Lukas 7:22 - Vengo (Babungo)

²² Nɨniŋ, ŋwə bəŋsə tɨ́ vɨɨ ntɔŋ vɔ́ laa, «Viŋ gə fɨꞌtə nu ŋkɨə faŋ viŋ yè, nə nu ŋkɨə faŋ viŋ zɔ̀, tɨ́ Jɔn. Viŋ naysə tɨ́ ŋwə laa vɨɨ sɨ fɨsə yɨyenə, vəndwey tɨtoꞌ, zatə bwə me fɨ maa vɨɨ, vənshii tuulə zɔnə, vəŋku və vɨɨ ywey, mbəəsə zɔ ntɔŋ yijəə Nwi.

Lukas 7:22 Iomraidhean Croise

Matiu 11:5

laa vɨɨ sɨ fɨsə yɨyenə; vɨɨ faŋ yiŋwaa yivəŋ kìlə, tɨtoꞌ; zatə bwə me fɨ maa vɨɨ; vɨɨ tuulə shiilə zɔnə; vəŋku vənsisə ywey; vɨ fɨꞌtə ntɔŋ yijəə Nwi tɨ́ vɨɨ ŋɨꞌ.

Matiu 21:14

Vɨɨ sɨ fɨsə nə vəndwey jwi yɨ ŋwə taa ŋii Nwi yɔ́, ŋwə shuꞌ vəŋ.

Lukas 4:18

«Zwitə Nwi maa mə, buꞌ laa ŋwə nə yòꞌ mə nə məŋgwə, laa mə kɨ fɨꞌtə ntɔŋ yijəə tɨ́ vɨɨ ŋɨꞌ. Ŋwə nə baa tɔ̀ŋ mə laa mə kɨ fɨꞌtə tɨ́ vəbuꞌ və yighaw, laa vəŋ kuunə nə ŋwaa vəŋ, baa nə laa mə gì tɨ́ vɨɨ sɨ fɨsə, laa vəŋ yenə, baa nə laa mə fuusə vɨɨ faŋ vɨ nəə fiitə vəŋ nsi, laa vəŋ gə duꞌ tɔ vəŋ,

Lukas 7:21

Maa yighee yɔ́ faŋ vɨɨ ntɔŋ vɔ́ nə jwi yɨ Yeso nə, ŋwə nə shùꞌ vɨɨ vəyaŋ fɨ maa vəza, nə fɨ maa ŋɨꞌ, nə fɨ maa vəzwitə vəbwəvə, gàŋtə vɨɨ sɨ fɨsə vəyaŋ, yɨ̀sə vəŋ yenə.

Lukas 7:23

Mənɔŋ-bwaŋnə tɨ́ wə ntɨə faŋ njyoꞌ yi kee lìa buꞌ mə me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:46

Nataniel gi tɨ́ ŋwə laa, «Kaꞌ nu jəə ndɔ fùu fɨ ntɨꞌ Nazaret mu?» Filip gi tɨ́ ŋwə laa ŋwə jwi ye.

Akts 26:18

Mə taa tɔŋ ghɔ tɨ́ vɨɨ tɔmə day laa a taa ŋaꞌsə sɨ vəŋ, vəŋ fuu fɨ taa mfiŋsə, ŋìi taa məley Nwi. A fuusə vəŋ fɨ ghɔ wutə zwitə bwə, kwaŋ vəŋ taa wutə Nwi, laa məbiŋ vəŋ yɨsə vənu vəbwəvə vəŋ ndi, vəŋ ndɔ fi shəŋ vəŋ taa ŋwaa vaŋ ley Nwi, faŋ vəŋ nùŋ fwisə vəŋ maa mə.»

Akts 8:7

buꞌ laa ŋwə nəə fuusə vəzwitə vəbwəvə fɨ maa vɨɨ vəyaŋ, faŋ vəŋ nə kìi vəzwitə vəbwəvə taa ŋwaa vəŋ. Vəzwitə vəbwəvə vɔ́ yumə ŋkee nəŋay buu fùu. Ŋwə baa shùꞌ vɨɨ faŋ way ŋwaa vəŋ nə ku muꞌ, nə vəndwey, vəŋ bwaŋnə.

Jeyms 2:5

Viŋ zɔ, vaŋ-nshwi vaŋ faŋ mə kàw viŋ, Nwi shòꞌ luu mbəəsə fɨ mbi, ndì vəŋ laa vəŋ nuŋsə fwisə vəŋ maa Kristo, ndɔ̀ zɨ̀ nu yifwàŋ Nwi, faŋ Nwi nə kɔ̀ꞌnə maa məkɔ tɨ́ vɨɨ mbɨə faŋ vəŋ kàw ŋwə. Nɨniŋ, luu vəŋ luu mfuꞌsə yinsəŋ.