Lukas 7:34 - Vengo (Babungo)

³⁴ Gə fɨ maa Wuu yinsəŋ Nwi, ŋwə jwi kɨ zɨ, ndɔ nu. Viŋ kɨ nii gì laa ŋwə lùu waa-mfii-ndaa nə nu məluꞌ, baa nə laa ŋwə lùu wuumba vɨɨ məsa vətɔ nə vɨɨ bwənə.

Lukas 7:34 Iomraidhean Croise

Matiu 11:19

Gə fɨ maa Wuu yinsəŋ Nwi, ŋwə jwi kɨ zɨ, ndɔ nu, vɨ gi laa ŋwə luu waa-mfii-ndaa, baa lùu wuu mənu məluꞌ, baa nə laa ŋwə lùu wuumba vɨɨ məsa vətɔ nə vɨɨ məyɨ vənu vəbwəvə. Luu nə, vɨ ye yitɔfə Nwi fɨ maa faꞌ wi.»

Matiu 5:46

Viŋ kɨ luu kàw sheꞌ vɨɨ faŋ vəŋ kaw viŋ, buu vəkeynə viŋ sii lùu kɨkə? Maa vɨɨ məsa vətɔ yɨsə nɨniŋ nɨzi!

Matiu 9:11

Vɨɨ Farisii ye, bìtə tɨ́ vɨɨ məzwetə nu Yeso laa, «Sii yɨ̀ kə buu tɨta wiŋ kɨ zɨ ghɔ vɨ vɨɨ məsa vətɔ nə vəyɨ-kəbwə?»

Lukas 11:37

Yeso gi nɨniŋ, wuu Farisii mɔ́ꞌ tii ŋwə laa ŋwə jwi, ghɔ ŋwə zɨ. Ŋwə gə ŋìi taa ŋii wə ghɔ́, dùꞌ nsi maa məzɨ.

Lukas 14:1

Nə luu shi zwisə Nwi mɔ́ꞌ faŋ Yeso nə gə ŋìi taa ŋii wuu kwalə mɔ́ꞌ fɨ taa nwaa vɨɨ Farisii maa məzɨ bee, vɨ nyɔꞌ ŋwə.

Lukas 15:2

Vɨɨ Farisii ghɔ vɨ vɨɨ mədeesə ŋwaꞌlə Nwi ye, lùlə, kɨ gisə laa, «Ebee, wə ŋwə̀ ndì vɨɨ məyɨ vənu vəbwəvə, ghɔ vɨ vəŋ nə zɨ.»

Lukas 19:7

Vɨɨ ye nɨniŋ, vəŋ vənshə lulə Yeso, buꞌ faŋ ŋwə nə gə shi ghɔ wə faŋ ŋwə yɨsə vənu vəbwəvə.

Lukas 5:29

Vəŋ kɨ nii gə̀ fu Levi. Levi tia ŋwə ŋkee jəə. Vɨɨ məsa vətɔ nə vɨɨ vəmɔ́ꞌ nə luu shɔ vəyaŋ, ghɔ vɨ vəŋ duꞌ shəŋ muꞌ, kɨ zɨ.

Lukas 7:33

Yighee njyə faŋ Jɔn, wuu məkɔ muu mə Nwi, nə jwi, viŋ yɨ sheꞌ yaa vaŋ vɔ́. Ŋwə nə kee zɨ bee me, kee nu məluꞌ me. Viŋ kee biŋ yigisə yi me, gi laa, zwitə bwə taa ŋwaa ŋwə.

Lukas 7:35

Luu nə, kaꞌ vɨ kɨ̀ɨ laa yitɔfə Nwi lùu nu yinsəŋ, buꞌ vɨɨ mbɨə faŋ vəŋ biŋ yitɔfə Nwi yɔ́.»

Lukas 7:36

Wuu Farisii mɔ́ꞌ nə tìi Yeso laa ŋwə jwi, ghɔ ŋwə zɨ fazɨ. Yeso gə ŋìi taa ŋii wuu Farisii ghɔ́, duꞌ nsi kɨ zɨ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:2

Vɨ naanə fazɨ, tìa Yeso shɔ. Marta nə gaasə fazɨ kɔ́. Lasarɔs nə luu shɔ nɨzi, ghɔ vɨ vəŋ nə zɨ mɔ́ꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 2:2

Vɨ nə kɨ shoꞌ Yeso maa məndaa ghɔ́ nɨzi nə vɨɨ məzwetə nu ki.