Lukas 7:40 - Vengo (Babungo)

⁴⁰ Yeso kɨɨ nə mbɨꞌtə yi yɔ́, gi tɨ́ ŋwə laa, «Saymon, mə kəə naysə nu tɨ́ ghɔ.» Ŋwə laa, «Ɔŋ, tɨta.»

Lukas 7:40 Iomraidhean Croise

Matiu 26:49

Nɨniŋ, ŋwə koꞌ jwì yɨ Yeso yighee muꞌ, gì laa, «Tɨta, sheꞌ bwaŋnə,» kɨ nii nyɔ̀ŋ fəə ghi.

Matiu 7:22

Maa shi ŋkɨə faŋ nu yifwàŋ yizɔ ndɔ fuu ntee, vɨɨ vəyaŋ ndɔ gì shee laa, «Tɨta, tɨta, maa yia nəə fɨꞌtə yigisə shuu Nwi maa yizii yə, fuusə vəzwitə vəbwəvə fɨ maa vɨɨ maa yizii yə, yɨsə vənu vəkwalə vəyaŋ maa yizii yə.»

Lukas 18:18

Nə luu maa yighee yɔ́, shɨꞌ mɔ́ꞌ jwi bìtə tɨ́ Yeso laa, «Tɨta, faŋ a lùu wuu jəə, mə sii taa yɨ kə, buu ndɔ zɨ məbwey vəlwaŋ faŋ ŋwə gòꞌsə yighee muꞌ?»

Lukas 5:22

Yeso nəə kɔꞌ kɨɨ nə mbɨꞌtə vəŋ, gì tɨ́ vəŋ laa, «Viŋ sii bɨ̀ꞌtə kə fɨ taa fwisə viŋ?

Lukas 5:31

Yeso zɔ yigisə vəŋ yɔ́, bəŋsə tɨ́ vəŋ laa, «Maa vɨɨ mbɨə faŋ vəŋ lùu vətaa, kee yaa kɨ kəə wuu fɔ me. Kəə sheꞌ vɨɨ mbɨə faŋ vəŋ zɨzasə kəə wuu fɔ.

Lukas 6:8

Yeso nə kɔꞌ kɨɨ nə mbɨꞌtə vəŋ yɔ́. Ŋwə gi tɨ́ wə ghɔ́ faŋ kwiŋ wi nə ku muꞌ nə, laa ŋwə ndɔ yizɔ, tɨ̀ŋnə nɨntəŋ. Wə ghɔ́ ndɔ yizɔ, tɨ̀ŋ shɔ.

Lukas 7:39

Wuu Farisii ghɔ́ faŋ ŋwə nə tìi Yeso taa ŋii ŋwə nə, ye, bɨ̀ꞌtə fɨ taa fwi ŋwə laa, Yeso nii toꞌ lùu nshiiŋii-sɔghɔ, buu ŋwə kɨ̀ɨ nə wəzwi ŋwə̀, faŋ ŋwə kɔ̀ŋ ŋwə nə, baa kɨ̀ɨ nə ŋiꞌ ki laa lùu wuu məyɨ vənu vəbwəvə.

Lukas 7:41

Yeso gi laa, «Tɨɨ ka mɔ́ꞌ nə kìi vɨɨ təkɔɔ vi vəbɔɔ, wuu mɔ́ꞌ nə kìi ŋwə ŋkaŋsə muu-ntee, wuu mɔ́ꞌ ŋkaŋsə tee.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:13

Maa viŋ tii mə nə «Wuu mədeesə», nə «tɨta». Viŋ tii yinsəŋ, mə lùu nɨniŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:19

Yeso nəə kɔꞌ kɨɨ laa vəŋ kəə bitə ŋiꞌ yigi yɔ́ tɨ́ yi, ŋwə gi tɨ́ vəŋ laa, «Viŋ gɨgisə kɔ̀ŋ yigi yɔ́ mu? Maa mə nii nàysə tɨ́ viŋ laa wee-fɨkɨꞌ nee, viŋ kee baa yè mə me, taa baa betə fɨkɨꞌ, viŋ baa ye mə. Viŋ kee kɨɨ nə ŋiꞌ yigi kɔ́ yimu?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:30

Yia kɔꞌ kɨɨ ndwə laa a kɨɨ nə vənu vənshə, nu kee ghɔꞌ ghɔ me. A kɨ̀ɨ nə vənu faŋ wə kəə bitə tɨ́ ghɔ. Nɨniŋ, yia biŋ laa a nə ndɔ̀ fɨ ghɔ Nwi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:2

Vətuꞌ shi mɔ́ꞌ ŋwə jwi yè Yeso, gì tɨ́ ŋwə laa, «Rabi, yia kɔꞌ kɨɨ laa a lùu wuu mədeesə vɨɨ faŋ ŋwə ndɔ̀ fɨ ghɔ Nwi. Kaꞌ tuu wə kee yɨ̀ vənu və shuu yɔŋvə mbɨə faŋ a yɨ nə me, tɨ̀ lɨꞌ laa Nwi lùu fɨ yiba jɨŋ ŋwə me.»