nsiŋ maa yighee njyə faŋ Nwi nə tə nə, faŋ nsiŋ nəə kɨ bii vəbwa, baa lùu vɨɨ məmanə Nwi nə.

Galatia 3:10

Gə fɨ maa vɨɨ mbɨə faŋ vəŋ tə̀ sɨ laa vəŋ nuŋsə ntɨsə Nwi, nsɨə faŋ Nwi nə kɔ̀ tɨ́ vɨɨ Jus nə, laa vəŋ taa luu vɨɨ leynə kwiŋ Nwi, buu nsɔꞌ Nwi tɔ vəŋ. Ŋkə lùu nɨniŋ buꞌ laa ŋkə lùu faŋ vɨ nyɔ̀ꞌ taa ŋwaꞌlə Nwi laa, «Wə tɨ̀ me wə faŋ ŋwə kee zɔnə vənu vənshə faŋ vɨ nyɔ̀ꞌ taa ŋwaꞌlə ntɨsə me, kee yɨsə vənu vɔ́ vənshə me, buu nsɔꞌ Nwi tɔ vəŋ.»

Efesɔs 1:7

Ŋwiŋ wi ghɔ́ nə kù tɔ nsiŋ, yɨ laa nsiŋ fuu fɨ taa nsɔꞌ Nwi buꞌ mənshi mi. Nwi ndenə yibɨsə nyaa-nsiŋ, buꞌ faŋ ŋwə kèe gəŋ saŋ-nsiŋ dɨdɨꞌ.

Efesɔs 4:32

Viŋ kɨ kawnə wə nə wə, kii fwi gəŋsə, ndenə yibɨsə wə nə wə, sheꞌ faŋ Nwi nə ndènə yibɨsə yiŋ buꞌ Kristo nə.

Kɔlɔsii 3:13

Kɨ fwi siŋ kɨ shə maa vəliŋ viŋ me! Wə kɨ luu yɨ̀sə nu bwə maa viŋ, viŋ ndenə yibɨsə yi, fɔnə Nwi ndenə yibɨsə yiŋ. Nɨniŋ, ŋkə kùꞌnə laa viŋ ndenə yibɨsə yiŋ, viŋ viŋ.