Lukas 7:16 - Vengo (Babungo)

¹⁶ Vɨɨ vənshə fee, bəŋsə Nwi, gì laa, «Ŋkee nshiiŋii-sɔghɔ kwalə fùu taa ŋwaa nsiŋ,» baa nə laa, «Nwi jwì kèe gəŋsə vɨɨ vi.»

Lukas 7:16 Iomraidhean Croise

Matiu 15:31

Shuu nwaa vɨɨ vɔ́ yɔŋ, faŋ vəŋ yè vəbɨbɨ nə gisə, nə vɨɨ faŋ way ŋwaa vəŋ nə ku muꞌ nə, bwaŋnə, vəndwey toꞌ, vɨɨ sɨ fɨsə yenə. Vəŋ bəŋsə yizii Nwi vɨɨ Isirayl.

Matiu 21:11

Nwaa vɨɨ vɔ́ bəŋsə tɨ́ vəŋ laa, «Lùu Yeso, nshiiŋii-sɔghɔ faŋ ŋwə ndɔ̀ fɨ ntɨꞌ Nazaret shɨ Galilii.»

Matiu 28:8

Vəŋ ndɔ fɨ shuu swi yɔ́ titi, nə məfee, baa nə məŋaytə yaŋ, nyɨŋ gə̀ nàysə tɨ́ vɨɨ məzwetə nu Yeso.

Matiu 9:8

Nwaa vɨɨ vəyaŋ vɔ́ ye, fèe, kɨ bəŋsə yizii Nwi faŋ ŋwə kɔ̀ kəŋ wutə kɔ́ tɨ́ vɨɨ nə.

Lukas 1:65

Vɨɨ njɨɨsə vəŋ vənshə fee. Vənu vɔ́ vənshə saynə maa vəshəŋ vənshə taa təkweꞌ fɨ shɨ Judia.

Lukas 1:68

«Nsiŋ kɨ bəŋsə Mɔꞌmbi, Nwi vɨɨ Isirayl, buꞌ laa ŋwə kèe gəŋsə vɨɨ vi, bwèysə vəŋ.

Lukas 19:44

mɔ̀ꞌ ghɔ nsi, viŋ vɨ vaŋ və, nə ndɔꞌ ghə. Vɨ ndɔ kee meꞌtə tuu ŋoꞌ yimuꞌ, nyə nɔŋnə fuu liŋ wi me. Luu ŋɨꞌ njyə faŋ nyə ndɔ ŋii maa ghɔ, buꞌ laa a mànə yighee njyə faŋ Nwi nə jwì yɨ ghɔ, kɨ kəə bweysə ghɔ.»

Lukas 2:20

Nshiisə bisə sɔ́ bəŋ, kɨ bəŋsə Nwi dɨdɨꞌ maa nu ŋkɨə faŋ vəŋ nii zɔ, ndɔ ye yuu vɨ nii nàysə tɨ́ vəŋ nə.

Lukas 24:19

Ŋwə bitə tɨ́ vəŋ laa lùu ŋkɨə nu? Vəŋ gi tɨ́ ŋwə laa, «Lùu nu Yeso, wuu Nazaret, faŋ nə luu nshiiŋii-sɔghɔ, wèꞌ maa vənu vi faŋ ŋwə nəə yɨsə, nə mbɨə faŋ ŋwə nəə gisə vənshə, vɨsɨ Nwi nə vɨɨ vənshə.

Lukas 5:26

Nu kɔ́ ghɔꞌ vɨɨ vənshə, vəŋ bəŋsə yizii Nwi, fèe dɨdɨꞌ, gì laa vəŋ ye ŋkee nu shuu yɔŋ ndee.

Lukas 5:8

Faŋ Saymon Pita nə yè nɨniŋ, gu ghuu Yeso, gì laa, «Ndɔ fɨ yɨ mə, tɨta, mə lùu wuu bwə.»

Lukas 7:15

Wə ghɔ́ ywey, ndɔ tɨŋnə yizɔ, zì kɨ gisə. Yeso kɔ ŋwə tɨ́ nshu wi.

Lukas 7:39

Wuu Farisii ghɔ́ faŋ ŋwə nə tìi Yeso taa ŋii ŋwə nə, ye, bɨ̀ꞌtə fɨ taa fwi ŋwə laa, Yeso nii toꞌ lùu nshiiŋii-sɔghɔ, buu ŋwə kɨ̀ɨ nə wəzwi ŋwə̀, faŋ ŋwə kɔ̀ŋ ŋwə nə, baa kɨ̀ɨ nə ŋiꞌ ki laa lùu wuu məyɨ vənu vəbwəvə.

Lukas 8:37

Vɨɨ vɔ́ vənshə fɨ nsi Gerasa zɔ nu kɔ́, gì tɨ́ Yeso laa bàw ŋwə fuu fɨ shɨ vəŋ, buꞌ laa vəŋ nə fee ŋkee dɨdɨꞌ. Nɨniŋ, Yeso baa ŋìi taa bay maa məbəŋ gə̀.

Lukas 9:19

Vəŋ bəŋsə tɨ́ ŋwə laa, «Vɨɨ mɔ́ꞌ gisə laa a luu Jɔn, wuu məkɔ muu mə Nwi. Vəmɔ́ꞌ laa a luu Elias. Vəmɔ́ꞌ laa a lùu fɨ maa nshiisə-ŋii sɔghɔ mbə ywaŋ-vɨsɨ, faŋ ŋwə ywèy fɨ shɨ yiku.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:21

Vəŋ bitə tɨ́ ŋwə laa, «A kee luu Kristo ghɔ́ me, buu a lùu ndə? A luu Elias mu?» Ŋwə bəŋsə laa bey. Vəŋ laa ŋwə lùu nshiiŋii-sɔghɔ wì, faŋ vɨ kɨꞌ ŋwə nə mu? Ŋwə laa bey.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:25

Vəŋ baa bìtə tɨ́ ŋwə laa, «Sii yɨ kə, a kɔ muu mə Nwi tɨ́ vɨɨ, faŋ a kee lùu Kristo ghɔ́ me, tɨꞌnə me lùu Aysaya me, tɨꞌnə me lùu nshiiŋii-sɔghɔ wì me?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:19

Wəzwi ghɔ́ gi tɨ́ Yeso laa, «Tɨta, mə ye laa a luu nshiiŋii-sɔghɔ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:14

Vɨɨ vɔ́ vənshə ye nu shuu yɔŋ ŋkɨə faŋ Yeso nə yɨ̀ yifi, vəŋ gi laa, «Yinsəŋ, luu ŋkee nshiiŋii-sɔghɔ nə, faŋ Nwi nə gì fɨshi laa ŋwə ndɔ jwì taa mbi shɨ nsi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:17

Vəŋ bitə tɨ́ wə ghɔ́ faŋ sɨ ghi nə fɨ̀ nə, laa ŋwə gì ŋkii laa kə, laa wə ntɨə faŋ ŋwə yɨsə sɨ ghi yenə nə, lùu kɨkə? Wə ghɔ́ gi laa lùu nshiiŋii-sɔghɔ.

Akts 5:5

Ananias zɔ nu kɔ́, gù nsi ku. Vɨɨ vənshə zɔ, nduŋ sɨɨ vəŋ, vəŋ fee ŋkee dɨdɨꞌ.

Akts 7:37

Mose ghɔ́ baa lùu wə ntɨə faŋ ŋwə nə gì tɨ́ vɨɨ Isirayl laa Nwi ndɔ baa shoꞌ nshiiŋii-sɔghɔ mɔ́ꞌ fɨ taa ŋwaa vəŋ, sheꞌ faŋ ŋwə nə shòꞌ Mose nə.

Galatia 1:24

Nɨniŋ, vəŋ nə bə̀ŋsə Nwi buꞌ mə.